اول شي حابه انك ترجعي وتكتبيلنا الي صار معاكي بهذي الفتره
وهل اتغيرتي او لا؟؟

اختي اطفالك مافيهم الا العافيه

وبلاش تقولي عنهم ان مستوى ذكائهم دون المتوسط

انتي هيئتي لنفسك هالفكره وعلى اساسها بتتصرفي معاهم بأسلوب غلط

كل الحكايه انك تحبي تقارني بين اولادك واولاد غيرك

وهذا مو منطق ابدا

لان الاطفال قدرات

لا تغتالي ذكائهم وفطرتهم وبراءتهم بأسلوب الضرب والقسوه والمقارنه

الاوان مافات لسى

تقدري تغيري اسلوبك معاهم وتقدري تخليهم احسن الناس

بالصبر والحكمه

وطولة البال

ولو كنتي عانيتي وانتي صغيره من الضرب والقسوه رجاءا لا تذوقيهم من نفس الكاس

بالعكس

اغمريهم بحنانك وحبك وعطفك

انسي شي اسمو مقارنات ترا المقارنات بتولد الحقد والكره بين الكبار فما بالك بالاطفال الصغار

معليش راح تتعبي في البدايه بس اتذكري دايما انهم اطفال ابرياء اعمارهم لسى صغيره

مهما كان الطفل شقي ومايسمع الكلام او يعاند او متعب اهله في الدراسه يضل اسمو طفل بريئ

الان احنا في اخر السنه لا تضغطي عليهم

والان دور انك تصلحي الي خربتيه

اتاكدي ان الطفل مستحيل يعطي اذا كانت نفسيته محطمه

ابدأي الان بأصلاح خطأ ضربك لهم وقسوتك عليهم

اعرف تماما انك ندمانه

وهذي بدايه ممتازه عشان تحلي المشكله

حاولي في هذي الفتره بس انك تحسسيهم بحبك وحنانك عليهم واحتضانك لهم حتى ولو كان مستواهم الدراسي متأخر

ولا تقولي الطفل ما يستجيب

الطفل اصلا ما يستجيب غير بالحب والاحتواء

رجاءا اصبري عليهم و وحافظي على النعمه الي بين ايديكي

اهم شي صحتهم وعافيتهم وانهم يكبروا وهما واثقين من نفسهم ويكونو سالمين من الامراض النفسيه

واتأكدي انك لما تقارني طفل بأخر انتي هنا بتدمريه

وترا مو ضروري يكونو اولادي زي اولاد فلانه

اهم شي القناعه الداخليه والرضا

ولا تحملي نفسك وتحملي اطفالك فوق طاقتهم

ربنا خلق بني ادم مختلفين بكل شي حتى في القدرات

لازم تستوعبي هذا الشي

ابدأي بنفسك اولا

انتي فيكي الخير بدليل كتابتك للمشكله وندمك

وصدقيني سواء انا او اي وحده ردت عليكي لا تتوقعي ان عمرنا ما خاصمنا وضربنا وعصبنا

بالعكس احنا بشر نغلط ولنا قدرة تحمل محدوده

وماندعي المثاليه ابدا

لكن نحاوب بقدر المستطاع ان نتحكم ونسيطر على انفعالاتنا ومانتركها وسيله للتنفيس عن الي مضايقنا او زعلنا

وعليكي بالصبر والصلاه والدعاء

ولا تنسي تحصين اولادك دايما وعوديهم كمان على هذا الشي

وزي ما قالولك البنات التشيجع والحماس والحب والحنان راح يعطيكي النتيجه الي تتمنيها واكثر كمان

واطفالك امانه عندك

لا تخليهم يكبروا وهما يعانوا من الامراض النفسيه

احميهم واعطيهم الامان والثقه

لازم يحسوا بحنانك

حتى وهما نايمين روحي عندهم قربي منهم خليهم يحسوا بحضنك ولمساتك الدافيه


احتويهم احتويهم احتويهم

والله مافي احلى من شعور الام لما تكون وسط اطفالها وشايفتهم قدامها بصحتهم وعافيتهم

بغض النظر عن اي شي ثاني

وابعدي عن العصبيه هيا سبب خراب البيوت

تخيلي لو صار فيهم شي لا قدر الله ايش راح يكون وضعك

طيب ترضي انهم يتعرضوا لمرض نفسي من تأتأه او خجل زايد اوعزله ووحده او عنف

او اكتئاب

....................................

شوفي هالكلام نسخته من احد المواقع:



أمراض الأطفال النفسية


الاضطرابات العاطفية ، القلق ، الخجل ، الميل إلى البكاء والحزن . وقد تظهر على شكل أعراض جسمية كالاستفراغ (التطريش) والإسهال واضطراب النوم والشهية أو السمنة ، وتناقص أداء الطفل في المدرسة .


الاكتئاب النفسي وقد يظهر باضطراب في السلوك .

الخوف المرضي .

الاضطرابات التحولية أو ما يعرف ( بالهستيريا ) .

الوسواس القهري .

الاضطرابات العقلية كالفصام والهوس .



أمراض الشخصية ، كالشخصية التجنبية والشخصية المعارضة التي تتسم بالعصيان والتمرد والعناد وإثارة الآخرين.

اضطراب السلوك كعمل تصرفات غير لائقة مثل انتهاك حقوق الآخرين والتخريب وإشعال الحرائق والسرقة والهروب من المدرسة واستخدام الكحول والمخدرات .

ظهور بعض العادات الغير مستحبة كمص الأصابع وقضم الأظافر ونتف الشعر ولمس الأعضاء التناسلية .



مشاكل النوم بأنواعها .

التبول الليلي والتبرز الليلي .

فرط الحركة وتشتت الانتباه .

اضطرابات الكلام والتأتأة .



..............................................

اخر نقطه حابه اضيفها شوفي مواهبهم والشي الي ممكن يبدعوا فيه ونمي هذا الشي فيهم

لا تقولي كلام فاضي

بالعكس هذي بدايه تقوفهم ونجاحهم

ومو شرط لو كانوا متاخرين دراسيا انهم يكون متأخرين في كل شي

شوفي مثلا العالم الفيزيائي انشتاين

كان يعاني وهو صغير من تأخر النطق وقلة الاستيعاب والخجل

وكان عرضة لسخرية زملاءه في المدرسه

واتعرض للرسوب في مادة الرياضيات

وكان اهله فقراء

وتتوقعي بعد كل هذا كيف صار عالم في مجال الفيزياء

تتوقعي امه ضربته وهزأته وقارنته بغيره

العكس تماما

وقفت بجنبه وكانت تسانده وتقوي ثقته بنفسه وتشجعه نفسيا معنويا

بعد كذا اهتم فيه اعمامه علميا

لكن اتأكدي ان امه هيا الاساس

واخيرا رجاءا شيلي من بالك فكرة ان اولادك ذكاءهم دون المتوسط

انسيها تماما

لا تفكري بهذي الطريقه ابدا

لو فضلتي تفكري بهالطريقه صدقيني ما راح يتغير شي الا للاسوء

..........................

وحابه اعلق على كل وحده سبت ولا شتمت ....هذا مو اسلوب انك تعالجي الخطأ بخطأ اكبر منه

هيا صحيح غلطت بس حاسه بالذنب وتعذيب الضمير

هيا طالبه المساعده

ما نبغا نزيدها عليها

نعطيها حلول

بدون انتقاص او شتم او استهزاء

انتي كذا بتزيدي الطين بله وتكسري بخاطر انسان طلب مساعدتك وقفتك جنبه

..........................
ادري طولت بكلامي بس والله من حرقة قلبي
عليكي وعلى اطفالك

نتمنى نسمع عنك اخبار طيبه دايما
ولاتنسي تطمنينا
.....................

بالعكس الاطفال اذكى منا بكثيييييييييييييييييييييييييييييير لا كن لازم تعطينهم الطريقه المناسبه في الحفض في اطفال من كثر مايخافون من الاهل مايركزون معاه طول الوقت وتفكيرهم في الخوف من الضرب لا شجعيهم واعطيهم شوكلا وقولي اللي يحفض اعطيه وشوي شوي خلاص انا اعطيك مثال على نفسي مدرستي يوم كنت صغيره والله ماتتحمل احد لدرجه اكون حاااااااااااااااافضه ولما تجي تسالني والله اصير اغبى مني مافيه طول الوقت تفكيري في يدها متى تضربني وتضيع علومي كلها

اه ذكرتيني فيما مضى كنت أعذب اخوي عشان دراسته ياني كنت أهزئه وأطقه طق << والله اني متحسفه وأنقد على عمري ومتندمه بس بعد ايش لما اروق واخلص تدريسه المشكله انو ابوي كان لما يشوفني ادرسه واصارخ عليه ما يقول لي شي يمر وهو يبتسم ويثني عليه ويشجعه عالدراسه لانه يهتم بالدراسه وكان يستانس اني ادرسه واهتم فيه وانا مستلمته طق يوووه اتذكر لما كان يبكي وهو يكتب والدموع تنزل عالدفتر ويتوسخ وخذ يا تهزيئ وطق والله اني مجرمه يا ليتهم فكوه من تدريسي وصراخي عليه لاني دمرت شخصيته وصار يخاف مني هو اللحين شاب بس لي اللين يخاف مني بالدراسه حتى اذا جاب شهادته ونازله درجاته يقول ضاعت

لا تضربينهم عشان ورق خليهم يذاكرون لو نص ساعه ترى عادي حنا يوم كنا اصغار محد يذاكرلنا بس اذا نجحنا عطونا نجاحه ها مشاء الله علينا متخرجين من الجامعه ولا تعبي نفسك بضرب مارح يفيد غيري طريقت المذاكره لهم

الله يساعدهم عليك ويعينك عليهم
شوفي حبيبتي المذاكره يبيلها طولة بال
انا كنت أدرس أخوي والى الحين مستمره بتدريسه
بس في البدايه كان كومة غباء فيه مايحفظ ويقطع القلب وأنواع التكفخ بس في نفس الوقت اتحسف وأقول حرام علي أهو صغير مايفهم
وذكر قول الله تعالى " ألهم أيدي يبطشون بها "
والله مانام الين أروح أبوسه وهو نايم
بس حاولت اغير أسلوب تدريسي
خليته يجيب طاوله خاصه للدراسه ودفتر تحضير خاص فيني أشرح له فيه وحاول ابسط له كل شي عن طريق الرسم كلما عرف أكافئه بحلاوه صغيره والله انه يفرح فيها والحروف أخليه يحفظه ويكتبه وجيب له أشياء تبدء بنفس الحرف
مثل حرف س أجيب له سياره
حرف ش أجيب له شمعه
وهكذا على حسب الحرف أجيب له شي الله يخلي بريالين وبريال
طبعا" كل هذا له حتى لما أسأله وراجع له يعرفه على طول يقول الشي مع الحرف ويعرف يكتبها بعد ويرسمها
فهنا لصق في باله وتنفتح افاق جديده للولد بس الضرب يفقده الثقه والخوف والارتباك وعدم الاتزان بيقول بينه وبين نفسه انا ماعرف دام الماما تقول عني غبي يمكن انا صحيح غبي
ودايما " أثني عليه وكافئيه نهاية الأسبوع
وحاولي تكونين معلمه في البيت صححي الورقه وكتبي عليها عبارة تشجيعيه
اشتري الأقلام الملونه التي تجذب الأنتباه الوردي البرتقالي والورق A4 الملونه
بس يعطونه حاجه جديده كتبها في A4 بشكل مختصر وعلقيها قدامك عشان تكررينها له ويشوفها ويذكرها دايما "
التكرار يعلم الشطار
ولازم يكون نومهم صحي وأكلهم صحي وفطورهم صحي
تجنبي توكلينهم الجبن بكثره بذات الصباح لأنه الجبن يغبي
كثر لهم الزعتر في الصباح مع ملعقة حبة البركه
والله اني اعتبرتك أخت لي لأني مريت بهذي التجربه وصلحتها الحمد لله
لأني أسوي كل الي قلته لك
والحين الولد ماشالله عليه بخامس
والحمد لله ماشي حاله
بس قبل ماتبدين بكل هذا تروحين لعيالك تعتذرين منهم وتقولين لهم أنا أحبكم عشان كذا اضربكم ابيكم تصيرون شاطرين
عشان اعملكم كل حاجه تبونها بس لازم انتو تسمعون كلامي
وبالتوفيق وطمنينا عن النتايج