المفروض من الأول وقفتيه عند حده
بس خلاص اللي فات مات
اجلسي معاه قدام امك وامه قولي انت دايم مقصر معاي مصروف وما تصرف علي
ضرب وتضربني
بس عاد من الحين ارجع بشروط
لو رجعت لعاداتك الأوله راح ابعد عنك
وانتي اذا رجعتي خليك جديه ورسميه الله يسعدك ابعدي عن الرومنسيه شوي ترها خربت بيوت
وسالفة النت صارحيه فيها

استغفر الله..

حبيبتي انا لما جيت اتزوج قالتلي خالتي كلمه وقالت خليها دايما ببالك لا تعودي زوجك يمد يده عليك حتى لو مزح
والله هذي افضل نصيحه اخذتها الزوج اللي يتعود يضرب زوجته ماراح يحترمها طول عمره بنات الرجال ماينذلون ومدام ا بوكي على راسك الله يطول بعمره خليه يوقفه عند حده وانا متاكده لو تحكين ابوكي بكل صغيره وكبيره ماراح يرضى عليك اذا مابتعيشين عنده بكرامه بيت اهلك اولى فيك والحب اللي بمذله انتي في غنى عنه الله يسخر لك اللي فيه الخير

اذا ماثبتي موقف من الحين ترى بتنذلين وعيشتك معه ماعاد بتصلح الا بمعجزه ... حطي شروط وخلي احد عاقل من اخوانك او ابوك يتفاهم معه ... الضرب ممنوع .. ولازم يصرف عليك الدعوه مو سبهلله .. انتي الحين تتحملين بكرا حرام عيالك بيعيشون بضيم وقهر .. الله يفرج عليك يارب

حسبي الله ونعم الوكيل

اجلسي عند اهلك لين يصير رجال ويصرف عليكم وينتبه لكم
بنتك ماجبتيها من الشارع عشان تنحرجين تطلبين فلوس لاغراضها!!
بنتك شايله اسمه واسم اهله وعرضه
وانتي انسانه لك حقوق وتبين تعيشين زي الخلق
لو كان فقير ومحترم ويحبك كان قلنا اصبري ربي بيفرجها عليكم
لكن هذا ماعنده احساس مو راض يعترف بمسئوليته تجاهكم ويسب ويلعن
يهرب من مسئولياته للنت وسعة الصدر
احترق دمي لاحول ولاقوة الا بالله
بلغي ابوك بكللل شي وهو يتصرف