هلافيكم خواتي جميعا ..
انا لي تقريبا 32 اسبوع وطبعا احس بمتاعب الاخوات كما سبق ذكروها بالاضافه الى نزول المشيمه المفاجي رغم انها كانت تمام في السابق وانخفاض نسبة الدم الى 8 وشعور بدوخه باستمرار حتى وانا واقفه في الصلاة لكن الحمدلله الله يهونها ويكتب لنا الاجر ونقوم بالسلامه ..
اختي ام التوأم النوم مأساة انا معاك نايمه ولا كاني نايمه احس بكل شيء حولي ..
سؤال :
ليه تنزل المشيمه ؟ ومن ايش ؟ خصوصا انها كانت وضعها سليم وكله تمام !!
انا قلقانه من العمليه القيصريه لاني اولد طبيعي ولله الحمد ..
اشوفكم على خير وربي يسهل على الجميع ان شاء الله ..

الله يهون عليكم جميعا يا رب

انا ان شاء الله بولد في مستشفى الوصل

بس بنات بسألكم عن شي محيرني

انا كنت اراجع في مستشفى دبي و اخر مره بدوا معاي مراجعات كل اسبوعين
بس انا حولت ملفي للوصل و كان اول موعد عندهم اليوم بس عطوني موعد بعد اربع اسابيع يعني اول ما ادخل التاسع ان شاء الله
هل هالشي عادي؟ لان الي اعرفه ان المراجعات في الثامن تكون كل اسبوعين و في التاسع كل اسبوع

:26:

ريبه يا عروس الشرق دام انج في الثامن المفروض يعطونج كل اسبوعين .... ويمكن علشان زحمه عندهم وايد ....

السلام عليكم معاناتي مثلك ياchocolat lover وهو اني طالبه في اخر سنه ودي اتخرج وافتك والمشكله ولادتي بتكون في 5\2\2004 يعني على بداية الترم الثاني واحس بكل الاعراض اللي ذكرتوها ونفسي اولد قبل العيد علشان اروح لاهلي بس زوجي مانعني ورافض اني اخذ اي عشبه تسهل الولاده
والله يسهل علينا انشاءالله

بالنسبه لي انا تقريبا خلصت 75% من الاغراض و ابي اخلص الباقي الحين و افتك لانه مافيني حيل امشي
حدي امشي عشر دقايق و اتعب

بس شنطه الولاده مو عارفه شنو الاشياء المفروض تنحط فيها