اول حاجه اختك شكلها الفلوس كثير بيدها تقدر تجيب وتسوي وتعمل من وراكم

واكيد في سواق تخرج على كيفها بالمدرسه

وهذا هو الغلط الحرمان والمراقبه من بعيد

خلوها تخرج معاكم لمناسبات وتغير جو ..وكمان شغلي اشرطه توعية دينيه ..وخليها تصلي وربي راح يهديها

وانتي خلاص لاتسوي بنفسك كذا ..سوا جمعه بالبيت وخليها تساعدكم وتشارك

وادعي لها بالهدايا

واذا تزوجت راح تعقل

ربي يهديها

اختى عليك بسهام الليل الدعاءوحاولي تجلسين معها وتكلمي خليها تطلع اللي عندها يمكن مغصوبه ولا احد يهددها

الله واعلم يمكن اختك مدمنه ,,,بتصوري الحاله ابد مو طبيعه ,,والبنت الطبيعية بتخاف وبتستحي وبتحس بالذنب وهي بتظل تبكي حتى من غير تضربونها .,,اما اختك بايعتها وفي احتمال انو الشباب بيعطونها حبوب وهاذي طريقتهم عشان يضمنون تظل البنت معاهم وتحت رحمتهم
ويمكن اختك لهفتها ع الطلعه بسبب التعاطي ومو قادره تتمالك نفسها ,,ودوها لمستشفى الامل وحللوها ,اذا كانت مدمنه فعلاجها الشفاء من الادمان

اما اذا لا فجيبوا احد تعرف انو عند كلمته ابوك مثلا خليه يقول لها من باب التخويف -اطلعي ولكن اعرفي انو مارح ترجعي للبيت مره ثانيه ولا راح يستقبلك احد فينا ,,الشباب يومين ويملون منك ويرمونك بالشارع

وبعد التخويف ,,حاولو تعرفون السبب اذا ماكنت مدمنه ع حد ظني فاكيد في سبب اخر يمكن يكون عندكم مشاكل صعبه في البيت تحاول تهرب منها

وبسألك سؤال اختك لما تطلع مع الشباب تعمل الحرام؟؟ اذا كان نعم فانا اراكم مره متساهلين معاها لأنها ممكن ترجع لكم حامل!!

(واحس ان حياتي انا وخواتي وامل الزواج عشان نرتاح من ظلم اهلنا واستعبادهم لنا تحطم)لاحول ولاقوة الا بالله نص العبارة السابقة يفيد انكم واقعين في ظلم وقهر وهي ربما اكثر وحدة استشعرت القهر والظلم فالناس استقبالهم لمشاكل الحياة وردود افعالهم تتباين حسب تكوين وتركيب الشخصيه اكيد تعاني من فقدان حنان من فقدان امان لاتوجد تربية دينية قوية من الصغر
البنت محتاجه احد يحتويها يعطف عليها يتحاور معها يشغلها بشي مفيد ربما في البداية كان الموضوع زله غلطه كاي انسان يغلط لكن نمط حياتكم وعلاقاتكم مع بعض ربما هناك جفاف عاطفي مهووول هي تعانيه بالأضافة الى سذاجه مما جعل تفكيرها وردة فعلها غير متعقلة لأنها تنظر للأمر خسرانه خسرانه خلينا نخربها لم تجد شيئا يدفعها ان تتغير 00لم تستحي من فعلتها لأنكم قاسيين وحاسه انهاخسرانه وهي جالسه معاكم يكرهوني خلاص انفضحت مافي فايده بالأضافة الى وسواس قهري للخروووووووج من البيت هي تتصور انه الحل وانه الراحه مثل شارب المخدرات يعلم الضرر ولكن لايستغني عنه 0000الخلاصه اختك الآن تعاني والله اعلم من وسواس قهري يلح عليها بمكالمة الشباب بالأضافة الى جو البيت ردود الأفعال الهوان اللي عاشته الأحباط اللي تعانيه الفراغ الجوع العاطفي الشديد 00بالأضافه الى سماتها الشخصيه ولعل التمس انها ساذجه وعنيدة 00هي تعاني من حالة نفسيه وليس مرض بمعنى مرض هذا من خلال وصفك للمشكلة حالتها هي احبااااط شديد ووسواس قهري يدعوها الى الهرب وخاصه انكم تعاملتم معاها باسلوب الحبس والأهانه وايضا لم يحدث اي جديد في الحياة لديها 000تحتاج الى اخصائية نفسية متمرسه وافضل تودونها في مستشفى خاص وليس حكومي 000ملاحظة انا قلت اخصائية نفسية وليس طبيبة 00تعالجها من الأحباط وكمان الرقيه 000ولو تعرفين داعية فاضلة تتكلم معها 000وهناك احتمال ان يكون بها مس من الشيطان احتماااااااال وارد جدا جدا
المهم لابد ان يعمل لها برنامج متكامل
رقية +اخصائية نفسية ممتازة +برنامج (اشغال وقت فراغ ) تتعلم اي هواية هي تحبها + تختلط لو امكن صديقة صالحة + لاباس من ايقاف الدراسه مؤقتا فترة العلاج مع اخبارها بذلك ترتاحين +اشعارها بحبكم لها وخوفكم عليها غيرورا نظرتكم لها تعاملوا معها على انهاتمر بمحنه فلا تعينوا الشيطان عليها بفرض عقوبات وحلول اثبت الواقع عدم جدواها +حاوروها بحب وباقناع وبهدوء +كلموها عن المستقبل كلموها عن الدين والحياة والموت ولاتكلموها باسلوب الناس الفضيحه وسطهم + كلموها عنها هي

اولا جيبوا لها شيخ يقرأ عليها واذا مافيها الا لعانه شوفوا لها من دور التأهيل وبدون ما ااحد يدري الين يركز لها عقل

والله مو مقطع قلبي الا ابوووووووك وكسرة نفسه الله يكون في عونه قهر الرجال مو بسيط الله يجازيها على قهر ابوها ان كانت واعيه للي تسويه