صبحكم الله بالخير ياالربع
يالله حيهم يالله حيهم
يامرحبا بالكل والجميع
معنا في حلقة اليوم الله يسلمكم ابيات قديمه لها حول عشر سنين
من عام الف واربع ميه وخمسطعش <<<< يالله العافيه
يابنات تراني صغيره لا يغركم عمر قصايدي وانهن كل ابوهن قديمات
هذا الله يسلمكم كله بسبب موهبتي المبكره بالشعر <<<< ايه هين
المهم ما اطول عليكم اترككم مع حكايه القصيده
كنت في المتوسط احب ابلة العلوم وكانت معطيتني وجه زياده عن اللزوم
عشان كذا كنت ممتحنتها كل يوم اكتب قصيده
واكشخ بها قدامها واقولها ها يا ابلا كيف القصيده
تراني انا اللي كاتبتها واظبط ياقه المريول <<<< ماحد قدي كاتبه قصيده
المهم في يوم من الايام جات بنت ثقيلة دم بس تعرف تكتب خواطر وكتبت لأبلتي خاطره
وورتني اياها قبل تعطيها الابلا وقالتلي ايش رايك فيها
صراحه كانت الخاطره تهههههههههههبل
بس يوم قريتها طلعت عيوني من راسي
وقلت لاااازم اصرفها قلتلها
يوووووه تفشل
احسن لك لا تعطينها اياها تراها بتضحك عليك لا قرتها البنت المسكينه تحطمت وطبقت ورقتها وضفت وجهها
وانا ذاك اللحين دوروني ماتلقوني ابا اموووت من الفرح اني صرفتها
عاد دبت في قلبي الغيره قلت مابدهاش يا ام الكتاكيت
لااااااااازم اليوم تكتبين قصيده وتعطينها ابلتك بكره وتسبقين ام الخواطر
وكان بكره عندي اختبار
توحيد وجغرافيا " شهري " وعندي واجبات
وتاركه كل هذا وقاعده افاحط
احاول اني اكتب قصيدهحاولت وحاولت والله مافيه فايده <<<<< وش الله حادك يابعدي
وبعد عدة محاولات فاااااااااااشله طلعت معي هالقصيده :
الشعر يغزوني في ساعة الليـل ***** كل ماذكرت الخل شطره يجيــنــي
كل مامسكت كتـــــاب احفظ دليل ***** يبدا يحاربنـــــي وبيته يعنينـــــــي
البيت الاول ناقص وده تعديـــــل ***** وبيته الثـــاني اعـوج ماهووزيني
والله ان الشعر سوابي البهاذيل ***** في كل لحظه معي ماهومخليــــني
وراي اختباريـــن واجابة تعاليل ***** والوقت يمضي وانا مكتف ايديني
كله بفعل الشعـــــر ابوالغرابـيل ***** مايبـيـنـي اذاكــــــر ابد مايبـينــــي
وسلامتكم وسلامة السامعين
الى اللقاء مع حلقه اخرى من برنامج حكاية قصيده
علماً بأن حقوق النشر والتوزيع محفوظه
يسلمووووووووووووووو
بس ضميرك ماانبك على فعلتك بام الخواطر <<< كاسره خاطرها
شكلك مجرمه ياام الكتاكيت ايام المدرسه خخخخخخخخخخخخخخ