مثل ماوعدت خواتي بأني اليوم انزل
موضوع بس ماحبيت اختصره بشي
معين حبيت اذكر تجربتي اللي
عديت فيها بخصوص البشره والشعر
وبكل صراحه بقول
^
امس الأحد كان عندي موعد بمستشفى
الملك فهد الجامعي بالخبر < التعليمي
عند دكتوره ناديه دكتوره جلديه
طبعآ اعاني من الأكزيما والحساسيه اللي بجسمي
وبعد عدم صفاء البشره و حبوب
صغيره مو كبيره
وشعري اللي تغير180درجه
طبعآ احيان بشرتي تطلع مره حلوه
واحيان عدم !! رغم عنايتي فيها
< < < ملاحظه بشرتي جاااافه حساااااسه مره دلع ماسخ
واحيان تدهن بس مو مره نادرن
< < < لتوضيح فقط
المهم الدكتوره من فتره وصفتلي
اشياء كثيره عن البشره < راح اذكر
بعض اللي وصفته الدكتوره لي
من _ الى اخر موعد امس بتاريخ 1431/5/11بطول بس اهم شي
افيدكم في بعض النصايح
مثل رتنAوالدوكين فورت
بس الرتنA حرق وجهي والدوكين فورت
سببلي حساسيه فضيعه وتركتهم
قالت الدكتوره بما انهم ماناسبوا
بشرتك ف بعطيك مقشر اخف من
الرتنA عطتني الديفرن
وبرضه سببلي تهيج وحساسيه بوجهي
ورجعت عندها بعد كم شهر
تدرون المستشفيات الحكوميه
مواعيدهم تطول بس اللي مصبرني
عليهم ان الدكتوره ثقه واستشاريه
وفاهمه وتاخذ وتعطي بالكلام
وبعد صديقات بيصيرون دكاتره هناك
^_^
المهم قلتلها دام انهم ماناسبوني
عطيني حبوب الروكتان قالت لا
لأن الحبوب اللي عندي بسيطه وصغيره
ومومتقرحه ف اعطتني محلول
الدلاسين اظن سعره25ريال استخدمه مرتين باليوم
بس قبله انظف بشرتي بصابون
طبي مثل اكني اللي لون علبتها ابيض
وبرتقالي اظن سعرها بحدود25ريال
او اقل بصراحه ماكنت اخذ الصابون
لأنها ماتناسب بشرتي وقعدت ع
محلول الدلاسين وغسول كيو في QVوبعد اسبوعين
اوثلاث خفت الحبوب وبقى اثارها
قالت اذا بقت اثارها اخذ كريم
ليفان طبي بحت طبيعي
مفتح البشره والجسم
لأن بجسمي اثار اكزيما و الوجه اثار حبوب
هو بعد للي عندهم كلف يستخدمونه
وريحته تجننننن
استخدمته 3شهور متواصله
والحمدلله اختفت البقع
سعره اظن ب120ريال ذي صورته
اللي بجنب الكرتون يابنات
http://www5.0zz0.com/2010/03/24/17/125295178.jpg
واذا شعرك يتساقط بالهبل انصحكم بالبخاخ اللي بالكرتون
اسمه دو كراي ب250ريال قالت ذا احسن بخاخ
حصلته فقط بصيدلية النهدي اما بالصيدليات الثانيه مالقيته
طبعآ هو يجيك 2واحد حق صباح و واحد حق ليلا بخي فقط
7بخات ع مكان الفراغ لاتبخين بالشعر بخي من فروة الشعر
ودلكي بلطف ومايحتاج بعده تتسبحين لأن ينشف
استعمليه كل يوم لمدة3شهور
وع فكره هو ع قد عطر بوس القديم الأحمر الطويل ف اقتصدي
وانتي تستخدمينه لأن غالي
واذا بخيتي اكثر يمكن يخلص
وصعبه كل اسبوع تشترينه
المهم عطتني معاه حبوب زنك فيتامينات اسمها
سترس تابز وذ زنك لون العلبه ازرق
وحبوب حديد اسمها فروز لون العلبه ابيض
واظن فيه احمر واصفر
ذي لمدة شهرين استخدمهم
فقط و حبه وحده بعد الغداء كل يوم
فقط حبه بعد الغداء مو ع بطن فاضي
وفقط لمدة شهرين وكثري اكل
السلطات والفواكه و الجزر خليه
معاك24ساعه اكليه كثير انا ابشره
واكله تقول حلو للشعر جدآ جدآ
و دايم تقولي لاافكر كثير واخلي
نفسيتي ايزي
نرجع للبشره والجسم
وقد عطتني لتفتيح الأباط كريم فيتشي
جدآ جدآ صغير ع قد الأصبع
بس غالي مااظن يكفي اسبوعين
تقول الدكتوره بعضهم فتح اباطهم والبعض لا
وينفع بعد للوجه يبين فيه التفتيح
اكثر من الأباط سعره ب220ريال
ذاك اول بس اكيد الحين اغلى
اما للمنطقه الحساسه قالت
دكتوره ثانيه < صديقة الدكتوره اللي اراجع عندها
اخذ كريم من شركةDDFصغير
بس للمنطقه يكفي ويوفي
هو بأحماض الفواكه وذي صورته
http://www4.0zz0.com/2010/03/25/10/723956735.jpg
ماشريته انتوا شايفين اسعار الكريمات والبخاخات
ف اخذت الأهم والباقي بعد مااعالج الشعر والأكزيما والحبوب
وطبعآ نصحتني بكريم مرطب ولوشن < اللوشن اسبح جسمي منه وانظف بشرتي بعد جدآ خفيف
كيو فيQV لأنها خاليه من العطور
وتصلح بعد للأطفال والكبار بالسن
وتتشربه البشره احسن من الفازلين
واحسن من جونسون
وفي نسبه خفيف من واقي الشمس
يعني اذا اخذتوا المرطب مايحتاج
تاخذون واقي وبعد اخذه من نفس
الشركه مرطب شفايف حلو
وقالت بعد اخذ غسول سيتافيل
حق بشرت وجهي مره لطيف ماله
رغوه ابد حلو ماينشف سعره ب60ريال واخذت
مرطب سيتافيل ب66ريال بعد حلو
بس كيوفي احس احلى بالترطيب
وعطتني بعد لأثار الحبوب غسول
ريكسول ب45ريال تقول يفتح شوي
من اثار الحبوب و ينشفها صح نشفها
بس سببلي حساسيه فضيعه لأنه
معطررر صايره استخدمه مره كل
بعد اسبوع احسه ينظف البشره من
قلب < انصحكم فيها لأنها احسن من الفازلين
والجليسوليد والنيفيا وبعد تصلح للأطفال كلها
ماعدى غسول ريكسول
وذي صورهم
واخرتها امس وصفتلي صديقة الدكتوره
كريم اكريتين25 0، 0 % ب17ريال
و لوش الدلاسين 1% ب30ريال < جدآ صغير
اخذتهم من صيدلية الدواء اللي قدام
المستشفى
عطتني نسب خفيفه عشان تناسب
بشرتي
وذي صورتهم
ومن داخل
قالت الأكريتين بيقشر و يصفي
بشرتك بس يبيله وقت < يصفي البشره
يستخدم قبل النوم < مره وحده في الليل فقط مره
وغسلي بشرتك قبل استخدامه بصابون طبي
لبشره حساسه ونشفي بشرتك
وانتظري ربع ساعه وبعدها
نقطي نقطه بجبهتك و نقطعه صغيره
فوق الأنف مو جنب الفتحات حذاااري
لا فوق ونقطه بكل خد و نقطه
بالدقن وادهني بشرتك وتجنبي
تجنبي المناطق حول العيون و فتحات
الأنف و حول الشفايف < تجنبوا ذي يابنات استخدموها بحذر وحرص وبعقلانيه
وفي الصباح اذا قمتي
غسلي بشرتك بصابون
وحطي ع الحبوب لوشن الدلاسين
حاجه بسيطه لاتكثرين بعدها
ذولا يصفون البشره ويعالجون
الحبوب لكن مع الأستمرار
والأستعمال الصحيح والحذر فيهم
لمدة فقط شهر
قلتلكم عن بعض العلاجات اللي كنت
استخدمها من _ الى
وانا توي امس واليوم باديه
بالأكريتين ولوشن الدلاسين
حتى الموعد الجاي في
1431/6/16
يعني بعد5اسابيع من الأستخدام
حاسبتها الدكتوره كان موعدي امس11من شهر5
واذا ودكم نجرب مع بعض
كريم الأكريتين و لوشن الدلاسين
ف حياكم بالنسبه للحامل والمرضع
ف لاتستخدمهم ابد ابد الا بوصفة
دكتوره جلديه
استحلفكم بلله من بتنقل الموضوع تنقله
مع ذكر لقبي سراب® الخبـر و ذكر المنتدى عالم حواء
ومع الحرص الشديد في استخدام
الكريمات المقشره والحبوب
اخلوا مسئوليتي
من اي اخت استخدمتهم بعدم المبالاه
اختكم سراب® الخبـر
اي سؤال حاضره