الي يبينا عيت النفس تبغيه والي نبي عيا البخت لايجيبه

بنات امس تقدم لي شاب ماسبق له الزواج ملتزم وطيوووب منا وفينا وامه طيوووبه وتحبني حيل واخته متزوجه عمي من 15 سنه وتحبني ودايم تمدحني وهو من قبل زواجي قد تقدم لي يمكن قبل اربع سنوات تقدم لي مرتين ورفضته وتزوجت ابو بنتي والان تطلقت ورجع خطبني لكن النفس وماتهوى انا احب طليقي والله ياناس ماهو بس احبه وماهو بس يحبني الا كل ليله كأننا اول مره نلتقي بشوق وحب اقصد لما كنت عنده
ماتخيل انام مع احد غيره ولا اكل واجلس بجنب واحد غيره
اصلا ماني لاقيه مثل حنانه ومحبته لي اقسم بالله ياناس كأنه ساحرني وهو كان يقول انتي الي ساحرتني
والله يااخواتي يحب كل شي فيني كنت معه احس اني ملكة واحس ان كل شي فيني جمييييييل
كل ليله انام وانا افكر فيه واتخيله ماقدر اتزوج غيره مستحيل حتى لوابقى بدون زواج افضل من اني اتزوج والله يااخواتي للحين معي من ملابسه ماغسلتها انام وانا حاضنتها وعندي امل ان ابوي واخواني بعد مرور وقت بيرضون عنه ويوافقون على رجعتي بعد سنه سنتين ثلاث ابنتظر طول العمر 
وهو تزوج بنت خاله لما جاء بيرجعني وجاء معه خاله رجال كبير ورفض ابوي وصار كلام كثير عطاه خاله بنته بمهر قليل وقاله بعد اسبوع تعال خذ زوجتك بدون حفله وامه زنت عليه وانا عطيته الرضى لأن شقتنا توه استاجرها وبعده تفرقنا وصاحب البيت ازعجه يقول انت عزابي والبيت للعوائل واهلي ماهم راضين برجعتنا وامه تزن عليه انا ادري امه وخواته عووووب ومايبوني بس هو كنت انا وياه متفقين هو تزوج وبليلة زواجه يراسلني على الواتس يتطمن علي وعلى بنتنا ومن بكره دق علي يسأل عنا وكل يوم يرسل بس بعد زواجه بخمس ايام قلت خلاص لازم ابعد انحرق قلبي
وحطيت له حظر بالواتس وصار يرسل لي رسائل نصيه وانا ادري انه يبيني ومحترق يخاف اني برضى بغيره ويقول ابيك وشاريك وماحد يملا عيني غيرك والحين مر على زواجه اسبوعين وللحين يبي رجعتي واتفقنا يتقدم لي بعد سنه وان شاءالله يرضون اهلي لأن ابوي شافني رفضت اللي متقدم لي وتأكد اني استحاله انسى ابوبنتي
ياخواتي هل قراري صح تكفون انا خايفه