طيب انا من اهل الحجاز وبقولك امثال عندنا بس اول مشكورة على الموضوع

(امش مع الكذاب لين سدت الباب ) سدة يعني عتبه الباب
(شاهد ابو حصين ذنبه ) يعني الثعلب ويقال المثل للي يقول شي ويجيب شاهد معه وهم اثنيناتهم كذابين
(من بغا الدح مقال اح ) يعني اذا تبين الزينه لاتقولين اي يوجعني او تعبت
هذا الي فاكرتها الحين اذا تذكرت شي رجعت


تحياتي

ايش هدا يا جماعه والله دحكتنوني :d

من جد كلامكم حلووووو يا حجازيات يا قمورات,,,,,,,,,

لو اعطيكم امثالنا مستحيل تفهموها لانها مو في القاموس.............

ههههههههههههههههههه.........


يسلمواااااااااا راماااااااااااا.........

معليش بس دوووبي اتزكرتها...

(وصل الحرامي لحد الباب) :25:

(اللي بيتو من قُزاز-بضم القاف- لا يرمي بيوت الناس بالحجر).

(اللي أمه ماهي في الدار..ما ياكل قرصه حار)..<==يا حرام..:(

(اللي ماله أم حاله يغم) <==ما أدري ايشبني ماسكة في أمتال المهات.. بلكن عشاني افتكرت أمي..:32: :04: و أنا في الغربة..

:10: <==ايشبه دا كده يوايق؟!؟!:confused:

سلااااام..نلقاكم في الأمتال الجاية..:27:

ياحليلك يادقدوقه معني محيرني اسمك ماني عارفه من فين اجيله

صار الحلوه من اهل مكه اول مره اصادف في المنتديات من بنات مكه احد


رهوووووووفه شكلك من قبايلنا طريقة الامثال تدل على كذه بس حددي موقعك الى اي قرى الطايف تنتمين

لول جربي وحطي امثالك ( بس حلوه منك ياحجازيات )

ذكرتيني بأهل جده ومكه اذا شافوا اهل الطايف قالوا وه وه وه شوفوا الحجز بضم الحااااااااا

لوول..
انتي القمر والله و الحلى كله يا عيون دقدوقة...:26: أرميلنا كده كم متل من حقونكم يمكن نعرف نترجم..:32:

درتنا المكنونة..
يا هلا والله و غلا..و زايد غلا..شوفي يا ستي..سميني بالاسم اللي تبغيه..من فوق من تحت..يمين شمال..اللي يعجبك..محسوبتك دقدقة راضية..:32:

ترى مو بس أنا من مكة ..حتة ذيكو...

أهل مكة حماااام (بدون الشدة فوق الميم الأولى..هاااا..انتبهو..!!) و أهل المدينة قماري..يا أبوية أديلو...و أهل جدة غزااال و الطايف أهله....؟؟نسيبلكم الباقي يا أهل الطايف...


سلااااااااام للنغااااااري....:12: