اختي اكبر من زوجها ب خمس سنين .. لما اتزوجت كان هو في نهاية العشرينات و هي بداية الثلاثينات .. ما شاء الله حياتهم حلوة و بينهم ولد و بنت و لا عمره حسسها بشي .. انتي وافقي عليه يمكن ما تتكرر لك فرصة تلاقي انسان مسالم و يحبك .. المهم تبلغيه من البداية عن فرق السن بينكم و اذا وافق خلاص توكلي على الله

اول شيء امك سامحيها مهما سوت لك امك
وثانيا انا اشوف مافي فرق كبير وسالفه انه يتزوج عليك حتى لو اكبر منك لبقى يعرس بيعرس وراتبه بداية حياتكم زين ويقدر يستأجر شقه

سامحيني على اني غلطت لكن هدفي هو اني انصحك
لان اللي تعيش في بيئه معقده تنقل هالعقد لناس مالهم ذنب فا حبيت أنبهك
ومبروك مقدما والله يعوضك بحياه احسن
لكن لو اصريتي على شقه لو صغيره أفضل
لان عيش الحريم مع بعض لازم يشوبه مشاكل
وراتب خطيبك مو قليل يقدر على الشقه مقابل انك تتنازلي عن بعض المتطلبات زي حفله كبيره او مهر كبير مافي زي راحه البال والعيش وحدك
اما من ناحية العمر مو مبرر أبدا
العمر مناسب جدا
والأفضل صلي صلاة استخاره واذا فيه خيره لك الله يتمم لك
والله يوفقك ويهديك ويهدي امكّ

حبيبتي هو متخرج بدبلوم كان معاي بالكليه اثنينا درسنا هندسه و بنفس الكلاسات هو تخرج قبلي بدبلوم و انا تخرجت بعده ببكالوريوس المهم مب كل وحده تكتب قصه يعني نصابة تركت كل السالفه و دققت انه مهندس و يحبني انا اقول قل خير او اصمت

الله يجعلني فدى رجول امي ولا يحرمني منها
ترا والله منتي حاسه بنعمه الأم
ولا تقولين عنها ظالمه م يجوز ولا تقل لهما أف!
احسني اليها حتى لو جاك منها تقصير هي ام بالنهايه
تعبت عليك م تدرين كيف عاشت اش الضغوط الي شأفتها وهي صغيره ايش من عذاب شأفته وايش صدمات شافتها
ترا ايام امي وأمك كانو جبارين الأهالي على بناتهم
مو زي الحين الدلع والاهتمام
صدقيني نفس وضعك الحين أمك عاشت اصعب منه
لاتصدقين احد ف أمك ولا تقولين خالاتي م يبغونها
ارفعي رأسها قدام الناس
خليها تدعي وتدعي وتدعي قولي جزاك الله خير يمه
اهم شي عندي رضاك
اهم شي عندي بالدنيا انتي وش الي يبسطك أسويه
حطيها فوق رأسك
لمى تتزوجين ويصير عندك بنت وقتها بتحسين قد ايش أمك كانت تتعب
امي نفس أمك لكن امي فرق بس انها تحن وتهدأ
انا آدري من الي عاشته وهي صغيره ومن أبويه م أعطاها حب ولا اهتمام كافي حتى ولاداتها كانت لوحدها
لا ام معاها ولا زوج أبويه كان يحطها عند باب المستشفى يقولها ادخلي اولدي ويروح ويخليها
حتى لمى جابت اختي الكبيره محد قام فيها ولا أمها دخلت عليها
عشان كذا م ألومها بالعكس أكون انا أمها انا اداري زعلها انا اعوضها انا بنتها منها وفيها
انتي اكسبي رضاها عامليها كأنها بنتك لو ما حسيتي بعطف وحنان منها
والله يكتب لك الي فيه الخير