انا تافهه وماعندي ثقه بنفسي

شفتو يابنات كيف معانتي صرت اعتبر نفسي تافهه بنات انا من جد تافهه كل همي البس والطلعات طبعا انا مااحب طلعات العزايم كثير بس احب ادوج بلاسواق والمنتزهات واحب الملابس بشكل جنوني والله احيانا ارحم زوجي واقول بخفف بس مااقدر مع اني يابنات انا اشتري لبس رخيص يعني مااهتم ماركه او غيره اهم شي انه حلو يعني اطقم تيور بميتين او ثلاثميه حدي وكثير اطقم بارخص من كذا بس اشتري بكثره
والمشكله الثانيه ماعندي ثقه بنفسي احس كل الناس يلبسون احسن مني واشكالهم احلى مني وانا اقل الناس كلهم ولي يذبحني ان كل اهلي يمدحون فيني وبلبسي بس ابد ماعندي ثقه حتى اذا حكيت احس اني ماله داعي اتكلم واني ثرثاره مع ان حمولتي يقولون اني هاديه وكلامي قليل
وبنات اهم شي زوجي مااقدر اهيئله جو حلو لانه هو يكمل دراسات عليا وانا ماتحمل وتشوفوني بس قاعده بلحالي وهو يذاكر بس احس اذا شافني متضايقه يتنرفز يعني ودي اني اكون انا الي احمسه على الدراسه وهيئله جو فهمتوني بس انا ماادري ليه كذا غلط بغلط اذا شفته سبحان الله اتنرفز ودي انه يترك الدراسه ويقعد معي بس طبعا ابي اشيل الفكره هاذي من راسي ومااقوله ابدنفسي امراه تعاون زوجها بكل شي
وعيالي بعد يابنات انا عندي ماشاءالله ثلاثه وعيالي مااقعد معهم كثير طبعا انا حريصه عليهم بس يعني مااحب العب معهم وكذا وانا ودي اني العب معهم واسولف بس مالي خلق حدي عشر دقايق العب معهم وبس يمكن بعد بلاسبوع
واخر شي يابنات انا تافهه نفسي ان افكر بيت ملك وكذا لا انا كل تفكيري طلعات ولبس ووناسه
بنات فيه احد مثلي يشتري بكثره ويحب البس
وبنات دايم افكر افكار مخيفه يعني دايم افكر انه بيصير للي احبهم شي بسم الله عليهم زوجي وعيالي واهلي بسم الله عليهم وشخصيتي ضعيفه جدا مااعرف ارد على احد وحتى اذا اهلي قالولي شي مااقدر اقولهم لا واحسهم مستغليني لدرجت انهم يخلوني انام عندهم وهم مايقعدون معي حتى بس كذا اااااااااااااااااااااااااااااه يابنات احس اني بكلره نفسي والله ودي اني اكون فرفوشه واسوي جو حلو بيتي ولعيالي وزوجي مع اني والله معاملتي مع زوجي حلوه الحمدلله احترمه بس انا مو من الحريم السنعات يعني
تكفون ادري بتقولو تافهه بس عطوني على قد عقلي وردو علي لو بدعوه ان الله يسخرلي زوجي ويخليلي عيالي ويحفظهم لي