امثال حجازيــــــــــــــــــــــــــــــه..................!!!!!

)











امثال حجازية قح ( مــــــــن دخنـــــــــــــــــــــــــــة)

--------------------------------------------------------------------------------

امثال حجازية قح ( بضم القاف)







عقله زي الكيلون كلمة توديه وكلمة تجيبه ( الكيلون قفل الباب يمين قفل ويسار فتح)



القدر قال للمغرفة ياسودة و معجرفة قالت كلنا اولاد مطبخ



زي بغل الطاحون لا عافية و لا نظر(و في رواية زي موظف .....الخ)



سوي طيب وارميه في بحر جاري ان ضاع عند العبد مايضيع عند الباري



لا من خيره اعطاني و لا من شره كفاني







قبل ماخطب عبى الحطب وقال احط الكوانين فين؟ (الكانون: طباخة تعمل بالفحم)



لا يتسرى ولا يبات بره( دلالة على الاستقامة)



ارسل مرسول ولا ترسل فلوس




حلم البساس كله فيران




لا قدرك يغلي ولا مقلاتك تقلي وانا زليت (مريت) عليك من قلة عقلي




قال يا حلاق شعري ابيض ولا اسود؟ قال دحين ينزل قدامك و تشوفه




قالوا لفرعون ايش فرعنك قال ما لقيت احد يردني




خنفسانة شافت بزورتها ع الحيط قالت ياعمري لولو في خيط رد أبو وردان هو اللي زي وزيك يجيبوا وحشين؟




بده يعرف القار و القرير والبيضة كيف تصير((Micro Management




مكسحة وتقول للصايغ تقل الخلخال




خاطر الاعمى قفة عيون




تفلوا ف وجه الرزيل قال دي مطرة




زي يوم الشتا قصير و نكد




××××××××××××××××××××××××××× نرجو الحرص في اختيار الالفاظ الغير بذيئه




أعمى قال لآأطرش خلينا نشوفك



الباب مفتوح و الصدر مشروح و اللي يجي يجي واللي يروح يروح



اللي عنده قرش محيره يشتري حمام و يطيره



اللي ما عنده شي يشغله يفتح الباب و يقفله



زي الحلاق يضحك على الاقرع بطقطقة المقص



زي الشيال ما يذكر ربه الا في الحملة الثقيلة



زي القنفذ لاينحضن ولاينباس) شرس البعيد)



زي أباريق المسجد كل واحد شكل



زي سلاقين البيض اول بأول



زي قبور اليهود بياض و قلة رحمة



زي قراية اليهود ثلثينها كذب



زي كلاب الازقة يعضوا ع الماشي



زي مزح الحمير كله عض و رفس



زيطة و عيطة على مخيطة( المخيط: ثمرة شجر النيم) (يطلق فى الخلاف على الشئ التافه)



صباح الخير يا أعور قال دا شر بايت



ومسك الختام مثل كانت ستي الله يرحمها تقوله لمن البنت ترجع بيت اهلها غضبانة:



وقت الكباب صكوا الباب و وقت الملوخية اجمعوا الاهلية

وسلامتكم
ملطووووووووووووووووووووووش