مرحبا اخواتي
قرات الموضوع واعجبني وحبيت ابدي رايي

من نظرتي الشخصية واللي اشوفة من احوال النساء اللي حولنا

ان حظ المراءة الجاسة ببيتها افضل كثير
لاني اكتشفت ان اكثر المشاكل موجودة عند الموظفات
زوجها يقولها عندك راتب اصرفي منة وادفعي راتب الخدامة لانك انتي اللي محتاجتها
وادفعي فاتورت جوالك وش دخلني فيها وغير كذا لاحظت ان اكثر الرجال ياخذون سيارات ويخلون زوجاتهم يقصدونها من رواتبهم ويقول ساعديني بسدد ديوني
مع ان الجالسة بالبيت زوجها ما يطلب منها تساعدة لا بتسديد ديون ولا دفع راتب خدامة يعني مرتاحة ولا فية مشاكل على الراتب
وبعدين الموظفة تجي من دوامها تعبانة وزوجها بعد ومالها خلق تجهز غداء او ترتب نفسها هنا الزوج يمل ويحس بنقص دايم
وبالنهاية يتزوج ثانية
لاني اعرف مدرسة راح عمرها بالتدريس واخر شي تزوج وحدة ماهي متوظفة والان مرتاح على الاخر لدرجة انة يسافر بالثانية ويترك الاولي لان الثانية تشاركة بكل شي اما الاولي يروح وقتها بالوظيفة
وانا ما اقول الا الحمد لله اني مرتاحة وجالسة بالبيت مع اطفالي
يجي زوجي والغداء جاهز ويتغدي ويروح للعمل وبعدها انام يعني لا شمس حارقة بالظهر ولا برد وطلعة
والحمد للهاطفالي بعد مرتاحين لاني كل الوقت معهم وحاسين في قربي منهم لدرجة ان بنتي تقول لبوها
ما نبي امي تروح وتخلينا من يسولف معنا اذا رحت للدوام ويسوي لنا الغداء
فصاروا اولادي متعلقين فيني وهالشي خلي ابوهم يحس بقيمتي وحاجة اطفالنا لي
وهذا اهم شي
لان المراءة خلقت لتعمل بمنزلها
والرجل خلق ليعول اسرتة ويصرف عليها
وشاكرة لصاحبة الموضوع موضوعها الممتاز
اختكم
سارا

:cool: أحم أحم

>>>>>>>> راح تبدي رايها افسحوا الطريق

والله انا اقول رايي في هالموضوع البنت مالها الا شغلها وبس خخخخخخخخ ;)

امزح لا تدفووووووووني

>>>>>>> من جد راح تتكلم هالمره

انا ادرس سنه رابعه داخله للسنه الخامسه تخصص علوم كمبيوتر

>>>> الله يعين

والله يا اخواتي انا اشوف ما في قاعده تمشي على الكل يعني ربة البيت مرتاحه

من هم الدراسه والشغل وبالها مرتاح وممكن تكون تعبانه من طول وقت الفراغ

والملل ومن زوجها طبعا يعني ممكن تكون تعبانه من زوجها ومن عمايله والشغل

يشغلها عنه وعن مشاكله وعلى فكره في حررررريم من ربات البيوت من كثر الملل

والفراغ يختلقون اي مشكله مع رجالهم يعني يا اختي على حسب الحرمه نفسها وعلى

ظروفها وعلى حسب قدراتها اذا تقدر تتحمل ولا لا واذا تقدر توفق بين حياتها الزوجيه

وحياتها العمليه 000

انا مثلا متفقه مع خطيبي انه لما نتزوج واشتغل لانه على فكره عندي هوس اسمه ( الشغل)

يعني انشالله اذا ربي وفقني راح اشتغل لانه عندي رغبه شديده اني اشتغل مع انه اعرف انه

راح اتعب لانه ما راح يكون لي وقت فراغ وراح يكون وقتي كله مشغول بسسسس انا قلت

راح اجرب الحياة العمليه واحكم على قدراتي واشوف اذا راح اقدر اتحمل ولا لا وانا اتفقت مع

خطيبي انه اذا قصرت في شي ولا تضايق وانا اشتغل يقولي وانا بدوري راح احاول اتغير وراح

احاول اني اوفق واذا حاولت وفشلت راح اترك الشغل واتفرغ لعيالي وزوجي مع ان خطيبي

حالته الماديه اوكيه وعارفه انه راح يعيشني مرتاحه وما راح ينقص علي شي بس هذا رغبه فيني

اني اشتغل وامسك معاشي بيدي واعمل اللي اريده واشتري اللي اريده 00

وانا انصحك اختي مثل نصايح اخواتي خذي اجازه وشوفي نفسك اذا ارتحتي بالبيت وزوجك ارتاح

خلااااااا ص خلي الشغل لانه الاهم بيتك المهم تكون كل وحده مننا معاها شهاده مو مهم تشتغل

الهدف من الشهاده انه لو اصبحت ارمله ولا مطلقه يكون معاها شهادتها اللي تشغلها وتعتمد على

نفسها لانه في هذا الزمن صار اللهم نفسي صعب نعتمد على حد ولا كان اخوي من لحمي ودمي

اختي00

صلي صلاة الاستخاره وتوكلي على الله وانشالله تقررين القرار اللي يناسبك ويناسب ظروفك00

بسم الله الرحمن الرحيم

السلام عليكم ورحمة الله وبركاته

بصراحه انا اشتغل وزوجي عمره ما سالني عن المعاش حرام اظلمه بس انا اصرف علي نفسي وعلي عيالي وطلعات ومطاعم ويروح المعاش خاصة انا في بلد يعتبر غالي نوع ما


سبحان الله وبحمده وسبحان الله العظيم

مافيه قاعده عامه

كل وحده ووضعها و ظروفها

السلام عليكم

و الله نصيحتي لك اني اقولك

ما جعل الله لرجل من قلبين في جوفه و على قولة المصريين ابو بالين كذاب اما تقصير في بيتك او تقصير في شغلك و بيتك اولى
لفت انتباهي هذا الرد
بصراحه انا اشتغل وزوجي عمره ما سالني عن المعاش حرام اظلمه بس انا اصرف علي نفسي وعلي عيالي وطلعات ومطاعم ويروح المعاش خاصة انا في بلد يعتبر غالي نوع ما

اقول يا اختي ليش يسالك وانت مو مقصرة يعني كله عليك