انا مستغربه من شي واحد من خلال ردودك عليها تقولين عدوات الزوجه الثانيه طيب صاحبة الموضوع زوجته الاولى وهو تزوج الثانيه وانتي تنصحينها بالرجعه يعني ماشوف احد معاديها والا جاب طاري زوجه ثانيه لانها اساسا تعتبر الاولى

فرج الله همك

حاسسه فيك ..انا مطللقه وزوجي ملك
والله للحين نار بصدرري مع انه وراني نجوم الليل بعز الظهر
وعلى قولتك بيعيش التفاصيل مرة ثانيه مع وحده غيرري.والمشكله بينا ولد
حااسه فيك وانصحك برجعه..بس خلي الحرمه على صوب هي وحده تزوجت تبي الستر
ومن ترك شيء لله عوضه الله بخير منه

حبيبتي استخيري من الان ليوم الاربعاء انك ترجعي لزوجك لكن نصيحه لك 
اتركي الكيد وانا والله حاااسه فيك واعرف انه قلبك بركااان لكن تذكري الايه (فإذا الذي بينك وبينه عداوة كانه ولي حميم ومايلقاها الا الذين صبروا ومايلقها الا ذو حظ عظيم )
فكري بعقلك مو بعواطفك ولو مقدار الحب اللي بقلب طليقك لك
 مقدار حبك له كان عاااف النساء وماتزوج الين مايرجعك 

أكثر شي شدني في موضوعك
هو اسلوبك في الكتابة
ووصف علاقتك بزوجك وحبك له
وحبه لك
اسلوبك جميل أختي
ودفاعك المستميت عن زوجك


انتي الآن لابسة نظارة الحب الي تغشي عينك عن الرؤية الواضحة السليمة

والغيرة اشتعلت بقلبك
طاقتك الخفية قد اثيرت
وانا واثقة انك قادرة على تغيير
رأي ابوك وترجعي لزوجك

لكن لا تكوني مندفعة وتقعي في
الاخطاء
زوجك خلاص تزوج وعايش شهر العسل
مع زوجته الجديدة
لا توهمي نفسك
ان انتي حبه الوحيد
وما راح يحب غيرك
زوجته الجديدة من حقها الحب والحنان والعطف
ومن حقها تعيش معه شهر العسل
مثل ما انتي لما كنتي على ذمته ذقتي معه العسل
تواصلك معه حالياً حرام شرعاً
وغير انساني
انتي كذا تضري انسانة في بداية حياتها الزوجية
هي مالها ذنب بمشاكلكم
انتي مشكلتك مع ابوك وطليقك
حلي مشكلتك مع ابوك اولاً
وبعدين ارسلي واحد من الرجال يكلم طليقك في رجعتك
زيارة طليقك لبيتكم عشان يرجع ما منها فايدة
اذا ابوك لسه راكب راسه ومعاند
حلي المشكلة مع الوالد
واتركي بنت خاله تعيش احلى ايام عمرها
ولما ترجعي الابو بنتك
رجعي في بيت جديد
واثاث جديد
ولا تحاولي تكيديها
او تبيني لها ان ما في القلب الا غيرك
انا احس ان زوجك رضى ببنت خاله الان حس انك ما وقفتي بوجه اهلك وحاربتي عشانه

الشيطان يخليك تتمسكي بالتواصل معه ويوسوس لك من باب الغيرة

اغلقي باب التواصل
هو محرم عليك وما يحق لك تكلميه وتراسليه في نص الليل
والمسكينة نايمة جنبه ومستغفلينها
وانتوا جالسين تعاتبوا بعض عتاب الاحبة

وركزي كل طاقتك في المحاولة مع الوالد

وان شاء الله ترجعي لزوجك وابو بنتك دام هذه رغبتك
بس لا تحطي ببالك انه يطلقها او تحرضيه على طلاقها
الان مثل ما انتي ام بنته
بكره هي راح تكون ام ولده او بنته

وحالياً هي زوجته وانتي طليقته
ابتعدي عن حياته ولا تخربي حياة بنت خاله

ولما ترجعي له يكون لك حق فيه مثلها

الله يجمعك بطليقك على خير ومودة والله لا يجيب الفرقا