
& أم أنوسي & @amp_am_anosy_amp
عضوة شرف في عالم حواء
انا اجتماعية بس كرهت نفسي بسبب هالشي << مشكلة عضوة بالمنتدى
قبل ابدا مشكلتي بقول ملاحظه
امي من النوع القوي اللي هي لها الكلمه مو لابوي لدرجه احس احيانا من قوة شخصيتها وسيطرتها انها للاسف تتحول عدوة لان بالطيب بالغصب تمشي كلمتها
انا جامعيه مقبولة الشكل اميل للنعومه
عمري 27 سنه
ومن اطباعي اجتماعيه مع اقاربي وصديقاتي لدرجه كانهم اخواتي وصار وفيني شي للاسف مثل الوسواس
وهالشي كرهت كل الناس بسببه
اللي فيني
صعب اوصفه
صعب احد يحس فيه
انا وحده زي ماقلت اجتماعيه بس اسولف واضحك
ونفسيتي كانت فوق العال مع الكل
صديقتي لما شافتني كذا جلست توضح لي
اني بخطبك لاخوي وانا عارفه اخوها مايصلح لي
فسحبت نفسي وتركتها وصرت ماعطيها وجهه
ونفس الشي مع اقاربي حسيت اني اذا قربت
للناس وعطيتهم وجهه وضحكت
خلاص يبغون يخطبون صار فيني هالوسواس
قطعت اقاربي بنات اقاربي ورب البيت
كانو بالشهور يتصلون بيعرفون ايش سبب التغير
المفاجي اللي صار لي صرت اصرفهم واقولهم
انا صرت ماطلع او او انا تركت الطلعات والاجتماعات
لما اطلع لجمعة صديقات او اقارب صرت زي الجدار
ماتكلم ع الصامت بس اناظر الناس والوسواس يلعب فيني
اجلس اكلم نفسي اقول لاتعطينهم وجهه
ولا تضحكين ترا بيخطبونك لاخوهم وامي بتضغط علي لما اوافق بالذاذت امي من حريم اول وتعززاقاربي كانهم اهلها مشكلتي للاسف اني راسمه طموح واحلام
على زوج بصفات شبهه خياليه
ولما اتخيل ان صديقتي ولا قريبتي
اللي وضحو لي بيخطبوني لاخوانهم اقول هذا اللي
جاني من العلاقات الزايده معهم ومن زين اخوانهم
ومن زين وظايفهم البلاء ان ابوي وامي
مايهمهم وظيفه ولا شكل ولا مركز وامي امنيتها
تزوجني اليوم قبل بكرا لواحد سنع على كلامها
وسنع عند امي يعني ان شاء الله فقير بس اهم شي
عاقل ويصلي وانا صراحه تفكيري ابد مو بس كذا ابي
انا راسمه ببالي شخص غير
ولما اقولها تعصب وتصير مشكله وانتي تتخيلين وانتي تتشرطين ومردك تجلسي عندي على هالشروط
يعني ماستبعد بالذات اقاربي لو بيخطبوني
ابوي وامي بيجبروني صح ماراح يغصبوني
بس اذا عرفو ان الولد يصلي وعاقل بيضغطون علي
ويكرهوني عيشتي لما اوافق على اساس انهم يبون مصلحتي
السبب اللي خلاني اقطع الناس زمان كنت كذا مع جيراننا
امون بزياده وللاسف تقدمو لي ولدهم يصلي وعاقل
لاكن راتب 400!!
وشكل اقل من عادي !!
انا بدون تفكير رفضت وحطيت حدود
اني مو لاني اضحك ونفسي خفيفه خلاص برضى باي شخص صرت قاسيه
صرت ماعطي وجهه صرت انسانه ثانيه
ماسولف ماضحك علاقتي السلام اخباركم وبس
صرت بمعنى اخر نفسسيه والسبب امي
لما رفضت ولد جيراننا قومت الدنيا ورتني ايام
الله لايوريها لمسلم واحيانا القسوه بالكلام والتجريح
اشد من الضرب كنت اتمنى تضربني بس ماتجرحني
بالكلام واني عانس واني واني عشان تغصبني عليه
انا تعمدت اقاطع الناس وصرت شبهه نفسيه
بس عشان ماحد يتجرا يطق باب بيتنا ويخطبني
عشان الكل يبعد عني
عشان الكل يقولون هاذي ماتحب الجمعات
هاذي نفسيه
هاذي ماتصلح لنا
سوالي هل الزواج نصيب؟؟
تصدقون على كل اللي وضحو لي انهم بيخطبوني
يجيني شي اكرههم واكرهه اخوانهم وانا ماشفتهم حتى واجلس اتخيل انهم بيخطبوني عشان هبله راعية سوالف ونكت وعشان يحطوني تحت امرهم لاني اعرف هالناس يحبون الجمعات يحبون الناس الاجتماعيه
عشان كذا خطبوني خاصه كم مره اشوفهم يقولون ان مايحبون الناس اللي مو اجتماعين او مايسولفون
والله انا ذبحني الوسواس حارمه نفسي
من الوناسه والطلعات والسوالف والضحك
كل هذا خوف انهم يخطبوني انتم بتقولون عادي اذا خطبوك ارفضي هذا عندكم
انا للاسف ابوي وامي مخهم مقفل بالذات امي
وابوي وراء كلام امي من النوع القوي المسيطر
اللي هي تتحكم وهي تمشي رايهم علينا حتى لو بالقوه
وانا اتعب من اسلوبها معاي اسلوبها الجاف
واسلوب الاستفزاز اذا تقدملي شخص ورفضته
نفسيتي ماتتحمل التجريح والاستفزاز ابد اتمنى تضربني بس ماتجرحني
9
4K
يلزم عليك تسجيل الدخول أولًا لكتابة تعليق.

نعم غاليتي
الزواج نصيب هذا ما نعرفه تماما
الم نتعلم بأن هناك ملكاً يأتي و نحن في بطون امهاتنا
ليكتب كل شيء !
الونسه و الضحك مطلوبه
و هي تحبب الناس في بعضها و في تفضيلهم لبعض
و الخطوبة و الزواج هذا مبلغ معظم البنات
انتي قرنتي بينها و بين شخصية الخطاب
و هذا خطأ
فإن يخطبك اشخاص لا أهلية لهم و لا مركز كما تطمحين
لا يعني ان اصمت و اصبح مثل الجدار مع ان
في بعض الصمت حكمة و جمال
الا انك غلطانه في هذه النقطة
عادي ايش حيحصل لو خطبوك لشخصيتك الحلوة
و طلع الخاطب لا يملك مواصفاتك ؟!!
امك السبب ؟
انتي قلتيها يعني تعرفي شخصيتها فمؤكد تعرفي مفتاح
قلبها و هدوئها من وين !؟
خذي المفتاح و افتحي بابها
باسلوب هي تحبه
و كمان تعودتي عليها و على اسلوبها
يعني مافي جديد تخافي منه
فعيشي حياتك كما تحبين لا كما تصور لك افكارك
و لكن لا تطيحي الميانة بينك و بين اي شخص
فقوة الشخصية و الادب تفرض على من يتقدم
و يخطب ان يقدم كفؤ و له مكانة و مركز
لا حي الله رجل
و تعلمي
لا يهم الجمال او المال بالرجل بل
الاخلاق وحسن التربية و خذوهم فقراء تغتنوا
و تعلمي
بشخصيتك تفرضي امور تؤمني بها بدون التحدث بها
ووضعها شرط من شروط القبول بالخاطب
الان لا تفكري بغد و كوني باليوم
عيشي حياتك بسعادة و اكسري الجدار فنحن
لا نعلم ما يخبيء خلفه
و تعلمي من صبر ظفر ' لكن ..
كوني معه تعالى يكن معك و يحقق امنيات
دمتي بسعادة
الزواج نصيب هذا ما نعرفه تماما
الم نتعلم بأن هناك ملكاً يأتي و نحن في بطون امهاتنا
ليكتب كل شيء !
الونسه و الضحك مطلوبه
و هي تحبب الناس في بعضها و في تفضيلهم لبعض
و الخطوبة و الزواج هذا مبلغ معظم البنات
انتي قرنتي بينها و بين شخصية الخطاب
و هذا خطأ
فإن يخطبك اشخاص لا أهلية لهم و لا مركز كما تطمحين
لا يعني ان اصمت و اصبح مثل الجدار مع ان
في بعض الصمت حكمة و جمال
الا انك غلطانه في هذه النقطة
عادي ايش حيحصل لو خطبوك لشخصيتك الحلوة
و طلع الخاطب لا يملك مواصفاتك ؟!!
امك السبب ؟
انتي قلتيها يعني تعرفي شخصيتها فمؤكد تعرفي مفتاح
قلبها و هدوئها من وين !؟
خذي المفتاح و افتحي بابها
باسلوب هي تحبه
و كمان تعودتي عليها و على اسلوبها
يعني مافي جديد تخافي منه
فعيشي حياتك كما تحبين لا كما تصور لك افكارك
و لكن لا تطيحي الميانة بينك و بين اي شخص
فقوة الشخصية و الادب تفرض على من يتقدم
و يخطب ان يقدم كفؤ و له مكانة و مركز
لا حي الله رجل
و تعلمي
لا يهم الجمال او المال بالرجل بل
الاخلاق وحسن التربية و خذوهم فقراء تغتنوا
و تعلمي
بشخصيتك تفرضي امور تؤمني بها بدون التحدث بها
ووضعها شرط من شروط القبول بالخاطب
الان لا تفكري بغد و كوني باليوم
عيشي حياتك بسعادة و اكسري الجدار فنحن
لا نعلم ما يخبيء خلفه
و تعلمي من صبر ظفر ' لكن ..
كوني معه تعالى يكن معك و يحقق امنيات
دمتي بسعادة

lolo 110
•
الله يعينك على هالوسواس...تبعدين عن الناس حتى لا يخطبوك لولدهم!بالله هذي حالة...لا تتزوجين انتي حرة بس مو تقاطعين خلق الله عشان هالتفكير الغريب...وبعدين كيف تبغينه يجي هالمعرس وانت بعدت نفسك عن الكل..صار الكل مايعجبك حتجيك سنة تتمنين واحد بس يطق باب بيتكم الله يهديك....

fofo113
•
اسمعي يااختي خيالك ورزقك ماعليك من ناس الشي الي تبينه لاتطلبينه من ناس وتاخذي راي ناس اتجهي الى الله واطلبي الله مافيه شي لو تبين زي مستواك عادي ربك فوق كل شي وقادر على كل شي الذي خلقك وسواك قادر على ان يجلب رزقك سبحان الله ويكتبه لك الله قادر على حبة الخردل ياتي بها من بين الحجر اليس بقادر ان يجيب لك انسان زي ماتبين الله فوق كل شي في امره النون والكاف ...ولكن اختي اتجهي الى الله بالدعاء في جوف الليل واكثري الاستغفار وسترين العجبب والعجائب وتوكلي على الله ولاتحبسي نفسك اطلعي وعيشي حياتك《《وقولي يالله انك تجيب لي الي اتمنى والشخص الي يرضيني طيب ابن الحلال الي اتمناه 《《اطلبي ماشئيتي ان الله لايستحيل عليه مستحيل ورزقك بيد الله كاتب الارزاق وباسطها قبل ان يخلقك ..اسألي الله واحسني به الثقه والظن واللزمي الاستعفار والدعاء وابشري بالي تتمني ان الله لايحال عليه امر ولو كان رزقك في جوف الارض يخرجه سبحانه وتعالى..♡♡

الصفحة الأخيرة
يعني انتي ماراح تعيشين مع زوج لانك متطلبه لدرجة الخيال
وان كان ع جمال مافيه بنت اعتقد مب جميله
ويكون بعلمتس انا بسنك27 وتزوجت 21 وعندي ولدين وحمدلله ع النيات ترزقون