مداوية الجرحى @mdaoy_algrh

كبيرة محررات

امي ربة بيــــــــــــــــــــت ***

امي ..
أمي ربة بيت امي ما احلاها ..
كيف البيت يكونو .. لااعرف لولها ..

حضرت امي مساء أمس محاضرة الشيخ محمد العريفي في مخرج 16 ..

ويوم رجعت قامت تقص علينا .. وش صار له بالمحاضره ..

تقول امي البي حبيبت أبوي ..

بسم الله نبداء ..

تقول غفرالله لها ..
ياحليلهم .. ياحبيلهم ..
أول مادخلنا مع الباب وينطحننا كوم هاك البنات ..
لابسات تنانير سود وبلايز بيض ..
(( اقوله ياميمتي اخاف انك داخله حوش برابر مهوب المحاضره ))
( قالت لي .. أها بس انثبر )
وياخذن عبايتنا ويقولن ياهلا والله ويامرحبا ..
ويمشن معك وهالقهوه والشاهي والحلى ..
أننا ياوليدي تقول حاضرين عرس .. مهيب محاضره ..

حتى البزارين حاطين لهم خيمه وفيها كل الالعاب .. اجدعي عيالك به .. وتمتعي بالمحاضره ..
حتى الشيخ اللي هم جايبين يضحك .. والله انه قطع تسبودنا من الضحك ..

وياحبيلهم يوم قضت المحاضره وجينا نطلع ..
ويلحقننا كومة هاك البنااااااااااااات .. ويقولن ..
تكفون لاتخلوننا باتسر الله يعافيكم إيتونا ..
ترى فيه شيخ يبي يجي باتسر من القصيم .. عاني علشان هالمحاضره ..
تعالوا للمحاضره وتوسعون صدوركم ..
انتهى كلامه .. غفرالله لها ..

ونحن بدورنا ..
نشكر الأخوه والأخوات القائمين على هذا المنشط والمخيم الدعوي ..
ويكفي مثل ردود هذه الأفعال من كبار السن ..
اللاتي اجزم ان بعضهن ( ينودن ) ومع ذلك استفادو ..
فمابالك بشريحة الشباب والفتيات .. والذين يجدون في مثل هذه المناشط الكثير من المتعه والفائده ..
وفيها خير كثير لهم ..

والأجمل من ذلك كله ..
هذه الكوادر النسائيه الفعاله .. اللاتي تفرغن في مثل هذه الايام للعمل في الدعوه ..
ولم يعملن كما يعمل غيرهن .. بالتسكع في الأسواق أو متابعة الفضائيات .. للمشاركه في المسابقات .. وممازحة المذيعين والمذيعات ..
فلله درهن ..
وما اسعدن وأكبر حظنا بهن ..

معاني الكلمات :
ينطحننا .. وهي بمعنى يقابلننا .. والنطح بمعنى المقابله بعنف .. فيقال نطح الثور سليمان الهدر ..
كوم .. وهي تقصد العديد من الفتيات ..
إيتونا .. بمعنى تعالو .. وأقبلوا وهلموا <<<<(((== هلموا اذا صار الواحد مستعجل ..
ينودن .. وهي تقال للأنسان الذي يغلبه النعاس ..

اليوم الثاني ..
يوم محاضرة الشيخ ابراهيم الدويش ,,

بسم الله نبداء ..

هاه ياميمتي .. وش أخبار المحاضره اليوم ..
عساكم استفدتوا من الشيخ ..,..

ياوليدي مالحقنا الا على آخره .,.
يوم دخلنا وهو يسلم .. <<<<((((== ياحبيل امي قصده انتهت المحاضره بس متأثره بالتراويح هاليومين

طيب وعقب المحاضره يقولون فيه بعض الداعيااااااااات ..

ياوليدي الداعيه اللي هم مواعدين ماجت ..
عاااااااااد يقولون انهم يبي يجيبون دكتوره هاليومين ,,
اغدين اقيس الظغط عنده ..

ياميمتي ماتبين يجيبون بعد لك ( كوافيره )
هذي دكتوره .. يعني داعيه كبيره مره ..
تجلس عندكم وتحدث عليكم .. يعني ( شيخه )

ايه .. بس اذا هي مثل !!!!!!!!.. ترى مانبيه .. <<<<<((((= الا تكفين اقبليه ..

ياوليدي هاللي تشوف (00000) .. تقعد تنصح بهالعروس والعزايم ..
وبنياته قاصات شعورهن ولابسات كت ...
وراه ماتنصح بناته قبل ما تنصح الناس ..

صحيح وهذي مشكلة بعض الأخوات الناصحات
(( فابداء بمن تعول ))
( ونقول ناصحات .. لأنهن لم يصلن الى علم وعمل الداعيات فهن مجتهدات ) ..

بعدين ياوليدي .. يوم قضت المحاضره ..
تـزبرن هالحريم .. كل خمس مع بعض ..
ومعهن شاهييهن وقهوتن ,,
وماتسمع الا .. قالت فلانه .. وحطت فلانه ..,..
وفلانه رجله أعرس .. وفلانه طلقه رجله ..
مبسوطات بهالمخيم .. ماتقول الا كاشتات للبر ..
ياوليدي ضيعن كل الحسنات اللي جمعنه بالمحاضره ..

انتهى كلامها غفرالله لها ...

نداء لأخواتنا وشقائقنا ..
لاتدعن الفرصه تـفوتكن في مثل هذه الليالي ..
عند الانتهاء من المحاضره اقرائي ماينفعك .. لحين خروج محارمك ..
ولاتضيعين وتـفسدين ماعملتيه من اقبال على الخير لسماع مايفيدكن ..

وشكرا للجميع ..
راجياً الدعاء لوالدتي غفرالله لها ..

سي يو ..

ملطووووووووووووووش مع بعض عمليات التجميل:23:

يلزم عليك تسجيل الدخول أولًا لكتابة تعليق.

تسجيل دخول

SIMPLICITY • 20 سنة

ياحبي لهم العجز رهيبببببببببببببببات ....

يسلمو حبيبة البي على تغيير اللوك تبع الموزوع

تحياتي

أميرة الإحساس • 20 سنة

الله يسسسسسعدك يالغلاااااا على هالموضوع

والله يخلي لنا امهاتنا ياااااااااااااااااااااارب

مع اني يوم قرأت عنوان الموضوع جاني تلبك في المعده (من كثر ماكرهت هالأنشوده من كثر ماسمعتها)

لكن زين اني ماستعجلت ودخلت لأن الموضوع كاااااااااان رااااااااااااااايق

والله لا يعاقبنا على جهلنا وعلى غفلتنا ..

<<<< أعدى من العجز نسمع المحاضرات ونتعض دقايق

وبعدها ولا كأن شيء صار الله لايؤخذنا

واحيانا واحنا بوسط المحاضره سوااااااااالف وهرج ماله دااااااااااااعي

لكن يعطيك الله العافيه على هالموضوع الحلوووو:26:

الملهمه • 20 سنة

جزاك الله كل خير
الله يثبتنا... ويجعلنا نعمل بما نسمع

طيب ليش ماكملت الانشوده خلاص انا بكملها واهديها لاميرة الاحساس
انسى حتى نفسي لاكن لاانساها
وكما هي ترعاني الله سيرعاها

ولاداعي لشكر اميره

رائعه 100% • 20 سنة

ياحبيلهن ذا الحريم:02:

موضوع حلو والعمليات التجميليه سنعته بزود

ورب داعٍ لم يدعو نفسه

sherin yousef • 20 سنة

شكرا على الترجمه الفوريه لكلام الوالده ربنا يخليهالك
اما بالنسبه للأخت امية الأحساس احب اهديها هذا الموضوع عاجل جدا

امى ربة منزل امى ما أحلاها
كيف البيت يكون لا اعرف لولاها
وكما هى ترعانى الله سيرعاها