انا العروس وزوجي خاين؟؟؟ كيف اتصرف معاه؟؟؟ والله كرهته

مرحبا بنات
انا العروس تزوجت من خمسة اشهر
الحمد لله مبسوطة مع زوجي ومرتاحة وطبعا لا يخلو
الامر من شوية بهارات وصلصات<<<<مشاحنات واختلفات >>>زعل
زوجي خاين واكبر خاين زوجي الخيانة تصب منه صب الخيانة هي زوجي
خان سنين عمري الي ضاعت وانا انتظرة حتى يجمعنا بيت
خان الحب الي جمعنا سنين وشكلة بيفرقنا بيوم
خان الورقة الي فيها اسمي واسمه
الخاين الحقير المنافق
لا تلوموني يا بنات الي شفته اكثر بكثير اني اتحملة
يقول لي حبيبتي اي حبيبه بينهم
يقول لي حياتي اي حياته وفي حياته بنات و بنت
يقول لي عمري اي عمر عمري الي ضيعته معاه ولا الي باضيعه معاه
خلاص انا انتهيت مصدومة مخنوقة
امس شوفت الخيانة بعيوني
ترك الجهاز مفتوح وبحسن نية فتحت الماسنجر باكلم اختي
لقيت البلاوي كلها قدامي
لقيت اسماء بنات ونكات نيم لبنات
سارة وتماضر وهند وليلى رنا لينا سهى صالحه
بنت واو بنت كول احلى من القمر جواهر الماس
انصدمت معقولة فتحت الايميل
وبينتهم رسايل بعد خلاص خلاص خلاص
يدي تشنجت تيبست وعيوني حمرت دمعت ونفسي ضاق ضاق
اختنقت
ليش يسوي كذا ؟؟؟؟؟
والله حرام والله حرام والله حرام
احس اني ما استاهله لاني استاهل واحد اطهر منه
احس اني كثيرة علية وانه ما يقدر الجوهرة الي معاه
احس بطعم الخيانة المرة والريحة العفنة
كل ما تذكرت اسمه تذكرت شكلة كرهته
كرهته قدما كنت احبة كرهته من اعماق قلبي
بنات قولولي كيف اتصرف معاه
ساعدوني مالي الا الله ثم انتم
انا في غربة وما احد يواسيني يخفف عني يمسح دمعتي
ادعولي ادعولي ادعولي