امانه الي تقدر تفيدني ترى تعبت مررررره

بسم الله الرحمن الرحيم
اول شيء انا بنت عمري ١٨ من مكه السنه الجايه حتكون السنه التحضريه ليا وانا من زمان متمحسهه للجامعه بشكل خصوصا انها حتكون مرحله جديده واحس فله ولبس كل يوم وفيها بيتحدد دورك في المستقبل وذا اكثر شيء متحمسه له ❤️ طبعا انا زي اي بنت تحب تشتري اشياء وتتكشخ وكانت قبل سنتين من الان حالتنا ممتازه مره وتقريبا بابا كان يكفي على كل طلباتي بس للاسف انه فلست الشركه الي يشتغل فيها بابا وصارت خرابيط وطلعوا لبابا ديون مدري من وين !!!وهالفتره خاصه بديت احس بالفقر وربي يعني بابا يدوب يكفي على الاكل ولا بالقوه يجمع فلوس الدين ولله !!!!لدرجه اني اذا احتجت ٣٠ ريال مدري من وين اجيبها ولما اطلب من بابا بيعطيني بس ماما تقولي انتي ماترحمي وماتحسي فيه! ابوكي لو ما خلص الدين الي عليه بيدخل السجن وتجلس تهزئني على اصغر مبلغ ولله تعبت حتى حماسي للجامعه واختبار التحصيل راح وبطلت اذاكره 💔انا ازعل منهم بس لما اشوف بابا يرجع باخر الليل احسه مخنوق ومهموم قلبي ينكسر عليه وابكي وربي ما استحمل اشوف عيون بابا كذا واحس اني منجد ما احس فيه وادعي له😔 بس برضوا وربي انه صحباتي يا ما يعزموني على افراخ او بارتيات ومقدر لانه اساسا ماعندي شي ش البسه وربي مو مبالغه بس منجد حتى شوزي معد يمشي!
عشان كذا قررت اني معد اطلب من بابا خصوصا في الفتره ذي ابى اشتغل على نفسي بس مدري من وين ابدأ انا اعرف اطبخ زين بس مشكلتي ما ابي اروح اقول لاقاربي وجيراننا يعني والناس الي نعرفهم اني ابيع ما ابغى يقولو انه ابوها ما لبى حاجتها وراحت تشغل بذا العمر!! ادري الشغل مو عيب بس ما ابي هالنظره ابدا ولا فكررت يوم اني بحتاج اني اشتغل عشان كم ميه ولا عشان ملابس او ايش شي ثاني 💔 فقلت بفتح حساب انستا بس يبغى له وقت ومتابعين وشغله يعين الشي الوحيد براسي اني فكرت ابيع لمطاعم او بياعين بكذا محد بيعرف اني ابيع بس مدري كيف ابدا اتمنى تفيدوني وانا ولله اعرف اطبخ بس مدري كيف ابدأ
الي عندها فكره تفيدني امانه ما ابغى اي مساعدات وربي بس ابغى تعطوني اسماء ناس او مطاعم اوشركات تستقبل الاكل من الاسر المنتجه او حتى الي عندها فكره وربي مررره تعبت احس نفسي مهمومه مره وذا الشيء اثر على نفسيتي حتى مذاكرتي سبتها من كثر ما افكر !!!!😩😔