اشتقت لكل شيء لدرجه وصلنا اللحين مانتكلم بالبيت كلن ﻻهي بجواله

وعليكم السلام ورحمة الله وبركاته

جاتني العبرة :44:كل إلي إشتقتي له نفس إلي أشتاق له
أشتقت لطفولتي وللجو الأسري أشتقت لما أبوي كان بقوته ويضربنا عشان نذاكر
وأشتقت لخيزرانته كان يجيب أكبر خيزرانه بالسوق
أشتقت لأول كيكة برتقال صلحتها أمي ومهما حاولت أصلح من كيك ماوصلت لذيك الكيكة
أشتقت للعبنا بالشارع والأمان إلي كنا نحس فيه وقتها
إشتقت لأبله هيلة أول أبلة درستني ومانسيت ضفيرتها الطويلة
إشتقت للتميس زمان كان يجيبون إخواني مأكول نصه
إشتقت لمطعم جنبنا يصلح برستد قاسي ومحروق ويجي مقطع بكيس ورق
إشتقت لفساتين زمان وحشمتها في زمن كله تعري
وأشياء كثيرة أشتقت لها يمكن تشوفون أشتياقاتي تافهه والله تعني لي الشيء الكثير
لما أحكي لبنتي أم 12سنة عن طفولتنا تقولي يازين زمانكم ياليتني عشت فيه حتى الأطفال لاحظو الفرق بين أول وألحين

موضوعك مرررره يحزن أحس البكوه وصلت والله أني أشتقت لزمان أول صح الحياه تغيرت أول كل شي حلو والناس يحبون بعض ومافيهم تكبر مثل الحين

آه يا قلبي على أول وزمان أول عاد تصدقي انا افرفر في النت على كرتون زمان ومسلسلات زمان واي شي يخص زمان حتى شكل البيوت والحارات القديمه ، آه من قلب على الزمن الجميل اللي كل شي فيه له لون وطعم وحتى رائحه مختلفه ،العيداللي نترجى الفجر يطلع ونفز نغسل الحناء ونلبس ونتسابق ع السلام على اهلنا طمعا في العيديه اللي مجلس نحسبها ريال ريال ، ونروح نشتري والفلوس فيها بركه وملابس العيد اللي نتفرج عليها عشرات المرات ونحن فرحانين
وايام المدرسه والصديقات وكتابة الرسايل والمذكرات وتبادل مجلات ماجد والقصص
أيام كان رمضان له طعم واللمه الحلوه ونتفرج بكل براءه على الفوازير ونحن منبهرين
ولما ننام الساعه 11 نعتبر نفسنا اننا سهرنا ذاك اليوم موه الحين النوم بعد الفجر وعااادي ما نحس بالوقت
ايام اللعب في الحاره ودخول بيت الجيران بكل بساطه بدون جرس ولا إذن لان البيوت وحده
أيام النفوس النظيفه اللي تتشارك الافراح والاحزان بعفويه وبدون تكلف لانه يعتبر واجب وشي تلقائي موه الحين كأنه يتمنن عليك اللي يوجبك
أيام اللي ننتظر فيها الاجازه الصيفيه بفارغ الصبر ونجلس نكتب واجباتنا اللي غالبا تكون كتابة الدرس 10 أو 20 مره وما نعرف ولا نسأل عن الحكمه من هذا بس نكتب ونتخلص علشان نقضي باقي الاجازه في اللعب
أيش اقول الا انها ايام حلوه ولن تعود للأسف

ي ليت الزمن يرجع وننعم في بساطتنا،، اشتقت لأيام القريه اذا طلعنا فيها بالصيف مافيه كهرب بس مواطير من الساعه6 مغرب الى12 الليل الجو هادي وبارد واهلها قلوبهم ع بعض اشتقت للوادي -مزرعه- وصوت المويا وهي تجري مع اصوات الطيوو والضفادع  صح نسيت اشتقت لصوت الكلاب هههه امزح  والله تخوف
ايام القرررررريه لاتعوض ي ليتها ترجع لانها عااافيه بكل شي حتى جوها صحي