ولاتعبر عن الشخصيه ابد بس كذا في راسي احط لكم صور خخخخخخ
قلت سم آمر يابو دحيّم يابعد هالدنيا ( وأنا اقول في قلبي آآآخ بس من دخلك بهالمفرمه يهالشايب الاشهب هالحين من زين عصاقيلك يومك ممدهن صايرات تقل عصاقيل ذولالك اللي يجون في دعاية هيئة الاغاثة ويطلبون تبرع لهم لمجاعة أفريقيا ) المهم قالي ودنا نسافر هالسنة .
قلت ماشاء الله وش الطاري السفرة مهيب عاداتك يا بودحيم
قال : اقطعي وأخسي . <= أنواع الاحترام للحياة الزوجية
قال : نبي نروح نأخذ عمرة الله ياخذ عمرك .. يلا روحي ولمي قشتس ولا تنسين تآخذين الدلة والقهوة أخاف يصكني راس هناك ومانلقى احد يقهوينا ( عاد من زين هالراس كل اللي فيه نخارير مهوب مخ )
أنا من الفرحة قلت سم ... وأنقز من مكاني واطير اركض ابي اولم العفش ومادريت الا يوم تكرفعت ثانية بعصاقيل رامي ( أبو دحيّم هههههههه اما ابو دحيم اسمه رامي اهين ) وطبيت على خشتي وهو يسحب رجله من تحتي ويرفسني بكل ما أوتي من قوة ومادريت الا يوم فنقزت وطبيت على ظهري ... قمت وتنفّضت ورحت أضف عفشنا
وركبنا السيارة
http://www.shojoon.org/album/animation/cars/shojoon126.gif
التفت يمي وأنا أسحب الشناط اقربهن وقالي الموتر عليه حرارة
قلت : حط فيه تحميله
قال : أقول ضفي وجهك وروحي كملي شغلتس لا اتوطى في بطنك :44:
ومشينا يم مكة ويوم مشينا لنا ثلاث ساعات قال ابو دحيّم ابوقف تحت هالكبري باخذلي غطة وأنوم وأنتم زينو الغداء . وقفنا وفتح كبوت السيارة يقالك يبي يبرد عليها .. ونزل فراشه وراح تشطر عنا ولف خشته وعيونه بشماغه وتوسد حذيانه ونام :55:
دحيّم الله يصلحة مطفوق شوي ومهنا ذيك التكانه بالحيل ( يعني العقل لك عليه ) جالس يلعب مع اخوانه الا يوم وطى بطن ابو دحيّم وطب فوق بطنه لين صارت خشة دحيم عند خشة ابوه
:01: أبو دحيّم : وجع يوجعك وماحين يمحاك عن الارض ياشايب هالجن:30:
كملنا مشوارنا ووصلنا مكه وأخذنا شقه هناك وراح أبو دحيّم مع العيال ياخذون عمره وكان دحيّم يمشي وراء ابوه وهو يتلفت ويتفرج على هالعالم واذا وقف ابوه من الزحمه قام دحيّم وصدمه ( لانه مايدري ان ابوه وقف ) همن أبو دحيّم يصكه بكوع يده
:02: :55:
قضينا من مكة ورحنا يم جده
رحنا يم البحر وفرشنا فراشنا وجلسنا على الشاطئ في جلسه مفعمه بالرومانسية
ابو دحيّم قام وفصخ ثوبه عشان مايتعرفط ( <= من زينه عاد تراه ثوب الدفه ويوم يفسخه عشان يحرم معربده وداسه بوسط كيسه ويوم قضا من الاحرام رجع ولبسه بدون تسوي )
المهم فسخ ثوبه وجلس بسروال وفنيلة ( السروال اللي الى الركبة .. ذاك أبو حبل )وصاير تقل خريطة الفارسي من الوسخ وكان منسدح ويتفرج على البحر .. فجأة جت مرة من اللي يبعن عند البحر وجلست عندنا وفلت بضاعتها .. أبو دحيّم قام وتواسى وواسى لحيته ومد رجلينه يقالك يبي يغريها على هالسيقان اللي تقل سيقان جرادة الله يحوم تسبده ( <= يقالك انها ماغارت )
شرينا المقسوم منها وراحت وهذي أول مرة اشوف ابو دحيّم يشتريلنا شي بدون مايحسربنا
جاك دحيّم وقال يبه ابسبح بالبحر
ابو دحيم : طس كودك تغرق ونرتاح منك
:29:
ابوه : دحيّم استر عورتك لا بارك الله فيك ولا في اللي يجيبك معه
رجعنا للشقة : وقام ابو دحيّم وتصل على جارنا ابو سعد وساله عن البقرة
ابو سعد : ابشرك يابو دحيّم البقرة حقتكم اضنت وهي بالنفاس هالحين وجابت عجلة ماهنا ملحها
يوم اشتب ابو دحيّم وقال يلا حملو عفشكم نبي نرجع للديرة
الله لا يعيد هالبقمايستفاد من هالهذر كله :
1- حنان الاب الزائد مع أولاده يصيّرهم الى خكاريا كما هو واضح من دحيّم ومعاملة ابيه معه .
2- ديمقراطية الازواج في الرحلات كما فعل ابو دحيم
3- الرحلة المقصود منها الوناسة مهوب لعنة الخير .. وياليت كل الناس يصيرون مثل ابو دحيم أدب وأخلاق وحسن منطق وحسن تربيه ومعاملة راقية يالله من فضلك
بقية الفوائد اتركها لكم تستنتجونها وتعلقون عليها
وسلامتكم
رة نكدت علينا ( <= عاد يقالنا مبسوطين بهالرحلة)
ملطوووووووووووش من فريب عندنا بالحارة الي ورى
:11: :11: :11: