امي سودت عيشتي

السلام عليكم ارجوكم اقروه للنهايه محتاجتلكم
سابقا كتبت معاناتي مع امي صعبة الارضاء حادة الطباع عصبيه ولابد انها قبل لا تنام تسوي مشكله بالبيت و كتبت كيف عذبتني من لما كنت صغيره انظلمت واجد قلت لما اتزوج افتك من الظلم لكن زاد و تعبت رغم انه امي تصوم و تصلي و تقرأ قرآن لكن للاسف مافيه اخلاق امي من بلاد الشام و انا عمانيه و زوجي عماني الله يسلمكم امي تكره العمانين و ما تخالطهم رغم انها تحب باقي دول الخليج.و هي ما خالطتهم ما اعرف السر المهم مشكلتي انه امي من لما امتلكت و هي تسوي مشاكل مع زوجي و اهله و الحين عندي بنت ولازالت المشاكل مستمره رح اعطيكم نبذه عن المشاكل اللي سوتلي ياها بأيام الملكه امه رسلت صحن فيه خبز عماني راحت امي رسلت ل امه صوتيه انه هالخبز نحن ما ناكله و ما نحبه ولا تجيبولنا مره ثانيه و رح نوزعه ع الهنود اللي بالشارع امه ردت اذا ما تاكلوه انا اولادي يحبوه قايمه من الصبح اخبزه ما سويت للبيت اجت امي اجبرتني اوزعه و ارجع الصحن ل عمتي فاضي ....طبعا امي كانت ترسللها صحون اكل والى اخره ..ما اعرف ليش سوت هالحركه ...ما عدا انه اعلي كانوا يفشلوني قدام زوجي يسبوا سبات تفشل ...و فجأه صارت تريدني اتطلق منه يعني الزبده الملكه مشيت بعد ما نشف ريقنا و زوجي ما تخلى عني من محبته حالي و بعد الزواج صارت ندخلنا من مشكله ل مشكله و كل ما اجى زوجي عندها انتوا العمانين كذا و كذا و العمانين فيهم نذاله و سب و طعن و الى اخره و زوجي ساكت و متحمل عشاني ...مره ابوي و امي تهاوشوا قدام زوجي و زوجي المسكين ما تدخل ولا قام راح و ضل ساكت بينهم مع العلم انه امي ما تحشم احد تتهاوش مع ابوي قدام الصغير و الكبير بعد ما طلع زوجي مسكتني امي سب و لعن بزوجي و زجك خبيث ولا يطاق و جلس يبغى يعرف السالفه و من كثر ما ضغطت علي اتصلت على زوجي خبرته و راح اعتذرلها و تأسفلها و كل ما اجى زوجي يزورها او هي تعزمه تقعد تسمعه كلام عن اهله و عن العمانين و هو ساكت عشاني و بس يروح تنتقد طريقة كلامه و لبسه و جلسته و مشاااااكل كثيره اجي اهديها هديه ترميها بوجهي اقلها كلام حلو تدور ع مشاكل لين اجت بنتنا المهم سبحان الله هذي امي مشتغله بحياتي و كأنها تتمناني اتطلق لان لما كنت بنت كانت تقول انتي بتطلقي من اول سنه و دايما تسمعني زوجج بيتزوج عليج بيوم من الايام و زوجج بيطلقج زوجج بيبيع ذهبج و تعبي براسي انا اتأثر اجلس اصيح بالساعات و بصراحه عيشتي ببيت اهلي كانت سوده و كلها كشاكل و ما اتمنى اتطلق لان حياتي بعد الزواج.احسن بكثير لولا مشاكلها الحين علاقتي مع زوجي جدا متوتره بسبب امي ..اخر مشكله صارت ايش هي بالعيد رحنا زرناها قبل العيد بيوم عشان نعايد عليها لان نحن نعيد بمنطقه غير عن منطقة اهلي و بيوم العيد اتصلنا على ابوي نعايد عليهم و ابوي ما شاف الاتصال و نحن طنشنا لان رحنالهم قبل بيوم و اصلا كل روحتنا ع منطقة اهل زوجي مو عشان العيد لا عشان جدته مريضه وعلى حفة قبرها بعد العيد قلت بزور اهل و زوجي اعطاني بخور هديه ل امي و عيديات و فساتين ل خواتي و رحت ع بيت اهلي و انا على نياتي ما اعرف انه فيه كارثه بتحل فيني بسبب عدم اتصالي بيوم العيد و اول ما دخلت البيت اشوف وجها منقلب و تقلب يومي معاها و بكى و صياح و دعاوي و ترسل صوتيات ل زوجي انه هو و اهله مافيه خير و بخورك تبخر فيه انت و طردتني مع بنتي من البيت و دعت علي و سودت يومي زوجي ما سوا شي نزلني عند ابوه و جلس يهديني وقلي انا مستحيل اروح ع بيت اهلج مره ثانيه لان امج سوتلي بلوك من الوتساب بعد باليوم الثاني انا رسلتلها اعتذار و ترجيتها تسامحني رسلت لي الخبيثين للخبيثات و الطيبون للطيبات و انتي كلبه و تزوجتي كلب مثلج و ان شاء الله زوجج يسرق ذهبج و يبيعه لانه نذل و رح يطلقج و اذكرج واذا طلقج ما اريدج تسكني معاي تروحي تنقلعي بشقه لاني ما اطيق شوفتج و هي بالفعل ما تحبني احسها و من هذاك اليوم و هي تدخلني بمشاكل مع زوجي و تفرح لما تشوفني متهاوشه معاه ...اخر مره زوجي مر من جنب بيتنا و ما سلم على اخوي و اجيت انا قلت له ليش ما تسلم على اخوي قام اتصل على اخوي و اعتذرله جات هي على صلاة الفجر راسليتلي رساله بعدج ما شفتي شي من خبثه زوجك خبيث و يوم يجي على بيتنا عيونه على اختج فلانه ...اختي جميله ما شاء الله ربي يحفظها لكنها صغيره عمرها ١٤ سنه و زوجي قسم بالله يعتبرها اخته انا صراحه زعلت حسيتها تفتن بيني و بينه ..الحين ارجوكم اعطوني حل انا ابتليت بأمي احس زوجي بيطلقني هو للحين ساكت لانه يحبني بس صايره اعصابه تفلت و اخر مره مد يده علي هذا جزء بسيط من مشاكلها لكن هي مشاكلها لا تعد و لا تحصى و ما اتذكر تعرفت على حرمه الا ما سوت معاها مشاكل و ضنت فيها ضن السوء انقذوني عطوني حل انا احب امي و ما اريد اقاطعها بالنهايه هي حملت فيني و ربتني لكن الله لا يحطكم مكاني