انا اللي حملت ونزل معي دم بني

قبل كم يوم يا بنات كتبت لكم موضوع اني حامل 8 اسابيع الحين صاروا تسعة ونزل معي دم صار لي الحين خمس ايام ينزل كان لونه بني والحين صار احمر وكميته قليلة بس مو مرة قليلة ومعه خيوط دقيقة
المهم انا رحت اول ما نزل الدم المستشفى و عملت لي سونار وقالت كيس فاضي وما نقدر نحكم انه فاضي لان يمكن الحمل حدث متاخر فلسا الجنين ما بين
يوم ثاني عملت مرة ثانية سونار بس دكتورة ثانية وقالت برضو الكيس فاضي وسالتها يمكن الحمل حدث متاخر فقالت اذا انك سويتي تحليل حمل بعد تاخر الدورة بعشر ايام وطلع النتيجة ايجابية معناتها ما حدث متاخر وعمر الحمل المفرض ماشي تمام بس اللي صاير انو ما فيه جنين وحتى الكيس حجمه مو حجم ثمان اسابيع بل انه خمس اسابيع وفاضي
وبالنسبة للدم عطتني حبوب عشان يوقف وما وقف
عملت لي الدكتورة تحليلين هرمون الحمل كل واحد في يوم عشان تشوف النسبة وطلع في المرة الاولى 24000 والمرة الثانية 27000 تقول هي زادت النسبة بس مش الزيادة الطبيعية يعني المفروض يتضاعف الرقم مو بس يزيد 3000 وهذا يدل ان الزيادة اللي صارت مختصة بكيس فقط ولو فيه جنين كان بيزيد اكثر بواجد
قلت لها طيب والحل
قالت نصبر عليه الى الاسبوع الجاي يوم الاحد ( هالكلام امس الاربعاء) ونعمل لك سونار مهبلي عشان نتاكد هل فيه جنين او لا بس 90 % مافيه جنين وانتي هاليومين راقبي الدم اذا نزل الكيس خلاص تعالي بس نتاكد ان الرحم نظيف واذا ما نزل معك الكيس نعمل لك عملية تنظيف

انا خاااايفة بصراحة وابيه ينزل من غير عملية وش رايكم وش الاشياء اللي اشربها عشان ينزل ؟؟
وهل ممكن يكون فيه جنين بعد الكلام اللي قالته ولسا ما تكون او متخبي هنا والا هناك :(
ومن الي عمل عملية تنظيق طمنوني صعبة والا سهلة وكيف يعملونها تخدير كامل والا وشو وشنو طبيعتها ؟
والسونار المهبلي بعد يخوف من جربه وكيف يعملونه وهل يعور؟؟

طمنوني بنات تكفون وادعوا الله يعوضني خير يارب