انا ام الجود وهذي قصة ولادتي

مساء الخير لكل من هنأ وبارك ودعواتي لكل الحوامل بالولاده السهله الميسره ،
وبالنسبه لكتابة زوجي للموضوع فأنا الي طلبت منه يبشركم لانه بصراحه ماعندي غيره
00 عاد ماأبي أطول عليكم وباقولكم قصة ولادتي :icon28:
في يوم الخميس 13_8 الساعه 12 ونص صباحا وكالعاده اذا جيت انام اروح لدورة المياه الا واتفاجأ بنزول دممممم كثير مني بدون ما أحس بشي وخرجت وقلت لزوجي وقالي اكيد هذي ولاده بس كان احساسي انه موعلامة ولاده المهم رحنا للطوارئ ولقينا الدكتوره المناوبه خشت علي لقت الرحم ماانفتح قالت لازم تسوون سونار علشان يبين السبب بس لازم نروح لمستشفى ثاني يكون فيه سونار في الطوارئ ودلتنا على احد المستشفيات الكبيره وطبعا الاولاد معنا في السياره ولما وصلنا شالوني على غرفة الولاده وقالوا انتظروا ساعه لين تجي اخصائية الاشعه وفي هالوقت حطوا علي جهاز التخطيط ولم جت الساعه 2 انخفض نبض الجنين مره لمدة ربع ساعه وخافت الدكتوره الموجوده وطلبت مني بسرعه اكلم زوجي يجي يوقع على العمليه وقاموا بسرعه كبيره يخلصون اجراءات العمليه وحده تلبسني وحده تحط المغذي 000الخ وانا زي الاطرش في الزفه9::confused:وشوي الاو الاخصائيه والدكتوره وصلوا وزجي وصل وفي هالفتره كان النبض تحسن وبعدين جابوا السونار وجلست الاخصائيه تقلب فيه فتره من ا لزمن والكل على اعصابه ومابين لها سبب النزيف لكن شافت المشيمه نازله شوي ، بعدين قالت الدكتوره لازم تجلسين تحت الملاحظه 24 ساعه اذا مانزل النبض لازم نولدك بطلق صناعي ، تنومت هاك الليله عندهم والله اعلم بالحال وكنت طول الوقت استغفر وادعي بالخيره حتى الساعه 12 الظهر جات الاستشاريه وشافت الوضع وقالت نفس الكلام ، وبعد اتفاق مع زوجي قلنا نرجع لنفس المستشفى الاول لان هذا غالي بالمره ( تخيلوا ها 24 ساعه اخذوا عليها 2900 ريال )
توكلنا على الله ولما وصلنا قالت الدكتوره المناوبه مافيه سونار ولادكاتره اليوم جمعه!! طبعا بعد ما خشت ولقت الرحم مسكر0 فأصر زوجي على دخولي وتوليدي
بعدين اتصلو بالدكتوره وسألوها عن رأيها فقالت نفس الكلام السابق طلق صناعي واذا واجهتهم أي مشكله عمليه 00 رفضت وماكنت مرتاحه ابد لهالموضوع وبعد اقناع من الدكتوره وزوجي وتذكيري بأن المشيمه في أي لحظه ممكن تنفصل وافقت :44:
، دخلت غرفة التنويم وكنت حزينه جدا ،اما زوجي رجع عند الاولاد وبدت رحلت المعاناه جت الدكتوره وحطت لي تحميله الساعه 4 العصر وراحت وجلست الى الساعه 8 مافيه اى طلق بعدين جت وحطت وحده ثانيه وراحت وبعد ساعه بدى طلق خفيف زي الي احسه طول التاسع الى الساعه 1 وجت للمره الثالثه الدكتوره وكان قبلها بشوي نزلت شوية مويه وعلمت الدكتوره وقالت خلاص اجل راح يجي الطلق مالها داعي وهنا ارتفعت المعنويه شوي وصار الوجع متوسط الىالساعه 3 بعدين اختفى والمويه اختفت والمعنويه تدهورت وطلبت الدكتوره علشان تشوف لي حل ولكن لاحياة لمن تنادي هيتتني الى الساعه 6 ويوم جت قالت انا ما اقدر اسويلك شي المشيمه عندك نازله ومايصلح نزيد التحاميل بس الساعه7 تروحين غرفة الولاده تكون دكتورتك مداومه ، انبسطت رغم الخوف وقلت خلاص الدعوه كلها ساعه اوساعتين واولد هانت :2thmup:لاني الولاده الي قبلها ولدت بطلق صناعي وكانت ساعتين بس المهم رحت امشي بعدين اخذت دوش دافي وطلعوني الساعه 7 0
واول ماطلعت حطولي طلق بالمغذي وبالكميه الي حددتها دكتورتي مرت تقريبا ساعه فيه طلق بس ما انفتح الرحم قامت الدكتوره وسوت لي توسيع بيدها (عاد تخيلوا الالم طلق وهي توسع ) المهم انفتح وصار 4 سم ،وظل على هالحال تقريبا 2 ساعه بعدين جت دكتورتي وقاست لقته 5 بس ما لقت الرأس لانه وضعه معترض بعد ماكان تمام ولقت المشيمه هي الي تحت مكان الرأس ،اضطربت الدكتوره وبين عليها الخوف وقالت زودوا عليها الطلق واعطتني فرصه ساعه اذا ما تعدل الرأس على طول عمليه ،وطلبت من القابلات والدكتوره يقومون بالواجب (وتعالوا شوفوا حالتي وانا كل شوي في حال مره افرح ومره اتحطم ) :(بعدها بشوي قامت الدكتوره الي موجوده عندي ووحده من القابلات بمحاوله الله يجزاهم بالخير وهي ان وحده تخش من تحت وثنتين يعدلون من فوق وانا ان ادف زي ما ادف وقت خروج الرأس المهم مشي الحال وضبطت المحاوله والحمدلله بعد ساعه جت دكتورتي على الوعد واتفاجأت لما لقته متعدل وقامت وفتحت المويه وبرضه ارتفعت معنويتي وقعدت ساعه وهم يزيدون بالطلق لحد ماصار 8 بعدين 9 وانا والله يابنات اتعذب نفسيا وجسديا وفي النهايه جاء وقت الدف الاانا وصلت حدي من التعب والالم من يوم الخميس لااكلت ولانمت كله علشان هالعمليه يبون يصوموني فكنت هرياااااااااااانه قامت دخلت الدكتوره يدها وساعدتني بخروج الطفله الساعه 11و45 دقيقه كملوا شغلهم من تنظيف وخياط وانا مابغى الا شي واحد اني اسكر رجولي وينقلعووووووون عني البنت جابوها يدوب قدرت اناظرها وكنت ابكي وارتجف وحطوا علي 3 بطانيات ومافاد وتقيس حرارتي وتلقاه مرتفعه ، المهم خلوني نص ساعه وخرجوني الازوجي واقف عند الباب يبارك ومبسوط ونزل معي لغرفتي ولما حطوني على السرير هاتك ياصياح ومن قلب:icon33::icon33::icon33: وما قدرت اسكت احس بحزن فظيع وصعبانه علي نفسي واولادي وعندي رغبه شديده بالبكاء حاول زوجي يهديني وقام يقرأ علي ومافيه فايده بعدين طلع وقال ارجع لما تهدي0
حبيباتي هذا بالنسبه لقصة الولاده اما الاشياء الي استفدتها والاخطاء الي ماراح اكررها مره ثانيه ان شاء الله والمفارقات الي حصلت بالقصه بااوافيكم فيها قريبا في نفس الموضوع لان بنتي الحين تبكي وانا محتاسه 0