امثــــــــــــال حجـــــــــازيـــــــــــــة!!!!!

امـــــــــــــثال حجــــــــــــــاز يـــــــــــــــــة!!

--------------------------------------------------------------------------------

سلامو عليكم ..... اللي يبغى يخش على موضوعي هادا عشان بس يتفرج فصراحة ما يلزمني وجوده ..... يا تتنازلي و تشاركي معايا زي الاوادم اللي بيشاركوا ... ولا نط في اقرب بركة في اقرب بلاد ( طبعا ماحد حيفهم ايش يعني بلاد غير المداينة )
تعريف البلاد : البلاد يا هوو مكان فيلو بركة ( بكسر الباء و يعني مسبح) و لازم تكون في صبة عشان الواحد يعرف ( ينقز ) و (يطرطش) و فيلو كمانة ديوانية ( مجلس يعني ) و حوش ( بضم الحاء ) عشا ن الكورة وبعد الكورة نفرش الفرشة ونحط المراتب ( جمع مُرتبة ) وعليها التكايات ( جمع تكاية ) و نديرها بلوت و طبعا على بعد مترين حتلاقي منقل فحم عشان الشيشة ومُطبخ عشان الاكل و حفرة عشا ن المندي..... و حوض (مغسلة) عشان نغسل الزفر حق الاكل و الدبك حق الحلا .... و طبعا قبل دا كلّو ازا مافي قَطّة ( بالجداوي يعني : باي ، وبالعربي الفلوس حقت الطلعة ) يعني مافي بلاد .....و باقي ما تبقى يعتبر قرمبع ( قول اربعة ... سيارة ابوك مقربعة ) و كلّو كوم و الصوت اللي يثبت لك انك في بلاد كوم تاني ..... ماكينة الموية ..... سمفونية آخر مخمخة ...... تفكفكلك ام الجو اللي (ساوَتُه) الشيشة .
تعريف ( ساوته ) : مَسَلَن مَسَلَن لمّن تبغى تقول ......( الواد الشقي هادا كبكب الموية و عمل شقاوة ) .... فحنبدّل كلمة (عمل) بكلمة (ساوَه) بالجداوي يشيلو الالف فحتصير الكلمة (سوّه) ....
هادي كلها كانت دخلة لموضوعي ..... ....
هيّا يا جماعة .... نبغى فزعتكم .... انا حا اقول اللي عندي ... و اللي عنده لا يبخل علينا ....
( تنتون و تنتن واحد نتن و التاني انتن )
( يبيع الموية في حارة السقّا )
( جا يطل غلّب عالكل )
( من برة هالله هالله و من جوة يعلم الله )
( ان كان حبيبك عسل ... لا تلحسو كلّو )
( الباب اللي يجيك منه ريح ... سده و استريح )
( اللي على راسو بطحة ... يحسس عليها )
( سكتنالو ...... زاد حالو )
( اوديك البحر و ارجعك عطشان )
( تي تي تي تي ... زي ما رحتي زي ما جيتي )
( حاميها حراميها ) ...
( طبطب و ليِّس يطلع كويس )
( قلنا عليه موسى طلع فرعون )
و انتو يا حجازيين .... وروني ايش عندكم ...... واللي ما عندو شي ..... يندر من هنا قوامن قوامن .....






سي يو