امــــــــــــي و زوجـــــــــــي ... ويا قلبي لا تحزن

السلام عليكم


بنات انا مره مره مره متضايقه :44: والسبب ان امي تكره زوجي

المشكله هذي بدأت من اول ما تزوجنا ،،، ولنا الحين تقريبا 4 سنوات وما عمري قلت لأحد عنها .... الا لكم الحين :( لاني ضاقت بي الدنيا وما ادري وش اسوي

انا ما اعرف وش السبب اللي يخلي امي تكرهه مع انه يحترمها وطيب معها وما يسافر الا يجيب لها هديه دهن عود او بخور ..
واكثر من مره راح بها للعمره واشياااااااااااااء كثيره يسويها لها والله اني استحي منه من كثر ما يعاملها باحترام وكرم

بس هي الله يهديها ما تواطنه واذا راح يسلم عليها تعامله زين بس اذا راح تقعد تسبه وتسب امه ... والظاهر ان السبب الرئيسي هو انها تكره امه وانا ما اقدر ارد عليها لانها امي ولا حتى اقدر اعارض لأني لو دافعت عنه قدامها تزعل وتعصب وتقول ( ما عرفتيه الا من كم يوم وبتفضلينه علي :44:

والله اني تعبت .... اشوفها تعامل رجال خواتي معامله ممتازه ودايما تمدحهم عند الناس وتذم زوجي وانا انقهر
وتسوي الاكلات الشعبيه اللي ما يعرف لها الا هي وترسل لبيوت خواتي وانا لا ، مع ان رجال اخواتي ما يقدرونها ويحترمونها مثل زوجي ....

وآخر شي من كم يوم ارسل لها زوجي كرتون تمر كهديه .... اتصلت علي وهاوشتني وقالت زوجك ما يدري انه عندي 12 نخله بحوشي يوم انه يتصدق علي بتمر !
قلت لها انه هذي مو صدقه هذي هديه وحتى لو عندنا نخل الله يزيدنا من فضله ، ذوقي تمرنا!
بس انها زعلت ورجعت التمر وطبعا انا ما قلت لزوجي
وهو ما يدري اساسا انها تكرهه كل هالكره

اسفه يا بنات احس اني نشرت غسيلي كله وما خليت شي ... بس وش اسوي

ضاقت بي الدنيا :06: