الي محتارةه تأكل طفلها ايه من عمر 5 شهور تتفضل

السلام عليكم و رحمته و بركاته
طبعا كلنا محتارين متي نبدأ نأكل اطفالنا و نأكلهم ايه و طبعا الأراء متناقضة و كتيرة ففكرت اعمل الموضوع ده علشان كله يفيد و يستفيد من تجارب و خبرات بعض و هبدأ بنفسي

بنتي عمرها 5 شهور الا يومين يعني 5 شهور وزنها 8 كيلو بترضع صناعي (ٍS 26 ) أنا لسة مدتهاش أي عصائر لان ناس كتير قالت ان عصير البرتقال قوي علي معدتهم يعني لازم يخدو علي الأكل شويه الأول
الدكتور قالي اني ممكن ابدء ااكلها و فعلا بدأت و قالي ابعد عن الذبادي و العسل
المهم المفضل انك تبدأي بالخضروات لان اذا بدأتي بالفاكهة طبعا طعمها مسكر فممكن ميحبش الطفل الخضار بعد كده فمن الأفضل انك تبدأي بالخضار

الأسبوع الأول:
180 مل لبن 4 مرات يوميا
1 كوسة تغسليها و تقشريها و تتقطع 3 او 4 قطع و تسلقيها في ميه بدون ملح او اي اضافات بعد السلق تهرسيها في الخلاط او ملتي كويك و تبدأي تأكليه كمية قليلة في الملعقة و تستني عليه لغاية ما يبلع كويس و طبعا لازم يكون جعان يعني تبدأي الأكل في معاد الرضاعة طبعا في الأول هيستغرب و يتف و ممكن يبكي دي حاجة عادية تستني شوية و بعدين تبدأي تاني و هكذا

الأسبوع الثاني:
180 مل لبن 4 مرات يوميا
1 جزرة بنفس طريقة الكوسا

الأسبوع الثالث:
180 مل لبن 4 مرات يوميا
بطاطس بنفس الطريقة السابقة

الأسبوع الرابع:
180 مل لبن 4 مرات يوميا
ممكن تعملي خليط من الخضروات السابقة و ممكن تبدأي تديه تفاح مسلوق و مهروس و ممكن تبدأي العصائر زي التفاح و الجزر و البرتقال المخفف

ملحوظة: بنتي بتاخد نصف ملي فيتامين اسمه (بيبي فيت) و ده الدكتور الي كتبه لها
أرجو اكون افدتكم في انتظار ردودكم و مقترحاتكم و تجاربكم و لو الومضوع عجبكم هكتب انشاء الله أكل الشهر السادس