ايه انا جيت باقولك اللي صار معي بس صرتي رحتي وشفتي .. كعنايه جدا جدا جميلين وقت الولاده لكن مثل ماقلتي مايدخلون على طول وممكن الرحم فاتح ومعك طلق ويقولون لك سوري ماعندنا غرف فاضيه ،، والقذاره بالضبط مثل ماصار معي الغرفه فيها دم من الي قبلي وانا معي نزيف ويمسحون ويرمون مره تطيح عالارض مره تخبط في الجدار وتطيح في الزباله ولما جت اللي تنظف طلبت منها امي انها تنظف قالت لا احنا ممنوع نعقم ولانحط شي كيميائي بس مويه والفوطه اللي معها وسسسسسخه ولافيها مويه مسحت كنها مكنسه شالت المناديل وطلعت وكل شي على حاله ،، النيرس مغرقتهم بخشيش من قبل لا احتاج خدمتهم ف كانت كويسه ،، اذا دله زفت وهذا صار كذا والحبيب مقصب من اول معروف وين نروح له !يله الحمدلله على سلامتك ومبروك ماجبتي والله يخلي لنا ولك ماعطانا

القابله كانت روعه حقت الولاده مغربيه بس النيرس في التنويم اخذت منها موقف. ليه دله وش صار فيه طيب راعيه الرياض كيف

الله يبارك فيك ويسلم قلبك ويبارك لك فيما رزقك

ادري الموضوع قديم لكن بشارك في تجربتي للولاده بمستشفى المملكه


انا خفت حركه الجنين ودخلوني طلق صناعي بالاسبوع ٣٨
واعطوني موعد ظهر الجمعه الساعه ١ ورحت بنفس الموعد ودخلوني على طول لغرف التنويم وعلى الساعه ٢ اعطوني الطلق الصناعي وجلست الى المغرب بدا معي الطلق وعلى الفجر وصل الرحم ٣ سم ونقلوني لكوشك الولاده غرفه شرحه كبيره ونظيفه وتفتح النفس وجتني قابله وقالت لي انتي بكريه مطوله والجنين ما نزل للحوض الى الان و كل شوي تجي وحده تكشف ولا زاد عن ٣ مره تعبت من الطلق ورفضو يعطوني مسكن بالاخير على ٧ الصبح عطوني مسكن بالعضل ولما صارت الساعه ٩ شرفت دكتورتي رباب الروسان توها تجيني وانا متابعه معها من اول كشفت قالت ٣ مفتوح واساسا مانزل للحوض وحجمه ٣.٥ وانتي بكريه مافي امل للطبيعي وطلبت زوجي يوقع قيصري وانا كنت مع الطلق والم الكشف ما افكر نهائي وقع زوجي وولدوني قيصري على ١٠ الصبح وطلع البيبي بس ٣ كيلو حسبي الله عليهم مره تندمت اني طاوعتهم ودخلت طلق صناعي وهو لسى مانزل للحوض وانا ماعندي سكر بس قضاء الله وقدره و بعد الولاده عنايتهم جميله لكن الم الغازات مره متعب وبالقوه عطوني تحميله تطلع الغازات وتوبه اولد عندهم مره ثانيه