ياختي لاتغيرين اسلوبك ولاشي .. احسني الظن باهل زوجك دامك الی الان ماسمعتي باذنك شي ولاسمعتيهم يحرشونه .. زوجك اذا عارفك زين وانك محسنه في عشرته المفترض مايسمع فيك ويدفع الشر
اذا بغی يروح لهم بلحاله زهبي له قهوه والا حلا وقولي له يسلم عليهم واستودعي الله قلبه وسمعه
اذا رجع لاتقعدين تدققين في وجههه وتجيبين تخمينات براسك ابد خليه يجي يشوفك وانتي علی احسن حال بيتك نظيف وشكلك مرتب ولسانك يقوطر عسل

اهم نقطه لاتسألينه ابد وش فيك وليه وجهك كذا ... الي واثق انه مايخطي لايسأل ... لارجع غيري جوه وانتي ابخص بزوجك وش يحب المهم يفهم انك الزوجه الحنونه الي مايجي منك الا كل خير

مو شرط انه قالب عليك,, يمكن عند اهله بعض المشاكل الي تخصهم سواء مشاكل اخواته أو أمه أو اخوانه واذا رحتي لبيتهم يمكن تكتشفين بعض الأمور لذلك طلبوا منه ماتجين في هالفتره ,,, لأني من خلال كلامك مالاحظت انهم يعاملونك بسوء اذا جيتيهم,,, وترا من الطبيعي اذا الزوج مشارك اهله همهم ومشاكلهم يجي لزوجته متضايق ومعفوس ولا هو طايق نفسه ولا يبغى يصرح بأي شيء,,, وتصرفك سليم وأنت دائماً ضعي أمام عينيك رضى الله ولاتحاولين تغيرين شخصيتك لأنه ماهو من صالحك نهائياً
الله يصلح حالكم جميعاً ويبعد عنكم مكائد الشيطان,,, امين

يعني ماجيتهم في رمضان ولا العيد؟!!


اكيييد فيه سالفه كبيره صايره وزوجك قطعك عنهم وانتي ولا دااااريه


على الاقل اساليه مو صايره مثل الاطرش بالزفه

اختي
لايظيق صدرك
هذي طبيعة بعض الناس
الحسسسسد
شافو ابنهم مرتاح معك واشتغلت الغيرة
خليكي زي مانتي بادبك وذوقك بس خليكي واعية وحذرة
ومالك عليهم الا الدعااااء
ادعي كل يوم اللهم اكفنيهم بما شئت
ولاتزعلين انك طيبة معهم وهم معك لا
كل انسان ربي بيرزقه على نيته ومافي قلبه
اصبري ثم اصبري وادعي ربك وتوكلي عليه وشوفي ربي كيف راح ينصرك عليهم باذن الله