معليش على للتأخير بالرد لاني جديدة
ومايسمحلي بالرد الا كم مشاركة باليوم
تعلميني فيهم هنا والمثاليات الكذبيه
وكلش كوم ونصائح عقوق الوالدين حسسوني جالسين نتضارب بالعصا او نعلي صوتنا
سالفتنا واضحه واعتقد التفاصيل واضحه
اللي نفس هالشخصيات ويحس الوضع طبيعي فمشكلته مومشكلتي
يعطيك العافيه على ردّك

ياقلبي مالك الا تتجنبينها
لا كل ماقربتي زاد الحال للاسوء خليك رسميه فالتعامل معاها
مالك الا تصبرين ع ذا الوضع
اعرف وحده امها ذوقتها الووووويل الوووويل الووويل
بس صبرت ودعت ربي يخلصها من الجحيم اللي عايشه فيه
وربي اعطاها ع قد نيتها
وامها ندمت على اللي كانت تسويه معاها بس خلاص هي قلبها انكسر وماعاد تقدر تحبها


الله يعينك حبيبتي ويصفي التفوس بينكم
ويريح قلبك من كل تعب والم
قصتك مؤلمه
سبحان الله هاذي الدنيا ابتلاءات الله يعيننا عليها

كانت حالتي تقريبا مثل حالتك لكن أمي كانت خايفه من كلام الناس


كنت أشتغل فبلد ثاني فشركة جدا مرموقه وبراتب جدا ممتاز ولله الحمد من غير هذيج الفتره أحلم بأحلام بشرى وخير ورزق جاي
شاورت أبوي وعمومتي وكلهم يؤيدوني وقالوا كل حد يتمنى يشتغل فهالشركة إلا هي رفضت قالت أنا خايفة أنه محد يتزوجك
قلتلها يمه أنا ما أخترت هالوظيفه إلا مصلحتا لنفسي أنا ما أفكر بزواج كثر ما أفكر بمستقبلي وعيشتي وتأسيسي لحياتي
الزوج الله عالم كيف بيطلع أنا شهادتي مب حال الزوج شهاتي حال نفسي تصوري دعت علي وسبتني قلتلها تبيني جيب نسبة فالثانويه عشان ليش؟ مظاهر للناس؟ أدخل الجامعه ليش؟ مظاهر للناس ؟ أتخرج واحصل شهاده وفنهاية أجلس فالبيت !!! كل هالسنين أتعب وأسهر عشان شو يعني كل هالشي على الفاضي ؟!!حرااام والله
المهم أنا وافقت بالوظيفه وهي ما راضيه
ودايمة تسمعني فلانه تزوجت وفلانة أنخطبت وأنتي جالسه على كبدي - طبعا هي ما تقدر تتكلم قدام أبويه لانه بيعصب وهو فخور فيني لما وصلت عليه
كنت أرجع فالويكند للبيت وكان مثل الجحيم هاليومين كله زن زن من عندي أمي
والله أيام الدوام أشتاق للبيت وسوالف أهلي وعمومتي وكلهم والله بأمانه لكن من أرجع كله مشاكل من راس أمي ما أعرف ليش كل هالحقد
والله بعض الاحيان أنصدم من كلامها تقولي أنا بموت بسببك قلتلها ليش تقولي أريدج تسمعي كلامي وبس واقولها أميه أنا كبيره في أشياء أسمعها منج وأقتنع فيها وفي أشياء لا ترا الأنسان ما صائب فكل شي
تعصب
المهم فتره صارت تزن وتزن على راسي بزواج من أشخاص من أهلي قلت لها بستخير عصبت قال هذيلا أهلي وزينين لا تسألي وافقي وانتي مطمنه قلت لها بستخير وان شاء الله خير
المهم شفت رؤية وواضحه جدا لين يومي هذا أتذكره
فخبرتها أني ما ارتحت وانه هذا ما نصيبي عصبت ودعت علي وقالت هاذي ما أحلام هاذي وسوسه شياطين أنتي بتدخلي الله بيدخلج النار وصاحت وبكت وعفست البيت وقالت أنتي ما تحبيني وما تحبي أهلي أنتي بطرانه وشايفه نفسك والله بينتقم منك المهم وووايد تضايقت هذيج الفتره لدرجة ما طايقه نفسي والله العالم كيف كانت حالتي
اللي مخلني أعيش والله ثم والله أبوي وأهلي بأمانه


بعدها بفتره تقدم لي شخص من طرف صديقتها وخبرتني وقلت لها بستخير قالت لا وافقي ما علي هالكلام قلت لها أن شاء الله خير
المهم أستخرت والحمدلله أرتحت كثير وخبرتها أني موافقه أذا أنتوا مقتنعين بالولد وسألين عنه زين ما زين
أهلي كلهم سألوا عنه ورتاحوا لهم كثير وعليهم سمعه طيبه وتمت الامور الزوااااج مثل المااااي بسهوله جدا والحمدلله رب العالمين
والحمدلله عايشه بهدوووء ومرتاااحه جدا




فالنهايه بخبرج كيف صارت أميه
بستتغربووون








صارت تشتاق لي كثيييير ولما تشوفني الدمعه بعينها والله وتقولي مشتاقتنج وووااايد وتجهزلي هدايا والله العظيم
تقولي شتريتلج هذا وزيدتلج هذا ووهذا وهذا وهذا تغيرت وااايد وصارت حنونه لابعد حدود
والله ألحين فهمتها
كانت خايفه علي ما تبيني عانس وتتكلم الناس تريد تفرح فيني وانا عروس بعدها زوجه وبعدها أم
الله يحفظها يا رب لي ويطول بعمرها والله يسعدها
أي أنسان يمر بمرحله يخاف على اللي يحبه فيضغط عليه ليتصرف مثل ما يبيه


أمج أن شاء الله بيحن قلبها عليج - أنتي أذا شفتي متقدم زين أستخيري وتوكلي على الله وأن شاء الفرج قريب

امين يارب
صدقتي ويعطيك العافيه على ردّك بموضوعي

واضح انك مستقله جدا وما تجاملي احد ع حساب نفسك وتحققي اهدافك بغض النظر عن اراء الاخرين بمن فيهم امك .. ما تتغاضي ولا تليني .. وتسيئين الظن .. ليش يكرهونك معقوله كلهم ..
مافي بيني وبينك اي شي شخصي انا اكتب رأيي بناء ع اللي كتبتيه ..
مو لازم تتزوجي لكن حاولي تليني شوي وتلتمسي لامك العذر وتتغاضي عن الزلات .. وحرام تدعين ع امك بأن الله يشغلها بنفسها والله حرام ..
حسني ارائك في اللي حولك لراحة بالك انتي