السلام عليكم
كيفكم بنات عساكم بخير وصحة وسلامة
هذي أول موضوع لي و اول منتدى اشارك فيه
بس لاني حبيت مساعدتكم لي فبكتب لكم مشكلتي مع طفلي لان ثقتي بالله ثم فيكم كبيرة
انا يا بنات متزوجة و عندي بنت( 4 سنوات) و ولد (3 سنوات) ولدي الله يخليه لي ويشفيه هو المشكلة
ولدي معاق سمعيا واكتشفنا هالشي لما كان عمره سنة ولما صار عمره سنة و نص سوو له عملية زراعة قوقعة ( جهاز الكتروني داخل الراس وظيفته مثل القوقعة الطبيعية ) والحين يلبس السماعة ويروح مركز تدريب النطق يوميا
الحين الحمدلله تطور شوي بفضل الله ثم المركز للتاهيل السمعي والنطق صار يقول كلمات بسيطة مثل ( ماما بابا - مافي - جوتي -شنطة - ابي- لا- باي- خطا)
اللي اطلبه منكم تساعدوني في بعض الافكار اللي تنمي عنده لغته و كذلك تخليه يحب التدريب خصوصا انه بسرعة يمل من السماعة و ابي افكار لترتيب دفاتره تبع الروضة بشكل مميز او انشطة اسويها له - انا مسوية له فايل احط له صور الاشياء اللي ابيه يتعلمها مثل شنطة او كتاب او سندويش وكذلك بعض الافعال مثل صورة طفل يسبح او يصيح او ياكل
بعض الملاحظات:
طفلي الله يهديه عنده نشاط مفرط مستحيل يقعد خمس دقايق
24 ساعة يصيح و بحكم انه ما يتكلم ما تدرين اش يبي
دايم المدرسات يشتكون من حركته
بس يحب التدريب السمعي و تشد انتباهه التدريبات الجديدة ( مثل طق الباب - تدريب الجرس -الطبل وغيرها)
الحين طالبة منكم نصايحكم اشلون اتعامل وياه شنو التدريبات اللي تنمي لغته و شلون اخليه يهدأ شوي
خصوصا انه هالفترة قاعد يرجع للغة الاشارة الظاهر انها اسهل له فبلييييييييييييز عطوني نصايح اي شي اللي عندش قوليه لو بس تدعين له