اموت بزوجي رغم زواجه علي 💔

السلام عليكم ورحمه الله وبركاته ..
أولا الشكر لله والشكر لااختي حنان ، أتاحت لي اكتب بمعرفها طبعا هي قد ذكرت لكم قصه زواج زوجي قبل تقريبا 6 شهور
لأني فعلااا كنت احتاج نصيحه او دعوه منكم تغير حالي وقتها
انا الآن افضل من الشهور السابقة ووممكن بديت اتاقلم شي بسيط علئ انه متزوج علي
أحيانا احس الوضع عادي واحيانا انهار أعوذ بالله بنات انا اعشق زوجي عشق مو طبيعي رغم بدايه زوجه
كارهته وابي الطلاق لكن رجعت عشان عيالي وعشان ظروف خاصه فيني ويشهد الله من يوم رجعت له
زوجي هو هو ماتغير نفس طيبه وكرمه وحنيته يمكن تغير للأفضل بعد مدري صرت ما أتخيل يغيب عني اشتاق له حيل
مدري وضعي طبيعي وربي وربي اني اجلس احتريه عند باب الفله ولاسمعت صوت سيارته وصوت فتحت الباب يطيررررر
عقلي احس قلبي ينبض بسرعه بنات وربي شي مو طبيعي ومشكلتي ماابين له اول مادخل سويت نفسي اكلم بالواتس ومنسجمه يعنني
يعني مواقف كثيره ماابين له حبي ولا شوقي مدري كبرياء مدري غرور والله مدري والشي الثاني اغار من زوجته اغار عليه حتئ اغار عليه من بناتي وعيالي هو يموت في عيالي ومقصده من الزواج يبي عيال واجد وانا ماعاد حملت وزوجته حامل ودائم يقول حتئ لو فرحت بمولود منها
مو كثر فرحتي بعيالك ودايم يحسسني انه يحبني مدري صادق ولا بس انا احس انه يحبني ما يرضا احد يقول لي كلمه احس لي قدر عنده مدري إحساسي صادق ولا
ودي أقوله احبك ودي اضمه بس مدري شفيني ماابي أبين له ودي يجلس دايم عندي لاجاء انسئ نفسي لاجاء في يومي افرح وأستأنس وازين كل شي بس اسوي كان الوضع عادي عندي وإذا راح ادخل غرفتي وأبكي والله في صلاتي ادعي انه يشيل الغيره والحب من قلبي نهائيا
خلاص ابي أعيش بدون شعور تعبت تعبت تعبت تعبت ححححححيل 💔💔💔
البارح كان عندي وكنت تعبانه مزكومه وكحه واليوم جانا المغرب مو يومي استغربت قال جيت اتطمن عليك ! احسه يحبني واحيانا
اقول شفقان علي وراحمني فقط !! والله ودي أقوله يطلق زوجته انا ماعاد اتحمل لكن مستحيل أقوله لانه حرام وأخاف ربي
ومرات اقول انا الي بروح واخليه وإذا فكرت اقول ليه أروح ماراح احصل احد مثله أبد أبد وهو كويس معي بس عشانه تزوج !!
ابي منكم دعوه صادقه لعلها تريحني وانصحوني يمكن احد يقدر يأثر علي لان والله انا بامس الحاجه لدعواتكم ونصايحكم


رغم سهوله الصمت
الا انه اشد ثقلا من الكلام ..