امي خربت فرحتي

السلام عليكم متل ما قلت بموضوعي السابق الي عندها حكي جارح و ألفاظ مو مناسبة لا تحكي لأني مو متحملة حالي حتى الفترة الماضية كنت مع حبيبي امورنا تمااااام و من احسن ما يكون و يوم الجمعة كنا معهم وقت طويل تقريباً قضينا اليوم سوا و امبارح اختي الي اصغر مني قالت كأنو كنا عم نتطلع ببعض هي حكتها هيك بعفوية بس امي قالتلي لا مستحيل حتى تفكير لا تفكري فيه و هاد من محافظة غيرنا و انا ما بقبل الا بواحد من حماة و من المدينة حصراً و الجماعة صح غاليين علينا بس موضوع الزواج شي تاني حكت كتييير و انا عم اسمع و حاول اضحك و قول أنا ما بيهمني و لا عم فكر فيه بعدين امي قالت ازا امو جابت هي السيرة رح انهي الموضوع من عندي و قول انو بنتي بدها تدرس و تشتغل و بس و ما عم تفكر لا بابنك و لا بغيرو أنا كنت عم اسمع و حاسة نار شاعلة بقلبي نااااار عم تطلع من عيوني مخنوقة بعدين دخلت عالحمام بكيت جوا و طلعت واضح من عيوني اني بكيانة قلت انو بطني عم توجعني متل العادة حتى اني اخدت دوا و حاطة ايدي على بطني و ابكي و هي صارت تقول لا يكون عم تبكي مشانو و مو موجوعة المهم بعتلي و انا رديت وقلتلو شو صار حرفياً انهاااااار و الله حالتو ما كانت بتنوصف و انا عم احكي معو و ابكي بعدين قال يا أما باخدك يا أما رح انتحر محادثتنا كانت كأنو رايحين عالموت كأنها وداع و كان بدو يحكي لأمو بس كانت نايمة كانت الساعة بحدود التلاتة بالليل خلصنا حكي و نحنا بأسوء حالاتنا من صدمة و قهررررر طفيت الموبايل و قعدت ابكي حتى نمت و قلتلو يمكن ما يطلع الصبح و انا موجودة كنت حاسة انفاسي عم تتقطع اليوم من لما فقت الصبح و انا متضايقة و دموعي عم حاول احبسها و اول ما شفت رفقاتي فرطت ما عاد فيني بكييييت و إن شاء الله بعد شوي رح اعرف منو شو صار معو تعباااااانة حاسة كأنها كانت محادثة وادع كأنو رح تصير نهاية العالم شو اعمل بحالي و الله كل شوي عم يخطر على بالي انهي حياتي بأي طريقة