لأننا بشر وطبيعة الحياة تنغيص ( لقد خلقنا الإنسان في كبد )
اللي جالسة في بيتها أو المتوظفة ترتاح أوقات وتتعب أوقات ، وأبدا لا تبحثين عن الراحة
لأنك لن تجديها حتى لو تركتي الوظيفة

انصحك لا تقلدي مثل فلانة وفلانة لأن لكل وحده ظروفها ، وبعدين لا تحكمين على الانسان بمظهره
يمكن اللي جالسه في البيت ومتوفر لها كل شي زي ما تقولون ما تكون مرتاحة ولا عرفت طعم الراحه ويمكن تغبطك على وضعك
وحتى لو قالت انها مرتاحه
استعيني بالله وسوي موازنة بين الأمرين وانتبهي من الاستعجال
وإذا قررتي قرار سيخالجك الشعور بالندم ( طبيعة النفس البشرية ) لكن كوني واثقة ومستعينة بالله
استشيري من هم حولك لأنهم أعلم بظروفك واستخيري كما قال الأخوات
إذا ركنتي الى المنتدى ستجدين مليون حالة
إن كان قصدك طاعة الله فأنت بعملك مع الاحتساب في طاعة
صدقيني المتوظفة لو أرادت وقت للعبادة والطاعة بالاضافة الى مسؤلياتها ستجد,,, اذكر لك مثال
فأنا موظفة ومتزوجة وحفظت أجزاء من القرآن من خلال جلوسي بعد صلاة الفجر فقط لمدة نصف ساعة
وأدرس اللغة الانجليزية بشكل شبه يومي وأفكر حاليا باكمال دراسات عليا والحمد لله قائمة بأعمالي على أكمل وجه وإن قصرت في بعض الأحيان
ابحثي فقط عن أوقات الفراغ في السيارة في العمل طاعة الله تستطيعين ممارستها في كل مكان ولا تنسين إنه أفضل أنواع العبادة الذكر واللي تقدرين تمارسينه حتى وانتي تطبخين ، وإن كنتي تعتقدين ان في تركك للوظيفه ستسلمين
من القيل والقال ومن مجالس الغيبة والنميمة فأنت مخطأة لأنك حتى لوجلستي في كهف فوق الجبل سينالك من الناس ما ينالك وبصراحه أنت بيدك منع هذا الشيء من أصله


بالنسبة للراتب ليش حبيبتي يروح كله انتي ركزي شوي حاولي ما تبذرين كثير على الكماليات لا تمنعي نفسك لكن لا تبذري
حتى لو معظم مسؤليات البيت عليك لا بد يكون عندك تخطيط وفي طريقه حلوه بالنسبة للتوفير افتحي لك في البنك
حسابين واحد للتوفير والآخر لمصاريفك يعني سوي حواله شهرية عى حسابك اللي للتوفير بمبلغ ثابت ولا تخلي أحد يدري عن الحساب ولا تلمسينه ابدا الا في اخراج الزكاة وهالمبلغ ممكن تدخلين به في اسهم ( اسلامية طبعا ) وبكذا يزيد هالمبلغ باذن الله , وبامكانك المشاركه في مشاريع مضمونه تدر عليك الارباح

زمننا هذا تغير أصبحت مشاركة المرآة للرجل في أمور البيت والحياة ليست أمرا مستغربا بل أصبح ضرورة في بعض الأحيان خاصة إن كانت حالتك المادية أفضل فلا تتأففي وأيضا حاولي ان لا تدعي لزوجك الفرصة للتملص من كل شي عوديه
( الموضوع يطول هنا) لأن الرجال أصناف




أما بالنسبة لوقتك مع عيالك فعادي جدا ابنك الصغير هذا سيكبر انشاء الله وسيذهب للمدرسه أي في نفس وقت ذهابك انتي ، وإن كان صغيرا سيكون معظم وقت ذهابك نائم ،
انصحك أن تأخذي الأمور ببساطه ورحابة صدر

وأنا شخصيا أعرف الكثيرات ممن استقلن وندمن كثيرا وبعضهن عاد لكن برواتب أقل والبعض ندم ولكن لم يعد
وبعضهن لم يندم أصلا وغذا عزمتي على الاستقالة فكما قال الأخوات خذي إجازة بدون مرتب لفترة وادرسي وضعك عندها ستقطعين الشك باليقين وإن استطعتي أن تستشعري وتشعري الجميع حتى زوجك بأنك استقلتي فعلا ....حتى تري الوضع بوضوح أكبر ومصداقية أكثر

أتمنى لك التوفيق

تسلمون جميعا وبدون استثناء
جزاكم الله خيررررررررر
نجمه بحر هذا فعلا الواقع
للاسف انه عندما تكون المرأه تتعب وبعدين يجيها راتب يكون شكر بعض الرجال انه مايعرفها وبالعكس التزاماتها تكثرررر واحيانا تتسلف!!!!!!
بينما لماتكون نفقتها على زوجها ما احد يشره عليها ويقول ليه وما ليه ابددددددد
كلام العيون فعلا انا اوؤيدك بكلامك انا راح اخذ اجازه بإذن الله واجرررب
وتسلموووووون البقيه
مضيعه انتي مطيعه ولستي مضيعه وكل هذا وتبين زوجك يقول شي ماشاء الله عليك !!!!!!!!
شويكار فعلا كلام موفق
جزيتم خيررررررررررررررررررررررا
راح استخيرررررررررررررر واتوكل على الله




تدرررررررررررررررررررررررون ودي ناس مستقيلين يقولون وش صار معهممممممممممممممم

يعني كل اخت كانت موظفه واستقالت هل عانت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بصراحـــــــــــــة اعجبني جداً جداً جداً كلام الأخت العزيزة ( كلام العيون ) الأخير

وانا معها في رأيها ....... :27:

انا مو موظفة مع ان تخصصي مرغوب.وكذا مره تحصل لي الوظيفة...ب.س مافكرت اتوظف....حتى اخواتي الكبار موظفات بس ماشجعوني ع الوظيفة......وفعلا انا مالي دافع للوظيفة..لاني الحمدالله ساكنة بملك .والشغالة عندي من تزوجت.واسافر.ماعمري تمنيت شي الا وزوجي الله يخليه يوفره.....