تقريبا نفس النظام بالزبط ام ابيها ماعدا اني بأخر الفجر لقبل ما انزل بعد اللبس هحاول اعمل نظام الصلاة بدر ي

بس انا بشغل الغسالة قبل ما انام بليل وانشر الصبح عشان المه لما ارجع من الشغل علطول

انا بحب اكون فاضية بعد الرجوع من الشغل عشان اعد مع بنتي شوية من غير ما يكون ورايا مطبخ وكمان عشان لو ورايا زيارة او خروجة وبرده بعد ارهاق الشغل مش بيكون فيه طاقة نفسية اني اعمل حاجة في البيت

برده في تحضير الاكل ممكن اسلق اللحمة اللي هتستخدم في اكلتين اول تلاتة مرة واحدة واشيلها في التلاجة ويبئى مجرد اني اخد على اد الطبخة بكبشتين شوربة وخلاص والخضار مجهز في الفريزر
واللحمة المفرومة كذلك ممكن اسوي كمية لاكلتين ورا بعض

يوم السبت لتنظيف البيت ومشتروات الاسبوع مساءا من لبن وزبادي وعصاير للحضانة عشان ميبفضلش عندي مشواير لبقية الاسبوع للسوبر ماركت

يوم الجمعة للاكلات الجديدة ولو هعمل صنف حلو مش طول الاسبوع ممكن اجرب جديد

مشتروات خزين البيت شهريا يوم جمعة قبل الصلاه عشان السوبر ماركت بيكون مش زحمة في الوقت ده وبره ده بيوفر وقت انك محتاجة كيس مكرونة ولا السكر

مشكورات يا مدامات و شكر خاص لصاحبة الموضوع
ايش رايكم نعمل ملف لتجمع النساء العاملات لموافاة بعضنا بعض بآخر أساليب توفير الوقت

ايش رايكم تتوسعون بالأفكار و تجيبون لنا طبخات سريعة أو طرق لعمل الأكل بسرعة

طرق تخزين الطعام و حفظه وكم تكون مدة الحفظ

انا انصح بقدر الضغط فهو حل جميل جدا لطبخ الأكل بسرعة صراحة ضرورة لكل امرأة عاملة

سندريلا

صلاة الفجر دي سرها باتع في كل حاجة أولا وقت تقسيم الأرزاق ثانيا أمتع صلاة الواحد ممكن يصليها لأن الدنيا هادية والناس نايمة والبال رايق لا ورايا حاجة على النار ولا هتتعمل جميلة والله يا بنات عليكم بها وربنا بيبارك في الوقت بشكل لما أصليها ولما تروح عليا اليوم يروح كله وابقى متنكده

سومة

ربنا يعينك

هايا

انا كمان باعمل زيك يوم السبت للتنظيف الصبح وبالليل لمشتروات السبوع ويوم الجمعة بس مش بأعمل حاجة خالص باخلي جوزي أو البوابة تجيب الفطار جاهز وأقضي اليوم كله مرتاحة لحد بعد الصلاة لما ننزل للزيارات العائلية

فكرة حلوة وهي فعلا الحلة دي مهمة قوي بس مش باستعملها كتير بصراحة لأن أغلب الوقت باعمل حاجات مش بتحتاج وقت كبير

أكتر حاجة بتنفعني فعلا الغسالة فول أوتماتيك وفرن الكهربا طبعا لو في ديب فريزر يبقى هنا دايما قبل رمضان اعمل كذا صنف باشميلات في أطباق فويل وافرزه ولما أنزل الصبح الشغل يدوب اطلعه يفك ولما ارجع اسويه يدوب على الفطار وطبعا ده يمشي برضه على باقي الأيام

الحلويات بمنتهى البساطة لو نظمتي نفسك من بالليل وفكرتي هتعملي ايه هتقومي الصبح تعملي اللي تحبيه أوقات باقوم أعمل كيكة قبل ما أنزل لما يكون عندي أكل طبعا علشان الوقت

برضه بأكد عليكم إن وارد قوي الحاجات مش تنتظم كده يعني ممكن مثلا جوزي يتأخر في الحمام شوية فالبتالي أتأخر انا على الشاور بتاعي فالبرنامج يبوظ شوية فمفيش داعي إنك تحبطي أو تسيبي الشيطان يتمكن منك هي الدنيا كده ومفيش حاجة بالساهل خدوا الأمور ببساطة

صباح الفل يا لاروزتى
بصوا يا بنات كل اللى قولتوة جميل لكن انتوا لية مسيحين الايام كلها على بعض ؟؟؟؟؟
بمعنى
لية عندكم كل الايام زى بعض ؟؟ يعنى انا من رأيى احسن حاجة تقسمى متطلباتك اليومية على ايام ومش كل اللى اتعمل النهاردة حيتعمل بكرة دة انتى كدة حتبقى فى دوامة يومية
اهم حاجة فى الموضوع هما حاجتين 1) يكون عندك حاجات فى الفريزر جاهزة او نص جاهزة دى حتوفرلك ساعات مش دقايق يعنى انتى اشتريتى كيلو فراخ بانية يكون سليم متحطيهوش فى الفريزر لأ اغسليه وانتى واقفه قسمية فى ساعتها احسبى عددكم وحطى نصه فى بيض وبقسماط وعلى الكيس ونصه قطعية مكعبات وعلى الفريزر لان المكعبات دى ممكن تعمليها بالكارى فى 10 د ومتنفعش تتعمل الا ساعتها او تتبليها شيش او تندورى وتنغزيها فى الاسياخ وتحطيهم فى طبق فيبر وعلى الفريزر والاسبوع اللى بعدة تغيرى تجيبى الفراخ صحيحة تغسليها وتتبليها ونحطيها فى الكيس كيس منهم تشويها والكيس التانى فى ورقه فويل وتتحط فى الفرن زى ماهى
لو لحمة مفرومة تقسمى نصها تعصجيها والباقى تتبليه ويا اما تحطيها فى كيس نايلون او تصبعيها للشوى او تكوريها داوود باشا وممكن تحطيها فى عيش بلدى وتلفيه واهو بقى حواوشى ينفع للعشاء وهكزا كل دة تشترية فى يوم واحد وتقفلى عليكى المطبخ ساعتين زمن مفيش غيرهم تكونى خلصتى اكل الاسبوع وعلى الفريزر
2) تقسيم المسؤليات اليومية
المفروض انك مش بترجعى من الشغل كل يوم تطلعى اكل وتطبخى لية يعنى ؟؟؟؟؟ اعملى اكل ليومين يعنى يوم تطلعى وتسوى ويوم تاكلى اكل امبارح بس مثلا تغيرى فى السلطة او تعملى فى دقيقتين طبق شوربة او تطلعى كيس بطاطس من الفريزر وبس تحمريها مع الاكل بتاع امبارح يبقى انتى لماتصحى الصبح مش حيكون ليكى شغل فى المطبخ لكن ممكن فى السريع يادوب بالفوطة تشيلى التراب اللى على الوش بس
ممكن الحاجة الحلوة تتعمل ازاى ؟؟؟؟ مرتين فى الاسبوع يعنى
مثلا عندك حليب تروحى حطاة على النار فى حلتين حلة منهم تحطى عليها النشا وحلة تحطى الارز كدة بقى عندك نوعين حاجة حلوة ياكلوا مثلا الارز بالبن وبعدين المهلبية ولو فاض مثلا عندك مهلبية تروحى جايبة باكو جلاش وتعملى فى 5 د صينية بقلاوة او اصابع بقلاوة بالمهلبية وبالنسبة للكيكة اعملى دايما مقدارين مقدار يتاكل منه والكيكة بتاعه المقدار التانى تتحط فى كيس وعلى الفريزر وممكن لو فاض كيك ونشف تروحى جايبة علبة ايس كريم على علبة كمبوت وتعملى حاجة حلوة سريعه ولا حتحتاج فرن ولا حاجة
بالنسبة للاطباق والمعالق اللى هى ادوات السفرة تحطيها فوق بعض على السفرة ولما تاكلوا وتغسليهم وتنشفيهم ترجعيهم تانى على السفرة على ما انتى تغرفى الاكل يكون كل واحد فيهم سحب طبقه من قدامة بدل ماتفضلى داخلة خارجة المطبخ
المختصر المفيد
*اكلك جاهز فى الفريزر
السبت الصبح اصحى اعمل الشاى والفطار او السندوتشات واطلع الاكل من الفريزر واروح شغلى ارجع اسوى الاكل

الاحد الصبح (انتى عندك اكل من امبارح ) يبقى تلمعى التراب وبالمكنسة بسرعه للسجاد واروح شغلى وارجع اسخن الاكل
وهكذا حسب متطلبات بيتك
لكن مش كل يوم اعمل اكل ومش كل يوم اشغل الغساله ومش كل يوم انزل اشترى حاجات ومش كل يوم انضف

ولازم وضرورى تريحى يوم فى الاسبوع لازم لان دة الدينامو اللى حيشحنك طول الاسبوع ومثلا تتصلى بالتليفون وتطلبى اوردر سمك مشوى


يعنى مش كل حاجة كل يوم
واهم حاجة ماتكتميش فى نفسك ولا تكتمى تعبك ابدا لازم تخرجى الكبت او المجهود او الاحباط اللى تحسى بيه ازاى ؟؟؟؟؟ منتيش عارفه ازاى دة كلام ؟؟؟؟؟ اللى يعمل منهم حاجة تروحى شيلاه من قفاه وحبساه فى الحجرة وتفلى الباب كعقاب وكدة تبقى خلصتى من واحد اما التانى تروحى رافعه الشبشب حتلاقيه هو لوحده جرى من قدامك وكدة خلصنا من التانى :hahaha: وهكذا
يا بنات ربنا يعينكم ويقدركم على مسؤلياتكم وتأدوها على اكمل وجه واهو كله بثوابة ومن نعم وكرم ربنا علينا انه خلى اليوم 24 ساعه بس :06:
وبعدين مش انتم اللى عايزين تتجوزوا خلاص اشربوا بقى :p