بالعكس استمري على حالك و لا تغيري شي لأن موقفك كذا قوي لما زوجك دايما يشوفك كافة شرك و ما تذكري طاريهم الا بالخير
و هم بس يتكلموا عليك و يغلطوا فيك حيكون في قرارة نفسه حاس انك مظلومة و مع الوقت رح يكرههم من اسلوبهم و كلامهم عليك
اما لو غيرتي اسلوبك و دخلتي معهم بجدال او صراع زوجك رح يميل لأهله و حيشوف ان كلامهم صح و مع الوقت يكرهك و يشوفك عدوة لأهله حتى لو معك الحق
و حتى ما تدري يمكن باعدك عن اهله لأنه عارف انهم حق مشاكل فهو حاب يجنبك الاحتكاك فيهم يعني انتي بأسلوبك ذا كل شي في صالحك و لا تفكري تغيري اسلوبك

مادام ما يوديك عندهم معناها ما يبونك
وهو اتخذ القرار الصح
اغلب الازواج يضغطون على زوجاتهم يروحون لاهلهم وهم ما يبونهن وبالتالي تصي مضايقات وحقران وتجريح




زوجك اختصر الطريق الله يجزاه خير وحفظ كرامتك


احمدي ربك وابلعي العافية ولاتدخلين بدوامة مشاكل


ان قال امشي لاهلي البسي وخوذي حلا وروحي
وان ماقال هو ابخص بهم

لالاتظلمين ماتدرين البيوت اسرار ممكن مشاكل عندهم ومايبونك تعرفين
اللي استغربته سكووتك ي ربي كيف تصبرين والله لحقق معه لين يطلع كل مافي جعبته هههههههههههههههه

ما يبغاك تروحين لا تروحين
لكن زوجك لازم تحاولين تفهمينه وتتناقشين معاه وقولي ما ارضى وبكره ربي بيحاسبك ماراح ينفعك اخت ولا غيرها اذا انتم ظالميني بشي وانا مدري وش السالفة
وشوفني انسانه ما تتكلم فيهم ولا يوم حرشتك عليهم ولا يوم قلت لك سوو او ما سوو لكن اللي اشوفه العكس
وانا الوالد حط يده بيد رجال ومتوقع انه بيكون هو سندي وعضدي ووثق فيك
وانا الحين بديت اخاف منك اذا وانت عارفني وعارف طبعي وطيبتي تنقلب علي بدون ما افهم حتى ايش السبب بكره لو صار بيني وبينهم موقف والا موضوع وتواجهت معهم
وصرت انا المظلومة وش بتسوي ؟
انا متزوجة وانا اثق في اني ببني حياة مع رجال ما يسمع لاحد ولا يهدم حياته
ويكون بيني وبينه حياة ومشاركة وبكره اطفال نربيهم ومراهقين نتشاور كيف نتعامل معهم وعمر مديد نعيشه ان شاء الله
كيف بنكون وانت هذي حالك ؟
متى اهلك يتذكرون انك الحين رجال ولك بيت وحياة مستقله ولا يخربون حياة حلوه بيني وبينك ؟
والصراحة بديت اشك انك معطيهم وجه لانهم لو شايفين قدامهم واحد موقفهم عند حدهم وستوب هنا وقفوا
زوجتي غلطت عليكم اجيبها ونحل الموضوع والغلطان يعتذر
ماغلطت عليكم اسكتوا ويكفي حكي فيها

خليهم منك وتفاهمي مع زوجك دام إنه سهل ينفر رأسه ، اذا راح لهم ورجع منقلب إسأليه بهدوء قولي عسى ماشر ملاحظتك من يوم جيت متغير ومو على بعضك !
اذا نفخ عليك لا تسكتين وأنتصري لنفسك هو اذا هابك وعمل لك حساب بيحسبون لك أهله ألف حساب ..
أهله خليك جداً رسمية معهم ولا تكثرين روحات لهم مادامهم مثل ماقلتي ترى فيه عينه من الناس إذا مو أكثرهم يحبون اللي تمسك نفسها عنهم وتتمنع منهم ولا تجيهم إلا لمحه ..