هلاااا وغلااا بكل من شارك في الامثله بدون اسامي عشانكم تبارك الرحمن كثير


افا عليك يالدرة المكنونه انا ماني عاجبتك انا كمان من مكه لاتخافين اهل مكه كثير يطلعون عند الفزعه

صحيح اني عايشه في الرياض الا اني مكاويه بعنف ومتعصبه لاهل الحجاز ههههههههههههههههههههههههههاي
يقولوا على فلان انه طيب وضعيف وهوا يا لطيف(ضعف الفلفل سواد وكرمشه)

قالو عن فلانه انها طفشانه وقرفانه من الوضع العام قلنا (ليمونه في بلد قرفانه)

قالو عن فلان انو مافي زيو قلنا ليييه(خرطو الخراط واتدردب ومات)؟؟؟

قالو عن فلانه انها شارطه على خطيبها وجود شغاله قلنالها(اللي تشيل الفحل تشيل الوحل)

(اللي ما يعرفلو يتلفلو)

(جري الشر يا عوره)

وللامثال بقيه


__________________

احلى امثال لاحلى ناس
السلام عليكم ورحمة الله وبركاته........واذا عندكم شيء هاتو
يالله نكمل امثال
*قلت ياخالي ردلي الخلا قلت ياعمي ردلي العمى قلت يابويا شق البحر وجاني هرولة .
*اخوك من امك زي الدهب في كمك ,واخوك من ابوك زي القوم لمن ينهبوك.
*الخالة من نخالة والعمة من دقيق...........(بس مو كل خالة خالة ولا كل عمة عمة دي وجهة نظري)
*حبيبي من اولو جا الهوا كملو .
*من شنة يطير ومن زبيبة يسكر.
*الطول طول الجاموسة والعقل قد الناموسة.
*عزوبية نضيفة ولا جوازة جيفة.
*امي ماتجيكم انا اجي اهنيكم.
*مد رجلك على قد لحافك.
*جوهم بنات خالتهم زادوهم جنينة على جنينتهم.
*مايتسرا ولا يبات برا.
*قالة مت طلعت القصر قالو امس العصر.
*خنفسانة شافت اولادها على الجدران قالت ماشاء الله لولو ومرجان.
*الكعكة فيد اليتيم عجبة.
*مين يشهد للعروسة امها وخالتها وعشرة من قرابتها.
*ام العروسة فاضبة مشغولة.
وغير كذا بس خلاص ذا الي انا فاكرته والي قدرت اجمعو من عماتي

وتحياتي

رامــــــا الى تحبكم


__________________

دقدوقه

تسلمي ياقمر على كل الي ذكرتيه ( انا عارفه ان ذيكو من سكان مكه مو من اهل مكه فيه فرق )
اما تنبيهك على الضم في كلمة حمام عجبه

راما الله يحيكي وكويس اني لقيت منكم احد اصلي بحب مكه ( وخوالي او خيلاني من مكه بس من قبايلها )

اقول راما انتي ودقدوقه
بصراحه عطيتوني فكره حلوه عن بنات مكه اصلهم في النت مايدخلو غير الشات وهاتك ياكلام من الي ماوصى عليه الحكيم من النص ال .... وانتي نازله

عشان كذه لكم كل الود والاحترام

الله يسامحكي عزيزتي الغاليه الدرة المكنونه على التفكير السيء في بنات مكه عموما كل البنات سواء بنات مكه او الطائف او الرياض جميعهم يدخلون الشات لاتكون فكرتك محصورة ومحدودة على بنات مكه

وعلى العموم حتى احنا من قبايل مكه مو طرطشلي لاتاخذين فكرة سيئه على اهل مكه انهم مو اصل وفصل

بالعكس حبيبة قلبي راما الله يسعدك

انا من خلال احتكاكي فيهم قلت هذا الكلام عشان كذه حسيت انه فيه فرق فعلاً من خلالك انتي ودقدوقه

وتري حتى بنات خالي وصاحباتهم من النوعيه الي ذكرتها انا وانا متزوجه مااقدر اقعد معاهم كلامهم يحرج هذا وهم بنات الله يستر

اما اني اعتقد اهل مكه مو اصل وفصل فهذا غلط لاني كل الي خالطتهم قبايل يعني على قولة اهل مكه بدو

فأرجو ماتزعلين مني وتسامحيني وهذي بوسه على راسك