امي تكره أختي ......

السلام عليكم ورحمه الله وبركاته 
وكل عام وانتم بخير ...مشكلتي امي تكره اختي ...

بنات امي ماتحب اختي دايما تدعي عليها ودايما نظرات امي في اختي تخوف واختي والله ماترادد امي ولاترفع صوتها عليها ودايم اختي تنصح اختي الصغيره ماترفع صوتهاع امي .، 
اختي تقول كلمه الحق في اي شي وامي تزعل منها لانها قالت الحق اختي محبوبه من الكل حتي اهل زوجها يحبونها وماتحب المشاكل ..،
 اختي ساكنه في مدينه بعيده عنا وماتجي الا اوقات الاجازات وماقد جات الا وجابت هديه لمي او فلوس او قطعه قماش يعني ماقد جات ويدها فاضيه تبي تتقرب من امي حاولت كثير مافيه فايده 
اي شي تجيبه اختي من ملابس لها امي ماتلبسها وانا واخواتي اذا جبنا شي تلبسه..قبل رمضان اختي تشاورني شنو تجيب لمي وقالت انا دايم اشتري لها ملابس وامي ماتلبسها خاطري اشتري لها خاتم ذهب قبل العيد ..   
 قبل رمضان كانت اختي عندنا زياره وامي ضربت بنتها 
واختي زعلت ليه تضربها بدون سبب بصراحه كم مره شفت امي تضرب عيالها وتقبصهم قالت ياامي انتي ليه تكرهيني وتكرهي عيالي راحت امي كلمت زوج اختي قالته اضربها وادبها هذي مجنونه وراكبه راسها ...وزوج اختي يحبها مايسمع فيها 
 راحت وهي زعلانه وحلفت معاد ادخل بيتكم لكنها اتصلت ليله رمضان ع امي وامي ماردت كانت بتبارك لها بشهر 
قالت امي لختي الثانيه اختكم لاتكلمني ولاتجيني لاعاد اسال عنها ولاتسال عني ..
 خايفه عليها من دعوات امي احسها قريبه مني خايفه ماتجينا بالعيد 


امي دايم تحرض زوج اختي عليها ليه ماادري....

بنات ملاحظه .. امي كم مره تحاول تتطلق اختي وتقول لخواني تطلقوها ...خلها تجي عندي اعذبها ...

ادعو لختي ان الله يحنن قلب امي عليها ...
اعذروني ماقدرت ارتب كلامي لكن الي في قلبي قلته ...