الي لديها خبره بالذهب والسبائك سؤال وارجو المشوره بليز

ياعمري قبل فتره شريت سبيكه 50 جرام
لقيته كاتب الججرام سعره 151
وانا بنفس اليوم لقيته في الموقع ب144 ريال
تتراهم يزودون من عندهم اذا حاسه انه غشك لفي ع المحلات انا لفيت ولقيت ارخص بفارق بسيط
اهم شي بالسبيكه تكون عليها 9999
وافضل نقشه الورده

اي صادقه
لقيت عليها نفس الرقم والوردة منقوشه عليها
ولقيت 100جرام وكمان 116جرام بس احترت اخاف اخسر

تعالي انا افهمك عشان انا مدخرة كتيرة منها. ، انتي من جدة روحي محل الجملة قي سوق اليمامة اسم المحل الزخرف ،، المحل صغير مرة شغلته بس سبايك هو المحل اللي يمول كل تجار جدة ،،، روحي عنده قولي له ابغى سبيكة عشرة تولا ، عشرة تولا انقى و اجود انواع السبايك ،،، زي ما تقولي الذهب 143 جرام ، هو على كل جرام يزود ريالين عمولته فقط و هذا ارخص محل تلاقي فيه هذا السعر ،،، يعني راح يحسب لك الجرام ب 145 ،،، طيب هي تجي قد اصبعين بس تقيلة ،، عيارها دايما 24 ، تقدري تخزنيه بسهوله ،، انا شاريتها للزمن ، لانه الذهب سعره فيه ما في خسارة ابدا ، كل ما جمعت مبلغ اروح اطق لي وحدة ،،، الحين الحمدلله صار عندي عشر منها ،،، اذا انتي من مدينة تانية ، شوفي تاجر الجملة حق السبايك في مدنتك ، لا تشتري من محاات الذهب العادية ،،،

اخت جولدن شكرا ياعسل ربي يبارك لكي ويرزقك من حيث لاتحتسبي
اي لقيتها قالي تولا واستغربت من الاسم ماجاء ببالي انه على نقاوة الذهب
افدتنيني يسعدك ربي انا من الغربيه قريبه جده اروح ان شاءالله للمحل

لحظه لحظه وش هي تولا
اشرحوها لي
صديقتي شرت 100 جرام الساعه 8 المساء ب18000
وباعتها الصباح الساعه 9 ب21000