امي تقذفني وتلصق فيني تهم تدمي القلب💔 وتهد جباال

السلام عليكم
وصباح الخيير
اقسم بالله ترددت في طرح مشكلتي مرعاة لمشاعركم وماابي اكدر على احد بمثل المشاكل هذي ..
ماابي اكون سبب لتعاست احد ولو دقايق
( ابي اعيش انا وكل مسلم حياة حلوه 🌸🌺)
اتمنى يكون صباحكم مشرق بنور ربه وبقية يوم جميل
انا متزوجه وجايه لاهلي زياره وامي تختلف عن كل الامهات طيبه مع الكل الا انا
حريم خواني يحبونها وتودد لهم وتحبهم
تحبب عيالها الذكور وتحب حريمهم من حبهم
جلست معها البارح لوحدنا جلسه وديه واقهويها
صارت ترميني بالكلام وتجرح ....... وتلمح لي بان ماضيي اسود والناس تتكلم علي 😳 انفجعت
قلت وش تبين توصلين له تكلمي صريح
ومن اللي تكلم عني
واتقي الله لاتعرضين نفسك لعقوبة الله ... وتتهمين تهم باطله وانتي تعرفيني زين
صارت تتافف وتشيح بوجهها كانه متقرفه مني
وماتبي تذكر ماضيي
قلت تكلمي جيبي ادله لاترمين بالتهم بالهواء
(( بالمناسبه بعد ماتزوجت وتأخرت بالانجاب .. فاجئتني بكلامها تقول بكل برووود سبب تاخر انجابك حبوب منع الحمل اللي كنتي تاكلينها طول السنين قبل زواجك .....!!!!)
تخيلو وين وصل اتهامها
انفجعت ورحت ابكي واخوفها من العقوبه
ورحت وقاطعتها فتره ورجعت و تناسيت الموضوع .. والحمدلله رزقني الله بولد ربي يحفظه ..)
المهم كملت كلامها قالت تبرجين وتناظرين الرجال ... وكلام كثير اكثره مبهم .... بحجة ماتبي تتكلم فيه وتقرفه منه ومني
قلت الله لايحللك ... الله لايحلللك ولا راح احللك طول عمري
ضحكت قالت اجل انتي عاقه ...... قلت وانتي قااااذفه
وقاذف المومنات ملعون بالدنيا والاخره وله عذاب عظيم ...
وقمت وقلت انتي تعرفيني زييين طول عمري مومنه مصليه ولا اروح مكان ولا لي طلعات
ياويلك من ربك . وطلعت عنها
وانتظر زوجي ياخذني واقاطعها طول العمر .
واتمنى موتها باسرع وقت
اتمنى اعزا فيها قريييييب وينزاح همي وغمي .
قبل تتكلم علي قدام احد ينقل كلامها ويصدقونها الناس
اخاف زوجات خواني ينقولون كلامها لااهاليهم
كل ماافكر ازوج اخوي اخت زوجي ترددت والسبب امي


ماابي اهل زوجي يوشوفون ويسمعون امي وتعاملها لي💔
( الحمدلله حكمه من ربي اهل زوجي بعيد عنا ولا يعرفون عنا شي ...)
والحكمه الثانيه تزوجت من زوج يعاني من امه وتكرهه ويكرهها
دايم يشتكي لي منها واشوف تعاملها معه قدامي
وكيف تستهزي فيه وتكذبه قدام الناس وتضحك عليه ... دايم امسك نفسي لا اقول انا اعاني زيك ونفس المعاناه
بس اسكت وانصحه ببرها ولا يندم اذا ماتت .
لكن امي وصلت لمواصيل حساسه وقذف وجرح يصعب شفاءئه ....
صرت ادعو اذا انا بسوي زيها ببناتي ربي يحرمني البنات ولا يتعذبون على يدي نفسيا ...
الحمدلله رب العالمين .