ام شوق تلتقي مع العاشق قيس بن الملوّح

مسرحية من مشهدين
المكان صحراء قاحلة
قيس بن الملوح يتمرغ على الارض



قيس : اه يالليلوه .. اموت فيج ياليلووووووه

تنزل شوق من الهودج وتقترب من قيس

شوق : قيس

قيس يفتح نظره ثم يغمضه

قيس :يابعد عمري ياليلوووه .. اروح لج فدوه ياليلوووه

شوق : اعنبوك استح فشلتنا .. قم اجلس خل احاجيك

قيس : احبج ياليلوووه .. ذابحني عشقج ياليلوه

شوق : والله هذي بنت ابوها .. اللي ممرغه شواربك بالارض

قيس : ( يغضب ) تخسي وتعقب من هاذي اللي تمرغ شواربي بالارض

شوق : ليلووه بعد منو

قيس : ( يعود للصياح ) اه ياليلوه .. ذبحني هواج ياليلوه

شوق : استح استح على وجهك .. انت مو رجال

قيس : طبعا رجال

شوق : وش جالس بروحك في البر تبكي مثل النسوان .. انت ماتستحي

قيس : الحب يابنت

شوق : ( تقلد صوته ) الحب يابنت .. هذا حب اللي انت جالس تسويه

قيس : اجل وشلون الحب

شوق : الحب تروح لها تخطبها

قيس : رحت مايبوني

شوق : طبعا مايبونك .. وش يبون في واحد مهبول مثلك

قيس : تأدبي يابنت انا ماني مهبول .. بس احبها احبها تفهمين وش اقول

شوق : افهم .. بس رح اخذها غصب انتوا مو تخطفون البنات

قيس : تخسين وانا ولد ابوي نخطف بنات ليه وش قالولج عنا ..

شوق : المهم رح اخطفها وفكنا من سوالفك فشلتنا جدام العالم

قيس : اخطفها .. ( يمسح على شواربه ) عاد انا مافكرت في هالسالفه

شوق : وان شاء الله عيوني فكرت الحين

قيس : لالالا .. الشرف الشرف

شوق : وانت خليت شي للشرف الف سنه وانت غاثنا باشعارك وعشقك لها

قيس : وانتوا منوا ..

شوق : احنا من الخليج

قيس : ( يعود للبكاء ) واييييييي ياليلوه .. ذبحني عشقج ياليلوووه

شوق : تبيني اخطفها واجيبها لك في هالبر

قيس : تقدرين

شوق : لو تبي ابوها اخطفه لك

قيس : انتي منو

شوق : انا ارهابيه

قيس : ( يجلس مهتما في العرض ) بس ترا ماعندي شيء اعطيج

شوق : مانبي شيء منك .. عاشق ومفلس .. ذكرتني في اللي يغازلون عندنا
يشترون سيارات غاليه وماعندهم حق البانزين

شوق : انت وش تقولين ..

مها : المهم وش قلت اخطفها

قيس : يالله خاربه خاربه خطفيها وفكيني



شوق تفرش بساط وتجلس عليه

قيس يتفحصها

قيس : يالله

شوق : شفيك

قيس : مانتبهت لج .. انتي وااايد حلوه

شوق : والله ..

قيس : عيونج شفافج خدودج

شوق تصفع قيس

شوق : جب .. بعد مابقى غير قيسوه يتغزل فيني

قيس : ليه وش فيني

شوق : والله لو يسمعك متعب ينتف شواربك

قيس : من هذا ... حبيبج

شوق تصفعه مره ثانيه

شوق : هذا اخوي العود ... المهم .. صج انت وين شواربك

قيس : حلقتهم وش ابي فيهم

شوق : اي والله صاج .. وش تبي فيهم .. اصلا يتعبونك وانت تبكي صح

قيس : المهم الحين متى تخطفينها

شوق : الليله

شوق تدخل مضارب مالك
تلتلقي شوق في ليلى .....

شوق : ياااااه انتي ليلى

ليلى : اي نعم انا ليلى ومنو حضرتج

شوق : يع يع يع ..

ليلى : وش يع يع يع

شوق : انتي اللي مدوخنا فيج قيسوووووه

ليلى : ( تزهو ) نعم

شوق : والله ماعنده نظر ... يع يع يع

ليلى : وش قصدج انتي

شوق : اعنبوج روحي شوفي وجهج في المنظره .. ( تضحك )
صج الحب اعمى

ليلى : ( تنظر في المنظره ) قصدج الحفر في وجهي

شوق : اي

ليلى : وقصدج رموشي الطايحه

شوق : اي

ليلى : وقصدج اسناني المكسره

شوق : اي

ليلى : وقصدج وزني اللي فوق الاميه

شوق : اي

ليلى: وقصدج اني قزمه وعندي احدبه

شوق : اي

ليلى . وقصدج اني ....

شوق : بس بس .. لو تظلين سنه تقولين في عيوبج ماتخلص .. يع يع ..
ابي اعرف انتي شنو حب فيج قيسوه .. ممكن اعرف

ليلى : تبين اعلّمج الصج بس ماتعلمين

شوق : طبعا ماعلم ..

ليلى : حب فلوسي

شوق : فلوسج

ليلى : اي نعم .. تشوفين بيوت الشعر هاذي

شوق : اي شفيها

ليلى : هاذي كلها يملكها ابوي

شوق : الحين قيسوه كل هالسنين يصيح ويبكي عشان
طمعان في بيوت هالشعر المشققه ..

ليلى : اي نعم ..

شوق : يعني الريال مدوخنا هالسنين بس عشان هالشي

ليلى : ( بفخر وزهو ) اي نعم

شوق : يع يع يع

ليلى : وش يع هاذي

شوق : مالت عليج انتي وبيوتج المشققه ..
يحب بيوتها تقول .. لا وبعد يشعر فيها هالقزمه ام حدبه

ليلى : لا تثقين في دموع الرجل ابدا

شوق : انزين انتي ليه ماتسوين رجيم

ليلى : وش رجيم هذا

شوق : لا تاكلين عشان تضعفين وتصيرين حلوه

ليلى : العرب يبون المتبتبه

شوق : اكيد تاكلين خروف كل يوم

ليلى : وش خروف هذا

شوق : خروف باع باع ماتعرفين خروف

ليلى : لا اكل نصفه فقط والباقي اكمله بالليل

شوق : طبعا قيسووه ميت فيج متبتبه وعندها بيوت شعر

ليلى : ( بفخر ) نعم هذا اللي مجننه

شوق : اقول

ليلى : نعم

شوق : مالت عليج وعلى قيس .. وانا اللي مختبه وجايتكم ..
بس الشرهه مو عليح على التاريخ اللي زور عشقكم ...

ليلى : تعالي انتي منو

شوق : انا طبيبه

ليلى : يعني تعالجين بعارين

شوق : انا اعالج بعارين يالقزمه يالحدبه بس وش اقول مالت عليج

تعود شوق ثانية لقيس

قيس : ها خطفتيها

شوق : جب جب

قيس : افا

شوق : مدوخنا كل هالسنين واثره طمعان في بيوت الشعر مالوت ليلى

قيس : انتي تدرين بالاول بيوت الشعر اللي مو بعينج شي كم تسوه

شوق : ( بهزء ) كم تسوه

قيس : ثلاثين دينار

شوق : جب جب جب مالت عليك

قيس : افا

شوق : الف سنه تشعر في ليلوه عشان ثلاثين دينار

قيس : واشعر في أمها بعد .. ثلاثين دينار ماأشعر فيها خبله انتي

شوق : انزين لو عطيتك الف دينار تشعر فيني

قيس : طبعا اشعر فيج وفي اللي جابوج

شوق : جب عمت عينك ..

قيس : انتي التي في عيني كالغزالتو .. وانتي التي ضيائها كالبدري

شوق : جب جب جب

تسدل الستارة