امي في دور المظلومه والحل ؟

بسم الله الرحمن الرحيم
باختصار شديد
امي شخصيتها عصبيه على كل اللي في البيت-تحب تجرحنا بالكلام سواء في بيتنا او عند الناس... قبل 6 سنوات عشان حسد الاقارب بقبول الكليات <<الخ صار فيه عداوات لنا من اهل امي رغم عيالهم مقبولين فصار فيه ذب كلام لنا من باب الغيره وضحك عيني عينك .فانا سحبت نفسي من جمعتهم بكل هدوء ،بدون اي ردة فعل ماعدا في الاعياد والجمات اللي ضرروي احضر مجبره وقتها امي تتسال ليه ما احضر ،ليه وليه واحطلها من الاعذار فكانت وش تسوي تخليني في الكليه انطق اليين ماتفضى بعدين يمروني عشان اكلم بنات اخوها ؟ الكتب رفضت تروح نشتريها الين اكلم بنات اخوها
اضطريت اعطي زميلتي تشتريلي من فلوس المكافاه كل ماجت تشتري لنفسها ...تسوي مشاكل معي تقول ابيك تجنيييين .. برضوا مطنشه مو اني طيبه مطنشه لا . لان مالي مزاج بثالث سنه كليه اهل امي (حريم اخوانها وبناتهم )ماتوا قهر لاني سلام ورسميه ما اكلمهم نهائي .طلعوا عني اني مريضه نفسيه وجت امي تقوله واختي انه هم صادقين ( اختي نسيت اقولكم انه محد معطيها وجهه لانها هاديه فيوم شافت اني سحبت نفسي من اهل امي لانهم تكلموا فينا انا واهي هي تلزقت فيهم هي تدري يتكلمون فيها بس عادي عندها .شخصيتها تدعي الطيبه عند الناس بس في بيتنا نعرف انها طبيعتها نذله تحب نفسها شي غصب عنها هذي طبيعتها لو مويه بيدها ماتعطيك بس عند الناس الله لايوريكم الخدمه وي وتصير شغاله ولابعد يحشون فيها ويضحكون )
اختي تغار مني لانه مابيني وبينها عمر متفارق بينا سنه ونص تقريبا تصرفاتها تقول كذا
فصارت تسوي حزب مع امي وهاتك من النصايح والزن والتخطيط
انا مطنشه الكل امي اختي اقارب امي لاهيه بدراستي رغم كل اللي تسويه امي عشان تذلني عشان يفرحون اهلها واهي ـ( طبعا بتجي بتجي الردود المثاليه محد مايبي عياله ناجحين ) اقولكم الا فيه فيه ناس يهمها اهلها وزعلهم هذولي اهلها من حقها بس معليش مو علي حساب نفسي
الحمدلله يابنتت تخرجت بس ماحبيت احضر حفل التخرج لانه انا بداخلي اتذكر حزني وتعبي والروحه للجامعه بسب وكلام جارح والرجعه منها بنفس الكلام ولطعتي بالجامعه وهي مافيها احد كيد من اهلي عشان اكلم بنات خالي وحريمهم
فشريتلي بالتخرج كيكه مبقيه من فلوس المكافاه عشان هاليوم لنفسي امي يوم درت اني رايحه مع ابوي عشان اجيب لي كيكه حلفت ما اكلها اجيبها بيت خالي قلت منب جايبه كيكه لاحد فهمتي

المهم كلام من هنا وهنا اضطريت اجيبها هناك طبعا رفضت اكل قلت مسويه ريجيم
ادري قهر بس خلاص مكتوب
تحدد يوم التخرج وامي درت من قريبتنا عشان بنتها بتتخرج وتنشب الا لله بتروحين لانها بتروح وبتجيب ناس من اقاربنا معها قلت روحي لحالك منب رايحه < الزبده مابقي دعوه مادعتها علي مابقي سبه ماسبتها هددتني تاخد الجوال والاب توب لو مارحت
واضطريت اروح يابنات مجبووره
بدينا بمرحلة الوظايف ولقيت وظايف بشهادة المتوسطه وابتدائي وش اسوي مافيه الا هي وراتب اي كلام توظفت فيها وطلعت من زن امي
لقيت بعدها وظيفه في مصنع بشهادة ابتدائي رضيت بس عشان راتبها شوي ارحم وطلعت من زن امي ليل ونهار تجريح وانا راضيه بالوظيفه وموسعه صدري رغم التعب اللي فيها
ان جلست بالبيت ،شفت الاهانات والتجريح اليومي قلت ياليتني قعدت بالوظيفه حتي ريال محد معطيني التجريح فيني فيني
غير انه تقول محد يتوظف بهالوظايف شوي وتقول اللي مافيهم خير استغفرالله تري المهم وظيفه محترمه وخلاص مو لازم بالشهاده اللي بالشهاده ماحصل ودايم اقولها تري ماغصبوني اتوظف عندهم انا بنفسي جايه
بتقولون وين دور ابوك
اامي( سابقا) كانت موظفه فهو يهمه راتبها اذا ما اجرحني معها وسبني معها ماراح تعطيه من الراتب شي واذا شاف مامنها راتب سحب عليها وعلي وطنششها وهنا هي تنفجر في البيت كله
الان هي بدون وظيفه فا ابوي ساحب عليها وعلي حرركاتها معنا ولايعاونها زي اول
الان انا بحثت عن وظيفه ويالله لقيت وظيفه في مصنع برضوا والحمدلله ومطنشتهم الان عشان مايجبروني استقيل حتي لو متعب الشغل ارحم من الجلسه بالبيت
اذا نزل الراتب ماشالله اشتريلهم من المطعم او اذا بغوا شي اعطيهم رغم الراتب علي قدي لكن امي مواصله بالتجريح انا ما ادري هي وش فيها بالضبط
عزمتهم قبل اسبوع وطلبنا ونحنا ناكل وهي تسوي بضروسها ز ي الارنب وتقول شوفي شوفي تري هذي شكلضروسك يالحوله
يابنات اذا الله ابتلاك با ام زي كذا امانتكم وش تسووون ؟؟؟ انا سحبت نفسي من العشا وحاسبت وجلست بطاوله ثانيه الين يخلصون
انا مو مراهقه ولا بزر انا علي مشارف الثلاثين
نقطه حبيت اوضحها )
وحده من قريبات امي قبل سنتين شفناها بعزيمه هي من زمان ماشفناها وكانت وقتها مشتغله خطابه فنشبت فينا وبغيرنا وتجيب زيد وعبيد <<الخ وكلهم مايصلحون نهائي وامي اعتذرت منها قامت قريبة امي شكتها عند الكبار بالسن انها ترفس النعمه وانها تجيب خطاب نرفضهم وهم والله يابنات اي وحده فيكم بترفضهم مررره مايصلحون والله فامي وش سوت كلمت قريبتنا وخلتها تكمل خطابه وقالت امي وافقي وافقي قلت منب موافقه كل شي تجبريني عليه لكن الا الزواج والله ما اوافق وانتي اصلا ماتبينهم وعارفه مايصلحون لكن والله ما اوافق حتي لو وصلت المحاكم فهمتي>طبعا اكلام مستحيل اسويها يدرون
فا امي وش سوت قامت تمثل انها تصيح وافقي ولا الحين بنهااااااااااااار قلت شوفي يمه سوي اللي تبين محد يموت قبل يومه ورحت غرفتي طبي في النار ولا خلاصصصص وينا فيه
جا ابوي قال هذي نسابه وينا فيييه ذولي مايصلحون نهائي وان شفت احد داخل طالع في بيتنا قلبت البيت علي روسكم
بعد شهور رجعت امي وقريبتها الخطابه وقالت هالمره امي انه الولد مو عن طريق قريبتي الخطابه تري عن طريق اخوي هو يعرفه ويقول واو <<الخ
طبعا ادري انها تكذب وادري انه عن طريق قريبتها الخطابه ،قلت لا ما افكر بالزواج الحي
قالت مو لاززززم توافقين بس اطلعي عشان ما ا اتفشل عند اخوي
،دخلت علي اخت الرجال ( وامي راحت تجيب الشاهي قالت هذا طولك او كعب قلت لا والله هذا كعب < قالت ماشالله علي صراحتك رغم انه اللي ارسلتني لكم طالبين لها مواصفات غير اللي اشوفه فيك رغم انك عاجبتني بس هذي مواصفاتك اخوي يبيها اطول منه قلت من حقكم قالت تري اخوي له اسبوع متوظف ومعه ثانوي وقلنا نبي نزوجه وهو عمره كذا طلع اصغر مني ياببنات ؟> شكلها علي نياتها وكل شي قالته طبعا عكس كلام امي مواصفاته امي طيرته السماء
المهم طلعت منها وقلت يمه تقولين اخوي ومدري ايش تري الولد اصغر مني وتوه متوظف يعني يمكن يفصل لانها شركه قالت امي الصغير يكبر ؟ قلت اقول اله يستر علينا وعليهم غير انه ماوصفاتي مو هي اللي يبونها قالت هااا لا عاااادي الزبده سكتتت من القهر علي حركاتهم واحراجي مع الحريم اللي يجيبونهم عنطريق قريبة امي الخطابه تقول عكس مواصفاتي حسب طلب الخاطب
المهم شوي وامي قالت الله لايحللك ولايبيحك لازم تشوفين الولد قلت يمممه وين الحلال ولحرام واحد مانبيه تقولين ادخلي عليه ؟؟؟؟؟؟ قالت عادي مجامله لخالك ؟؟؟> طبعا كل هذا كذب عشان اتزوج وتفتك
المهم وهددتني مره ثانيه بانها تجي وبتفصلني من الوظيفه وبتقولهم اني متوظفه من وراهم وهم مو راضين
قلت يارب صبرك بسسسسسس
واطلع يابنات عليه شوفه شرعيه > و.كل هذا وابوي يحسبني موافقه ونبيهم
طلع بزرررر شكله توه متخرج من الثانوي ولاعبين علي الناس انه عمري نفس عمر ه لاحول لله
المهم يوم طلع ابوي قال ماش ذا بزر ومو راكد يقعد يالفلي قصص عن مغامراته مع اصدقاه المراهقين
قلت اساسا انا مو موافقه عليه من الاول
ابوي عصصب قال كيف تطلعون شوفه شرعيه وانتم ماتبونه وش هالمسخره هذي وصارت مشاكل وحاله وقامت اميييي زعللللت وتدعي الله لايوفقكم يالعجوز تبين تنشبين عندي يعني
قال ابوي الزواج مو غصب يا تتزوج شخص مناسب اما نرميها وتتطلق ونطيح بمشكله ثانيه
امي عصبت وصارت مشاكل <<الخ
وامي مستمره بين فتره وفتره تجيب ناس هي وقريبتها الخطابه طبعا عكس مواصفاتهم وقوة مدح للخاطب عندي وهكذا يستمر الوضع الي الله اعلم
النهايه..
امي الان تقول انها مسكينه الله ابتلاها باللي مثلي عاصيه عاقه بالام وابتلاها بزوج مو مثل الناس علي هواها ( امي تبي ابوي يعذبنا زي اول ويضربنا ويسبنا ويشتمنا معها( ابوي يبي الراتب مو انه يسوي كذا عشانها وهي تدري ) وتبيه يغصبني انا علي الزواج من اي واحد هي بتجيبه > ابوي كبر بالسن وتعبان ولا هو فاضي للمكايد
حرمةخالي اللي كانت تحش وتضحك علي وتسوي مشاكل ( الله يشفيها يارب الان هي مريضه بالمرض الشين الله يشفيها)الحمدلله الدي عافانا مما ابتلاهم
الثانيه كانت بتتطلق وترجته يرجعها
بنات خالي كل وحده فيها اللي مكفيها الان الحمدلله الذي عافانا مما ابتلاهم
الان انا مطنشه الكل زي اول ولاهيه بوظيفتي ماشالله تبارك الله صح متعبه وبهذله لانها بمصنع عصاير بس وش نسوي
وامي دايم اقولها الله يشغلك بنفسك اذا انتي كذا تبغين توذيني بحياتي واستغفر بنفسي طبعا لانا مهما كان ما ارضي لاهلي الشين فتقعد تدعي علي وكذا انا ماقلت هالكلام الا لان طفح الكيل يابنات لاتلوموني قلت يمكن يانبها ضميرها يمكن اي شي خلاص
قالت تبين اوقف روحي اعرسي ما ابي اشوفك قدام وجهي لان سبب تعاسة هالبيت انتي وابوك
المشكله انه هي اللي تنكد وهي اللي تسوي كل شي والان تقول انها مسكينه ومظلومة
بنات ابغي ارائكم باللي صار واللي بتقول تحملي؟ كل هالسنين تحملت جت علي كلمتك اليوم لي تحملي ندري اننا بنتحمل ليش فيه حل اصلا هذولي اهلنا واكيد بنتحملهم
امي دعواتهاا علي الفاضي والمليان الهدف منها عشان اتضايق واروح اوافق علي اي احد واعرس وافتك
امي ماتبيني اجيب لها طاري نبي نسافر لاني ابي اعتمر تقول اعرسي واعتمري
يابنات مومعقوله تطفشني بحياتي عشان اطلع منها واروح ارمي نفسي بجحيم ثاني لان بس انجبرت وهي بنفسها امي مو مقتنعه فيهم هم عن طريق خطابه وناس غير مريحه الاكثريه ما اظلم الكل
اللي مطلق واللي مايندري وش سالفته واللي مايبون مواصفاتنا وغشتهم الخطابه واللي تغبي عني امي ظروفهم يكون فيه شي وساكته امي عشان اتدبس بالموضوع (واحد عنده عيال-واحد مطلق ) وتقول اعزب من قال ابي اعرس علي ذولي ؟
ماشكيت لكم الحال الا لاني ابي احد يشاركني همي واشوف فيه احد شبيه بحياتي ويقولي لو هو بمكاني وش يسوي غير اصبري وتحملي واطلبي الاجر كل هذي انا عارفتها ومسويتها ولله الحمد
----
لا اله الا الله اللهم صلي علي محمد ماشالله