انا اعاني من مشكله

السلام عليكم ورحمة الله وبركاته

ياهلا ... والله يا خواتي انا اعاني من مشكله .. من تقريبا سنتين ظهرت في وجهي حبوب غريبه وانا الحمدلله ما اعاني من الحبوب .. ولا اكل الشكولاته ولا اتعرض لشمس كثير بس
فجاءة ظهرت هذي الحبوب بشكل كثيف على الذقن والخدود والصدر ونصحوني بان احط المرة مره في اليوم وفعلا استخدمتها رغم ريحتها المزعجة بس شو اسوي ماشي فايده .. بعد مانفعتني المره وقالت لي الوالده يمكن عين .. وفعلا بعد تفكير في اللي ممكن يضربني بعين اكتشفت انه احد بنات الجامعه هداها الله كانت قد قالت لي شو انتي مايظهر في ويهج شي ابد على طول .. صافي .. واذكر اني رحت للبنت وقلت لها اذكري ربج وتصدقون انها قالت لا انا مافيني عين .. وبعدين شفت انه الحبوب بدت تخف وخاصه اني رحت لدكتورة
جلديه وعطتني غسول للوجه وحبوب ومضاد وفعلا بعد ايام خفت الحبوب بس ظلت اللين اليوم تظهر لي حبوب في الخدود والصراحه ماتم اكثر من يومين بس تخلي اثرها واضح انا استخدمت من فتره كريم كليرسيل لازاله الحبوب ونفعني بس المشكله اللي خلفها هي الجفاف في هذه المناطق احط كريم مرطب بس اخاف ترجع لي الحبوب ..

اللحين استخدم صابونه نيتروجينه بس ومرات احط كريم يوليه المرطب .. ها وش تنصحوني فيه??
ياريت اي وحده منكم عندها اقنعه لترطيب البشره .. تقولي عليها !!