**** ام زوجي *****

هلا حبايبي ...
عندي مشكلة كبيرة جدا ومحد فاهمني وقادر انه يفهمني ويحلها لي حتى اقرب الناس لي مشكلتي خواتي ام زوجي الا وهي عمتي طبعا تعرفون العمات والخالات
انا يا بنات تزوجت من 6 سنين وطبعا هي احلى واجمل سنين عشتها في حياتي
وانا تزوجت عن حب عمره 5 سنين اكيد بتسألون وتقولون كم عمري انا عمري الحين 25 سنة والله الشاهد على كلامي ....
ولكن كل من يشوفني يقولي كأن عمرج 40 سنة والسبب عمتي اول ما تزوجت سكنت عندهم بالبيت لكني كملت سنة وطلعت لاني ما تحملت امه ومشاكلها وتدخلها في حياتنا صايرين انا وزوجي مثل الخواتم بسببها ومب قادرين انسوي شي
وبعد سنة ونص حملت باول ولد طبعا علاجي للحمل كان وايد صعب كله ابر ومنشطات وادوية والله يا بنات كان وايد صعب ...
والحمد لله حملت لكن من خوفي على اللي في بطني و تعبي في الشقة من طبخ وغسيل وتنظيف قررت اني ارجع بيت اهل ريلي لأن اخوه الثاني طلع ...
والحين انا قاعدة بيت اهلي لأن ريلي مسافر وبيرجع بعد اسبوع وقال لي اجعد بيت امي لكن امه من سمعت اني بروح بيت اهلي زعلت وعصبت وقلبت البيت صياح
طبعا مو علشاني علشان اطلعني انا الشريرة وهي الزينة ...
مشكلتي يا بنات كبيرة وصار لي خمس شهور احاول عند ريلي نطلع في شقة بس احواله المادية ما تسمح ابدا والله تعبت نفسيا منها حتى قبل لا يسافر زوجي طلبت مفتاح حجرتي قلتلها ان المفتاح عند ريلي بندت التليفون في ويهي والله العظيم ...
كله تدخل في لبسي وطلعتي ويا ريلي وكله تقولي فلانة ربت وفلانة حملت يالله انتي بعد والله موب بايدي عندي ولد واحد ويكفيني واجهضت بعده اثنين والله ما كتب لي الحمل للحين ....
وريلي مسكين موب قادر يقولها شي اذا اي حد زعلها يرتفع الضغط ويحطون علي
انا وريلي المسكين ...
شو اسوي ما ابا ارد بيت ريلي مرة ثانية كله ضرابة ومشاكل وانا خلاص ما اقدر اتحمل وايد حتى والله العظيم مرات افكر اني انتحر وارتاح من هالعذاب ...
حتى عيالها مثلها اتهمهم المظاهر والنميمة والكلام اللي ما يرحم ابدا ...
طولت عليكم بس مالي غيركم لا تقولون لي اتحملي علشان ريلج ما اقدر خلاص
شعري ابيض والسبب هي ساعدوني الله يخليكم ..... :(