امي جايه عندي

الله يهنيك ماشاء تبارك الله في جيت أمك عندك
وإن شاء الله البنات يفيدوكي والله يخلي لك أمك..

رفع الموضوع

انا صراحة ماعندي خبرة بس مريض السكر لازم يبعد عن الحلى والنشويات لانها تتحول للسكر بالجسم وبالنسبة للضغط يبعد عن الملح والمخللات
يصير سوي لها ايدام مشكل مع دجاج
سلطة زبادي او فتوش من غير ملح اعصري عليها ليمون
المعجنات يمكن ترفع السكر بس انتي ممكن تسوي فطاير بالبر ( القمح) بدل الدقيق
والحشوة ( جبنة مع جزر مبشور او جبنة مع بقدونس مفروم افيد لها انا سمعت ان البقدونس ينزل السكر)
سوي لها شوربة لانها مهمة للصايم
انتي تقولي اكل مرضى السكر والضغط ماله طعم بالعكس سوي لها اكلات وزبطيها بس اهم شيء قللي السكر والملح مو تلغيه على حسب حالة الوالدة الله يشفيهاويخليها لكم
على فكرة انا كمان امي عندها ضغط وسكر وطبعا تاكل خبز بر ولبن قليل الدسم وايدامات وسلطات وشوربة اما الرز والمكرونة تقلل منه الله يشفيها ويطول بعمرها
ان شا الله اكون افدتك

الفطور ممكن تسوين المصابيب وفي وصفات كثيره بقسم المعجنات لها وممكن تسوين كيكة البر هي كيكه عاديه بس بدل الدقيق حطي بر بس لازم تكثرين الباكنج لأن البر ثقيل والسكر ممكن تقللينه مره وممكن تسوين بانكيك بالبر ونفس الشي اي وصفت بان كيك بس بدل الدقيق بر وقللي كمية السكر
الغدا مافي احسن من الدجاج بالفرن والشيش طاووق وعندك انواع الايدامات والسلطات
العشا حلو القرصان و مرقوق ممكن مراهيف بس بدون زبدة ادهنيها بزيت زيتون او تسوين لها كشنه طماط
وممكن فطور تسوين لها بيض بالخضار (بقدونس بصل اخضر طماطم وفلفل الوان ) تحطينه بالصينيه وزي الكيك على نار هاديه ثم من فوق
وبعد لحم مفروم او دجاج مسلوق مفتفت وتخلطين معه (بطاطس مسلوق وكوسا مسلوقه وجزر مسلوق وبيضه وملعقة بقسماط او الكميه المناسبه للخليط مع بصل وثوم وبقدونس وبصل اخضر مفرومين ناعم وبالفرن من فوق وتحت
وروحي لمحل الوطنيه وبتلاقين عندهم اشياء عضويه زي المكرونه مش بالدقيق لا بتلاقينها بالسميد الكامل وبعد الشوفان الطبيعي ومنتوجات ثانيه بتساعدك
والله يشفي الوالده ويخليها لك ويرزقك ببر عيالك ويبارك لك فيهم

اشكر كل اللي ردوا علي ...جزاكن الله الف خير
بس يا هلا وينات وين الاقي محل الو طنيه علما انا بالدمام