امنيتي اكفل يتيم ماهي الطريقه. .؟.؟

عزيزتي فيه كفالة يتيم عن طريق الجوال
وفي عن طريق الجمعيات الخيرية
انتي ابحثي في النت عنها وباتحصلي على ارقامهم اتصلي فيهم واستفسري المهم يكون المصدر موثوق
الله يكتب لك الاجر والثواب
دعواتك

الله يوفقك اختي وتنالي مرادك
انا ماعندي خلفيه بس قريت في موقع جمعيه انسان طريقه الكفاله وهذا موقعهم

http://www.ensan.org.sa/home/orphins.html


وانا شاء الله اكون افدتك

دعواتك لي بالتوفيق

اذا كان عندك هاتف مصرفي افضل أنك تفتحي حساب لك في النت والله راااااحة وانتي في مكانك ما ياخذ إن شاء الله منك الا دقائق و تحولين زي ما تبين , أنا أتكلم عن حساب الراحجي وأكيد الميزات اللي فيه تكون في نفس مصرف العربي, ومن هناك فيه حسابات للجميعيات الخيرية المعتمدة موجودة على طول وبامكانك تتصلين على البنك وهو يساعدونك حبة حبة إن شاء الله, وبالنسبة لكفالة الأيتام عندك جمعية ساااااااااااند تكفل أطفال سوريا, وهي معتمدة وكمان لها موقع في النت ولها مقاطع كثثثثثثثثثثثثثثيرة في اليوتيوب , شغل مرتب , وأنا أفضل تفتحين لك حساب في الراحجي أو أي بنك اسلامي , لأن سمعت الشيخ يوسف الأحمد يقول لا يجوز الايداع في البنوك التي تتعامل بالربا...

تقدرين تكفلين في جمعيه انسان بس مايقبلون شهريا لازم دفعه كامله سنويه 3000
تراسلينهم وقولي ابي اكفل يتيم وبيعطيك رقم الحسابات حولي عن طريق النت للحساب وسوي برنت للايصال التحويل او ارسللي نسخه على ايميلك بعدين انسخي الايصال + معلوماتك الاسم ورقم الجوال وارسليها على ايميل مسؤول الكفالات واكتبي عنوان الرساله بيانات كفاله جديده وبيرسل لك خلال فتره قصيره ممكن يوم او يومين بيانات الطفل ورقم الكفاله الخاص بك ع الايميل والجوال , ورقم الكفاله تحفظينه اذا بغيتي تجددين مره ثانيه
ايميل مسؤول الكفالات تلقينه في منتدى جمعيه انسان قسم الكفالات بتلقين شخص اسمه اداره الكفالات افتحي ملفه وتلقين ايميله او سجلي وراسليه في المنتدى او اتصلي ع ارقامهم بس هالطريقه اسرع واسهل

ومؤسسه مكه تقدرين تكفلين وتتصلين ع ارقامهم بس ما تحضرني وتختارين يتيم في الداخل او الخارج الاول اتوقع 2000 والثاني 1200 وبيعطونك البيانات

والله يكتب لك الاجر

http://forum.hawaaworld.com/showthread.php?t=3871815
موجوده الطريقة بموضوعي