انا بستخف من بنتي خلاص

مرحبا السلام عليكم


انا عندي بنت عمرها 3 الا ، كتبت عنها مواضع كثير
متعبتني بشكل مو طبيعي جننتني خلاص هسترت منها
ماترضى لا تلبس ولا تاكل ولا تغير ولا تسوي ولاشي مثل الشوكه بالبلعوم وبس تصارخ الليل والنهار وتعاند من جبتها لهدنيا مارتحت معاها ولا يوم مارتاح الا اذا راحت عند اهلي او سافرت عنها وديتها دكاتره وديتها حريم مافاد فيها وكلهم يقولون بخير وانا احس ان فعلا هذا طبعها من اول يومين بالدنيا لها وهي بس نكديه وصياح
يعني اسوا شخصية طفل ممكن تتخيلونها بالحياة ؟ بنتي اسوا منه بمراحل ..
بنات انا صرت ادعي على نفسي وساعات عليها ليل نهار وافكر جديا انتحر البنت ماتنطاق انا عندي اطفال غيرها ومتعبيني بس مو مثلها والله العظيم ماشفت مثلها وغصب تبي تنام بسريري وهي عندها غرفه وسرير وعندها سرير بغرفتي بعد وجنبي بس مصره تنام جنبي وانا مابيها تتعود وهالشي طفشني وزود على انها ناشبه فيني وين ماروح تكرمون حتى دورة المياه تقعد لي عند الباب
وفيها عنف وعدوانيه مب صاحية خصوصا مع اخوها اللي اصغر منها تتسلط عليه بشكل مو طبيعي
هي ماتفارقني ابد وماعليها نقص هدايا والعاب ودلال وحب وحنان ابد مافي قصور بس البنت حنانة زنانة تجلس تعيد وتزيد بالحكي ماما ابي كذا ماما ماما ماما ويكون الشي غلط مثلا !! ليييييين ما اكره عمري
قطعت عنها كل الاجهزه ، استنفذت كل حلولي والله العظيم
انا ما ابالغ ويمكن ماتحسون فيني بس انا خلاص خلاص خلاص بنهبل امس حطيتها بفراشها اقسم بالله بكت 4 ساعات متواصله متواااااااصله بدون انقطاع على بكيه وحده يعني والله عجزت عاملتها بالطيب بالقوة بالمسايس بالتحفيز بالعقاب شغلت القران والرقيه سويت كل شي خلاص ارشدوني انا اختكم ولا ادعولي لاني صرت اضرب نفسي منها واصارخ وابكي من تصحى لين تنام وهي متعبه قلبي