وانا بعد دخلت عشان اقولكم انشالله ربي يهون عليكم وتولدون بالسلامه وتشوفون عيالكم
لاتنسونا من الدعاء وقت الولاده :27:

والله كان خاطري حد ينزل مثل ها المواضيع علشان نشارك بعض .... موعد ولادتي 28-2 يعني ما باقي الا شهر واسبوع والاحساس اللي احس فيه انه كل ما قربت الولاده خفت زياده مع اني مجربتنها لكن خيفانه وااااااااايد ... على العموم الله يسهل علينا كلنا .... وباين انه اول وحده بتربي من بينا اللي هي جوكليت لوفر .... ( الله يسهل عليج ولا تنسين الدعاء ادعييييلنا )

عروس الشرق بما انج من الامارات .. وين انشاء الله بتولدين ؟؟؟

تعالي ياعروس الشرق وأخواتي الحبيبات اسند راسي على صدوركن :06:
محتاجة بنات اسولف معهن واحكي لهن ويحكين لي !!!
الان ولله الحمد من يومين دخلت الاسبوع 32 وبكرة ان شاء الله ادخل الثامن
وصار معي سكر الحمل الله يعين
التعب نفسكم شعور بالاجهاد والم في الظهر احيانا بزيادة واسفل البطن خاصة اذا طولت
الجلسة والوقفة
وحرقان متعب لكن اشرب موية حارة واصير بحمد الله احسن
الله يهون علينا يارب احس اني مشتاقة للبنوتة مرة مرة

أختي الغاليه .. عروس الشرق
مشكووووره وايد على هذا الموضوع الرائع ..

أنا ولله الحمد في الأسبوع 23 من حملي (هذا أول حمل لي) .. وموعد ولادتي ان شاء الله بيكون في 3/6/2004 ..

وأكثر شي تاعبني ألم الظهر وألم في منطقة الحوض من الخلف بحيث ماأقدر أقعد وايد ولا أمشي وايد وبلأخص الجهه اليسرى .. واللي تاعبني بعد الحرقان ذابحني موووت .. بس شو نسوي كله يهون عشان خاطر عيون البيبي :04:
(لأجل عين تكرم ألف عين) ..

واللي أكثر شي مخوفني إنهم يسون لي عمليه قيصريه ...

الله يتمم لنا حملنا كلنا ويقومنا بالسلامه ان شاء الله .. ويارب ترزق كل محرومه وتنولها اللي في بالها ...
آآآآآآآآآآآآمين

سبقتيني
انا كنت راح انزل موضوع اسالكم كيف تنامو؟
والله النوم ماساة اذا قمت الحمام الله يكرمكم ماعاد يجي نوم واذا بكيو بناتي ورحت اشوفهم ماعاد فيه نوم واذا البيب رفس بقوة مافيه نوم والله خلاص مليت جسمي مكسر وابغى انام بس مافيه امل
هذا غير الحموضة اللي طفشتني اشرب حليب اشرب لبن تروح وترجع امس اخذت حبة الدكتورة قالت في الضرورة والله يعين هذا غير اني خايفة من تسمم الحمل والولادة المبكرة لانهم الاثنين صارو لي
وافكر اقول خايفة من الطبيعي والامها لاني ماقد جربتها وخايفة من القيصري رغم احس انها اريح
وشغل البيت ماني طايقة اقوم بشي انظف شوي واتعب واخاف انظف وبعدين من التعب تجيني ولادة وهذا مكسلني اكثر غير زوجي لمن يخرج يوصيني ما اتعب نفسي لان الولادة اللي قبلها ولدت السابع
ما ادري
الله يعين وييسر لنا كلنا