منو؛؛

منو؛؛ @mno_17

عضوة فعالة

انا حامل وأعانـي وأبي شوركم لاتبخلون علي

الأسرة والمجتمع

السلام عليكم ورحمة الله وبركاته

اخواتي العزيزات..

انا بحاجه ماسه لشوركم لاني ما لقيت احد يتكلم معي والكل يتهرب مني واقصد بالكل اهلـــي!!

بقولكم قصتي كامله واتمنى تقرونها كلها وتساعدوني واللي ما تقدر تشور علي بس ابي دعواتها..

انا متزوجه لي الحين 9شهور فقط وحامل بالشهر الثامن..

قصتي بدأت من اول يوم زواج..

انا تزوجت عن حب دام لسنين طويله واخرتها توجنا هالحب بالزواج لكن للأسف مع اني كنت مبسوطه كثير بس ماتوقعت ان هذي نهاية قصتي الحلوه الاليمه..

يوم زواجي جلست مع زوجي وكنت خايفه كثير وجيعانه وعطشانه بنفس الوقت طلبت منه كاس ماء وعلى طول جابه لي وتركني اغير ملابسي على راحتي وراح يصلي ركعتين..

انا فرحت لما شفته يصلي كثير فرحت..
تمنيته يناديني اصلي معه بس ماناداني فقلت يمكن مايبغى يحرجني..

جلست شوي ومن هنا بدأت قصتي

طفى النور وانسدح ونام..

توقعوا صدمتي

انا ما قدرت انسدح قدامه ابدا كنت مستحيه وطلب مني انام وقالي انا تعبان قلت له نوم العوافي انا بروح الصاله عند التلفزيون وطلعت..

وكانت نيتي طيبه وقلت تعبان..

نمت على الكنب بالصاله وانا ما ادري وكنت كل شوي افز من نومي خايفه ومستوحشه ومشتاقه لامي الغاليه.. سمعت اذان الفجر وبكيت تدرون ليش؟

هالوقت كانت تجي امي تصحيني وتكسر باب الغرفه علي عشان اقوم للصلاه؟؟

بس الحين

لحالي لاصوت ولا نفس وحتى كنت مو مصدقه اني تزوجت وجالسه لحالي بدل ما اجلس مع عريسي..

واللله كانت بطني تصفر من الجوع والحيا مقطعني ولا فتحت الثلاجه..

طبعا صليت ورجعت عالكنب ونمت..

بعد شوي جاني زوجي وحط يده على كتفي.. نطيت من الخوف وقلت نعم وش تبي بدون احس..
قال روحي عالسرير

قمت ورحت واهو باين شبع نوم الاخ..

جاني وفتح كيس بطاطس مدري من وين جابه وجلس عند راسي وياكل استغربت حركته وكنت نعساااااااااااااانه حدي.. قلت له بهدوء: نومي خفيف ممكن تبعد عني انام لي ساعه واصحى..

قال طيب

وجلس قدام التسريحه وياكل وياكل شيبس وياكل وانا اسمع ولا قدرت انام

كنت معصبه وساكته

اسلوبه مو اهو اللي اعرفه مو اهو اللي حبيته ولا كلمه حلوه سمعتها منه ولا نظره حنونه شفتها بعينه كاني عدوته مو حبيبته وزوجته

اليوم الثاني اهو ارتفعت حرارته وجلست طول الوقت جنبه واقول روح المستشفى ومو راضي

قال لي خلي اخوك يجيب لي خافض حراره من الصيدليه ويقول للصيدلاني اني مزكم وبيعطيه علاج

رحت دقيت لاخوي واخوي بطيب نفس جا وجاب لي اللي طلبته ودخل عندي الفندق عشان يتطمن على زوجي وزوجي حتى ماتنازل يقول له شكرا وماقصرت..

انا مذهوله جدا وجلست اشكر اخوي وجبت له عصير لقيته بالثلاجه وعطيته يشرب.. وجاملني وشرب شوي وقال بتركك الحين بروح للبيت اتغدى قلت طيب بالعافيه كان ودي اغديك بس فندق ولا عندي شي.. قال افا عروس انتي..

قلت بنفسي اي عروس

دخلت لزوجي وقالي مايستحي اخوك داخل بعد عندنا واحنا عرسان كان عطاك العلاج وتوكل..

عصبت انا وقلت هذا جزاه بدل ماتقول يعطيه العافيه

عطاني نظره قاسيه وسكت..

وقال يشرب العلاج ونام..

صحي المغرب وانا قاعده وطفشانه وطول وقتي رايحه جايه اشوف حرارته

قام ولبس وقال بطلع قلت وين قال بروح للمستشفى قلت طيب طمني عليك..

قال العلاج اللي جابه اخوك زاد الحراره جايبه من غير نفس..

ابتسمت انا ومن داخلي حسره

رجع العشاء وانسدح طوالي عالسرير ..

دق جواله والمتصل كان ابوي انا...
قال له وين العروسه منت جايبها عالعشاء عندنا او بتتعشون لحالكم .. قال زوجي لا احنا جايين!!

سكر وقال البسي يالله بنروح لاهلي بعدها لاهلك بنسلم عليهم ونرجع

انا فرحت كثير لو تدروووون ليش..!؟

اكيد امي مسويه لي عشا حلو لاني من ليلة العرس للحين ماكليت لقمه وحده ..

لبست واول ماخلصت قال لي وش هاللبس غيريه او مافيه طلعه..

للعلم اني لبسي كان محتشم

بس مدري يمكن لونه مو على مزاجه


قلت وانا اضحك ليش مو حلو

قال عند اهلك بكيفك حتى روحي عريانه لكن عند اهلي لا لا والف لا هذا ضيق ومبين جسمك وانا خواتي عمرهم مالبسوا كذا ملابس

قلت طيب عند اهلك بجلس بعباتي

قال اوكي بس ان شلتي العبايه ياويلك


رحت لاهلي اول مدري ليش غير رأيه

اول مادخلت الا امي عند الباب قلت لها

ماما جيعانه

قالت طيب اقعدي الخير واجد بجيب لك اكل

واخوي قال لا لا بروح انا المطعم وبجيب لها انتي يايمه خلك مع بنتك قاعده

راح الله يحفظه وجاب لي اكل وكنت خايفه يشوفه زوجي مابيه يقول بنفسه اني قلت لاهلي انه ماجاب لي شي

دق علي وانا آكل وقال يالله بنروح لاهلي خلصتي..

قلت بخوف طيب نازله انا انتظري بالسياره

عصبت امي وقالت خلصي اكل اول وطلعت وانا ابلع ريقي وخليت نص الاكل وامي حسيتها شوي وبتبكي..

وصلت لاهله وجلس يحفظني وش اقول ووش ما اقول

دخلت اخواته كانوا كانهم بعزا قاعدين بقميص البيت وامه ماقامت ولا شي بس تطالع وقالت ادخلوا

حسيت كنهم مايبوني اجيهم..

تركني عند امه ودخل مع خواته للغرفه وقفلوا عليهم وطول الوقت وانا لحالي

طلع اهو من الغرفه وقال يالله مشينا

اخته الصغيره كانت عيونها حمرا كنها تبكي

سالتها قلت لها شفيك تبكين قالت من قالك ابكي عادي بس خشمي احمر عادي

سكتت انا ولبست عباتي وطلعت

رجعنا للبيت


والطفش يقتلني


قال لي شيلي المكياج وتعالي للغرفه


قلت ليش


قال وش اللي ليش تعالي مو انا زوجك وانت زوجتي يالله غسلي وجهك وتعالي

رحت وسويت زي ماقال

غسلت وجهي

وقعدت بالصاله مارحت الغرفه كنت زعلانه

جاني وابتسم

قلت بنفسي يوه يعرف يضحك زينا

قلت له انا وش سويت لك ليش تعاملني كذا

قال لي عذر بايخ

قال انا تركت التدخين من اسبوع ولا تركته اصير كذا


بس الحين بصراحه خذيت لي سيجاره وحده واحس اني روقت لك

قلت بسخريه لا والله روقت لي


يابنات هالوقت صار اي شي يصير بس اثنين توهم عرسان

بس انا صارت معي وسوت لي صدمه لاني معاملته معي كانت جدا جدا قاسيه وتالمت كثير واهو ماحاول حتى يتفاهم معي ولا يقول لي اي كلام يهديني بس كانه يذبح له دبيحيه

عالعموم كانت اختي وراي وتهديني وتقولي كل البنات زيك ويمرون بهاللحظه وبكره تنسي..

مشت الايام ومر اسبوع وانا اعاني مع زوجي..

جا دوري انا مرضت وارتفعت درجه حرارتي وصلا لل40

وكنت اهلوس وانا نايمه وداني المستشفى وجلسوني عندهم 24ساعه عشان حرارتي وكنت مو بوعيي

صحيت لقيت اختي واخواني فوقي

وزوجي مدري وين راح

كانوا عندي الممرضات ابره جايه وابره رايحه ومغذيات وقرف

واللي جنني

ان اختي قامت معي الحمام وانا دخلت الله يكرمكم

الا ملابسي الداخليه كلها دم

قلت ابي البيت

ومسكت معي اختي لين ودتني لبيتي مع اخوي

وحطوني عالسرير

وجا زوجي وطلعت اختي وراحت لبيتها

امي سافرت مع اخوي والوالد لان اهم ساكنين بمنطقه تبعد عن الرياض 200كيلو
كانت ايام دراسه وراحوا عشان اخوي الصغير يدرس

المهم دخل زوجي يابنات

وقال لي سلامات

بعدها قال

امحق عريس ماتهنى بزوجته على طول مرضتي

انا كنت شبه واعيه لاني مسخنه وحرارتي نزلت بس ل39

نمت وصحيت الا كان زوجي ****** ولا كاني مرضه بدون رحمه ولا اي عاطفه

قلت له وخر لو سمحت انا تعبانه

قال لي بتتنشطين لا تخافين

وقتها انا نمت بدون احس وصحيت الا انا ببيت اختي

واختي تبكي فوقي

صحيت وقلت لها شفيك

قالت حسبتك بتموتين مااد تحركتي وتنتفضين من الحراره

قلت وش جابني هنا

قالت زوجك خاف عليك وحطك عندي

دق الباب زوجي واختي جابت عباتها وتغطت ولا قدرت تروح وتتركني لحالي ودخل زوجي

قال كيفها

قالت له بخير وجلست وطلعت بعد فتره من عندنا


قال لي انا سلمت الفندق وبنقعد عند اختك لين تخفين


انا اشرت براسي ولا قدرت اتكلم

كلمت امي وجلست ابكي وقلت لها تعال خذيني انا تعبانه

امي بالها اني اتدلع قالت لا عيب بتخفين وبتروحين لشهر العسل انتي وزوجك

مر يومين والحمد لله قمت بالسلامه

قال زوجي ودك نسافر

قلت بفرحه كبيره ايه ياليت


قال نروح جده.. الشرقيه .. او وين تبين


قلت لا ابي اروح دبي

قال طيب منها اشوف خويي واخذ منه كم شغله للعمل..

انقهرت عند بالي بيقول لي عشان انبسط معك

مشيتها

قص التذاكر وسافرنا للأمارات

وكنت مبسوطه بالسفره وزعلانه لاني احس كني ماتزوجت ولا احس بفرحة اي بنت مسافره شهر عسل

اخذنا لنا جناح بفندق حلو

واليوم الثاني قال لي ان الفندق فيه 7مراقص ولا خلوني انام ليلتها وبنغير الفندق

قلت عادي بعد انا خايفه لاقدر الله اموت وانا هنا وابعث هنا يوم القيامه

عطاني نظره استهتار غريبه ومشينا

ندور ومستحيل نلقى بدبي فندق بدون مرقص

آخرتها حطني بفندق قديم واتوقه مايسكن فيه احد لان شكله كنه مهجور

دخلت وكانوا حاطين قرآان عالمدخل هالمنظر ريحني وقلت معليش نصبر

قال هنا احسن

قلت احسن ولا ارخص عروسه وحاطني هنا

قال ايه ارخص اصلا احنا طالعين طول اليوم ونجي هنا بس للنوم

قلت طيب

من وقتها وانا ما ابيه ولا ابي قربه ولا ابي حتى سوالفه

عاملته بالمثل

من بعدها بدى يقرب لي

يحاول يحنني عليه

بس مدري وش صار لي بعد الفرحه انقلبت حياتي تعاسه

اول مايطلع من الفندق آخذ جوالي وادق لاختي وامي وابكي واقولهم ابي عندكم ماعاد ابي اتزوج رجعوني..

يرجع ومعه العشى اقفل الخط واسكت ويشوفني ابكي

يقول لي جوالك باخذ لي لاني جوالي مقفله لاني مابي اعممه وجوالك سوا

قلت طيب

ليلتها تهاوشنا لدرجة انه ماكلمني ابدا ولو اكلمه يسكت مني

ونمت وقمت الصبح لقيت الباب مقفل علي

وزوجي مو موجود

وجلست انتظر

ماعندي جوال لانه اخذه

ولا اعرف ادق من الثابت

اذن العصر بعدها جاني

انا جيعانه+عطشانه+خايفه+مرعوبه

دخل وقلت له ليش تركتني لحالي قال انت تبين كذا

قلت بعصبيه ابي اكل ومويه

قال طيب

جاب لي ماء واكل

اكلت وقال يالله بروح بك البحر مع انك ماتستاهلين

واللله كني بزر نسيت الزعل ونطيت ولبست واول مادخلت عليه

قال لي عبايه عالكتف ياسلام وكمان لابسه بنطلون

للعلم ان العبايه هو اللي اشتراها لي

وهواااااااااااااااااااش لين وافق اطلع فيها

وطلعنا

كان يمشي بعيد عني

ولا يتكلم

وانا زعلانه واراضي نفسي بمنظر البحر واحس داخلي طفله تبي تلعب وتنط وتضحك

شلت جزماتي بايدي الله يعزكم وقعدت امشي عالرمل عند البحر وهو جلس عالكرسي

كنت امشي شوي الا انا اركض طالعت السما

واالنجوم

وشفت امي بين النجوم ودمعت عيني قلت يايمه انا متضايقه كثير ليتك معي


رحت عنده وطلبت جوالي قلت له بكلم امي

عطاني وقال لاتطولين

رحت ودقيت لها

وجلست ابكي وهي تقول ما اشتقتي لامك

قلت الا وطالعت السما وقلت يمه فيه حمامه تطير لو تاخذني عندك للسعوديه ياليت ياليت

قالت شفيك تبكين قلت لها مشتاقه لك بس وطالعت بزوجي يدخن ولا كاني معه

وقفلت الخط بعد ما اخذت كم نصيحه من امي

رجعت له الجوال وقلت له قوم نركب هالسفينه وقام

وركبنا وجلس يسولف علي سولف عاديه وانا اطالع فيه

وجلس على حافة السفينه

وانا جلست اتمتع بالهواء الدافي الحلو

جا جلس وراي

قلت له بصوت مخنوق وبهمس

انا مو مبسوطه معك..

طالع فيني وقال انتي مدلعه واهلك دلعوك كثير احمدي ربك اني جبتك هنا

قلت له لاتجيب سيرة اهلي

قال ليش بالله لايكونون اهلك عظماء

قلت احسن منك <<<كنت معصبه

قال لو ربوك زين منتي لابسه هالعبايه

قلت انت اشتريتها لي وانا عادي البسها دايم حتى مع اخواني

قال اخوانك لاتجيبين سيرتهم اصلا اهو طايحين من عيني من زمان

بعد اكيد يخلونك تروحين السوق لحالك وتطليعين لحالك لاحسيب ولا رقيب

انا بكيت وقلت ابرجع السعوديه

قال طيب عادي بكره اقدم العوده

ورجعنا بالفعل للرياض

ورفضت اروح معه لفندق قلت ودني لامي وبس

للعلم انا ادرس وكنت ماخذه اجازه 3اسابيع

وقررت قطع اجازتي ماروح لكليتي

قال لا بنقعد عند اختك

قعدت عند اختي اسبوع

وكله ابكي عندها وعند اخواني واقولهم يتكلم علي ولا يعجبه شي فيني

المشكله انه عند اخوااني واهلي يعاملني كاني ملكه ولا ادكون انا وياه لحالنا الا يقلب علي

واختي تصبرني

واخواني يقولون لي بلا دلع اهو يحبك

وانا اقول انتوا تدافعون عنه واهو يتكلم عليكم


عالعموم مشت الايام ورجعت عند امي

وكملت دراستي

وكان يجي عندي كل اسبوع مره

واليوم الي يجي عندي اكون متضايقه منه


بعد شهر بالتمام

تعبت ورحت المستشفى وقالوا لي اني .. (حـــــــــامــل)

هنا جاتني الصدمه

انسان مشاكل انا وياه وكل يوم هواش حتى بالتلفون ويسبني على طول ولا يعجبه شي فيني ولا يحترمني

ياربي وش اسوي


اول كلمه سمعتها منه

استعجلتي عالحمل ليش

قلت له انا مابيدي شي


هذا من الله وقعدت ابكي


ومرت الايام واهو علم اهله اكيد بحملي وقال لي شفتي حتى اختي تقول استعجلتوا

طيب

انا عند اهلي واهو مسافر عشان شغله

بديت اكرهه

مدري ليش

كل اسبوع لا جا عندي اطلع من الغرفه وانام بغرفة اخوي الصغير

واهو ساكت قدام اهلي ولا قعدت معه انواع السب والكلام اللي يضايقني


سالته يوم من الايام انت تتكلم عن اهلي كثير ليش

خلي هواشنا بينا مالك شغل باهلي

قال اهلك هم اللي يخربونك

للعلم اني امي واوبوي يدافعون عنه ويهاوشوني ويقولون لي عيب

امي تغسل ملابسه وتجيب له الفطور وتحبه واببوي نفس الشي

واهو مايملى عينه شي

اللي يقهرني انه قدامهم يعاملني بكل الحب والحنان

وانا اتمنى اشوف حبه لاجينا لحالنا

والحق ينقال احيان يجي طيوب معي بس يرجع ينقلب مدري ليش


المصيبه انه دايم يفتش باغراضي وبجوالي

لاسالته قال ادور شي

استمر كذا لين يوم لقيته يدور بشنطتي اللي اخذها بيدي يوميا

سالته تبي شي قال وش لا

قلت وش تدور بشنطتي قال لي اصلا مالمستها

استغربت

يوم طلعنا نتعشى بمطعم

ورجعنا وبالطريق تهاوشناااااا على شي تافه واهو كبر السالفه وانا بصراحه كنت ابكي ورافضه اتكلم معه

وصلت للبيت ودخلت لغرفتي جا وراي وطلعته انا

وقفلت الباب
قعد مع اهلي وبعدها جات امي عشان تشوفني

قلت لها بس تهاوشت معه وعادي وامي ماتحب تتدخل

استغل وجود امي وبدل مايجي يراضيني قدام امي لو مجامله

طوالي اخذ جوالي وجلس يفتش ويطالع بالارقام


قلت له جيب جوالي قال اصلا مابيه بس كنت ابي رقم اخوك لانه انمسح من عندي خذيه


عذر بايخ

ادري انه يشك فيني


مررت الايام ومرت وصرت بالشهر الخامس


وانا على حالتي مو طايقته

قالت امي بوديكم للشيخ هذي عين ماصلت عالنبي


رحنا للشيخ وقالت له امي القصه

ضحك الشيخ وقال هذي بس تتوحم على زوجها وباذن الله كله بيروح بس الصبر وجلس ينصح زوجي ويقول له ابعد عنها وحتى لاتكلمها عشان يخف الوحم انا فرررررررحت قلت بينفذ كلام الشيخ


ورجعنا للبيت وكان شي ماصار جا الليل ولزق فيني


وطلعت من الغرفه زي العاده


اخرتها سافر

بعد اسبوعين دق

وقلت له ابي فلوس لاني بطني كبرت وملابسي صارت ضيقه قال ماعندي شي

قلت طيب وش اسوي قالي اصبري

صبرتاسبوعين زياده

المشكله اني بالكليه وملابسي ضااااااااااقت

جا بعد اسبوع

ولا كاني طلبت منه شي

تهاوشت معه

وسافر على طول كنه ماصدق اتهاوش معه


بعد يومين

صحيت الا امي معصبه


شفيه شسالفه


قالت بكلم زوجك\

قلت بعصبيه اهو مايسال عني وانت ليش تدقين


قالت مالك خص انا اكلم اللي ابي اكلمه


زعلت وقعدت ابكي


اخوي الصغير جا وقالي زوجك سوى حادث ماتدرين


اثاري امي وابوي ماعلموني خايفين علي لاني حامل

تصدقون يابنات اني ما اهتز داخلي شعره ولا كانه زوجي كانه ولد الجيران

ولا اهتميت

امي واخيرا علمتني وانا سويت اني مدري وقالت كلميه

قلت طيب

دقيت عليه قال لي احسن سويت الحادث متعمد ياليتني اموت عشان يدرون انك ظالمتني من حقوقي وكل شي وتتحسفين على كل شي تسوينه فيني


ضحكت وقلت له ماتشوف شر اهم شي سلامتك لان امي جنبي كانت

وقفلت

بعدها فكرت انا وش سويت له هذا شي مو مني من الله ومو بيدي


معاملته لي زفت عشاني اتوحم عليه

مصروف مايصرف علي لاني عند هلي

جاني نزيف وتنومت بالمسشتفى ودق عليه ابوي وجاني

بس من نفس

اهلي خايفين علي واهو لا مهتم

اقوله بالم خايفه عاللي ببطني

يقولي احسسن افتكي منه اهم شي اني طيبه والاطفال بعدين

كان يقطع قلبي لاقال كذا هذا طفلي وانا ابيه وابي يجي سليم مابي يموت

والحمد للله طلعني االدكتور ورجعت البيت

واهو طوالي ساااااااااااااافر

وهذي انا مسدوحه بدون حركه عشان الدكتور مايبيني اتحرك عشان النزيف

وزوجي ولا يسال

واذا دق بس كيفك وسكر

شفت حريم منومات بالمستشفى كبار بالسن يجلس زوجها عند راسها ويواسيها

وانا توني اول حمل وزوجي مايبي وجهي

وجلست ابكي وقلت لنفسي الصبر

اهلي يلوموني يقولون اني انا قاسيه معه واني ما استحي لاني اهرب منه

بس اهو مايدرون عن معاملته معي

لانه يمثل قدامهم الحب

كانه يموتني موت بالبطيء ينكد علي عيشتي ويكدرني وبس هذا هو دور بحياتي

جا يزروني بعد فتره وكنت بخلص الخامس

ووقتها نمت عنده بالغرفه واهو قال لي طفي اللمبه واطلعي برى لاتزعجيني

قلت له بنام

قال طيب انا حتى بنام

نام جد

وانا اتقلب

وقمت اروح للحمام الله يكرمكم

رجعت لقيت جواله منور

استغربت ونمت

جا الصبح رحت الكليه جاتني بنت اعرفها

قالت لي

ان زوجك كلمني امس الساعه 2بالليل

قلت باستغراب زوجي

قالت ايه

تذكرت زوجي كان نايم

قلت تكذبين

قال هذا رقمه

قلت من وين لك الرقم

قال انا اخذته من جوالك زمان وربي اني اسفه بس الشيطان وانا جايه اعترف لك وابيك تسامحيني ولي فتره ماكلمته واهو امس دق علي مدري ليش

قلت يدري انك صديقتي قال لا والله

قلت بثقه طيب كلميه عادي

قالت شوفي هذا رقمه بالمكالمات المستلمه لاني عطيته مشغول وهنا لم يرد عليها

والله ماكلمته ابد

قلت طيب انا اعرف زوجي مايكلمك وشوفي بعينك

وكل هذا طبعا تمثييييييييييل قدامها

وقلبي نار

طلعت ورجعت لقيته نايم

واهلي مخلينه براحته

وداني العصر مراجعه لي عند الدكتور وانا ساكته مابي مشاكل


قال لي بالسياااااااااره واحنا راجعين شوفي انا مابسوي لك بيت ولا اي شي

تبين تعشين عند اهلي لاتخرجتي حياك الله ماتبين اقعدي عند ابوك وامك

قلت انت قلت قبل الزواج بتجيب لي بيت وهذا كان شرطي

قال ماتستاهلين بيت ولا اي شي

وظرفي صعي ومامعي فلوس

قعدت ابكي

ورجعت للبيت

وشافني ابوي وانا ابكي

سالني قلت له عن كل شي عن معاملة زوجي لي وعن كلامه لي وكل شي

قال معليش الصبر بكره تولدين ويروح الوحم وترجعون عسل

من الغضب قلت له بسالفة البنت

قال يمكن تكذب قلت لا اهي ماتكذب ورتني رقمه بجوالها غير انه طول الليل يمثل علي انه نايم ولما طلعت ورجعت لقيت جواله منور

سكت ابوي

قال الله يهدي النفوس

ودق زوجي علي وقال لي زعلتي مني

قلت ايه ولا عاد تكلمني

قال انا آسف

قلت وش تتاسف عليه

انا ماسويت لك شي وانت دايم تغلط علي وعلى اهلي

قال اهلك هم مخربينك

قلت انا ماني خربانه

قال الا ومدلعه ودلعك لازم ينتهي

قلت طيب انت من زمان تعرفني ليش تزوجتني اذا ما اعجبك

قال نصحوني اهلي بس ماسمعت نصيحتهم قلت يمكن اغيرك انا

حسسني كن فيني عيب كبير

قلت له الله يعافي مكالماتك وخلي البنات اللي تكلمهم ينفعونك


انا ماعاد ابيك طلقني


قال له باستهتار اي بنات وتبين طلاق بعد

قفلت بوجهه

وارسلت له رساله وفهمته كل ساله عن البنت وقصته معها

وعن معاملته اللي مليت منها

دق كثير

ولا رديت

اليوم الثاني دق

ورديت

وقال خلنا نتفاهم

قلت وش عليه

قال اي بنت قصدك حكيت له كل شي

قلت له مايهمني من تكلم بس انت ليش تشك فيني وليه امس سويت انك نايم وتكلم وانا جنبك

قال انت جنبي بس جثه

ما اقدر اقرب لك

قلت مو عذر تفشلني عند البنات

توقعته بيعتذر مني وكنت ناويه اسامحه وافتح صفحه جديده معه لاني حسيتت الوحم بدى يخف عني

قال انت اصلا تألفين علي قصة البنت لان الجوال جوالك وانتي طلعتيه ولا علمتيني وغير انك ليل ونهار بالانترنت واهلك تاركينك لاحسيب ولا رقيب..

وتقفلين الباب على نفسك وتربية اهلك زفت

مصمم يدخل اهلي بالموضوع

قفللت بوجهه

وارسلت له طلقني

رد علي قال غالي والطلب رخيص بس قبلها بحط اسم صديقتك عند الهيئه وبقول انها تدق علي وان زوجتي طلبت اطلقها بسبب هالبنت

دقيت عليه وقلت له مو تقول ان قصة البنت كذب

قال بحط اسم (فلانه بنت فلان) قلت لالالالالالالالالالالالالالالا

طلع بيحط اسم صديقتك العزيزه واهي مالها اي شغل بالسالفه

قلت انت مريض

قال مريض ايه ولاتعرفيني وربي لاشوه سمعت اهلك وسمعتك وبعدها اطلقك عشان اذا تطلقتي محد بيتزوجك بعدي ياهانم

قلت له فرقاك عندي يوم عيد

وقفلت

علمت اهلي

ودق زوجي على ابوي بكل وقاحه وقال له جيب اسم البنت اللي تتصل على جوالي ولا بحط اسم بنتك

ابوي عصب

وقال له بسال البنت

وجا سالني قالت امي له بلا فضايح واستروا عالبنت

ابوي يبي اسم البنت

وامي تقول لاتعلمينهم

وسمعت كلام امي

لاني البنت مالها ذنب وهذي حيله من زوجي عشان يخوفني بس ادري انه ماعندي سالفه

وجلس يكلم الوالد بالساعات واخرتها اعترف لابوي انه مريض وانه كان يعالج عند دكتور نفساني وبطل ورجع له الشك.. هدى ابوي

وقال له ياولدي روح تعالج

وقلب مره ثانيه وقعد يهدد ابوي ويقول له بشوه سمعتك ومن هالكلام..

وكلم امي

ونفس القصه بس امي جلست تسايره وكذا لين قفل

بعدها دخل ابوي معصب وقال لي ماعاد تكلمينه وان دق عليك عطيني خبر

ومن بعدها فص ملح وذاب

شهرين مدري عنه شي

ولا يسال عني ولا يصرف علي ولا اي شي

يوم ارسلت له رساله كتبت طلقني بابن الحلال انا ما ابيك وخلني بحالي

رد علي قال بحلمك بخليك معلقه

قلت لاهلي هاوشني

قالوا اختباراتك عالابواب اختبري وبعدها احنا نتفاهم معه

مرررررررررت الايام الحين خلصت اختبارات

وتخرجت


وكلمت 3اشهر وزوجي ماسال عني والحين دخلت شهري التاسع

ولا سؤال ولا ي شي

المشكله

اخواني + اختي + ابوي + امي = كلهم لاجيت اشتكي لهم

يجون بصف زوجي وانا ضدي

ياربي انا وش سويت

ابوي قال لي بيتفاهم معه الحين احنا بالاجازه والوالد بيسافر وانا على وجه ولاده ولا احد عندي غير الله واذا حاولت اتكلم قالوا لا ولدتي وقمتي بالسلامه خير


اول قالوا اختبارات والحين قالوا لاولدتي

انا ابي الطلاق

ماعاد اقدر اعيش معاه ابدا نفسي ماعاد تتقبله

اهلي رافضين الطلاق

الوالد يقول لي بكل سهوله لا جاك الطلق دقي على زوجك يوديك المستشفى

ادق على انسان ماسال عني؟

ولا يدري اصلا متى بولد؟؟
وش هالكلام

لاقلت لابوي كذا صررخ بوجهي وقال لي هذا اختيارك وانت وافقتي عليه الحين تحملي

قلت وكرامتي

قال عادي زوجك


انا تعبانه

ومتضايقه

ولا عاد ابي زوجي

حاولت اتعوذ من ابليس بس واللله نفسي مقفله من ناحيته ومدري كيف ارجع له

ومن اول حملي وانا ابكي

وطفلي المسكين ماله ذنب

وابوي يقول ما بربي عيال احد

واذا تطلقتي من بيتزوجك ؟؟؟؟؟

حدي تعبانه وابي الشور

ابوي تغير من ناحيتي

صار اهم شي عنده يسافر

وانا آخر همومه

ومصمم ارجع لزوجي

واخواني اللي لاهي بالطلعات واللي ليله ونهاره يلعب بلاي ستيشن

واختي ببيتها والادها

وامي بس تقول لي اصبري بس لمتى قد لي 4شهور صابره..

ليش احس ان ماوراي احد

واذا حاولت افتح الموضوع حاليا مع ابوي او اخواني انواع التطنيش

ودايم ابكي واجلس استغفر كثير

يابنات وش اسوي ..




آسفه طولت عليكم بس كنت ابي احط كل شي بالموضع عشان تشورون علي الشور الصح

كيف اخلي اهلي يتكلمون معي

يمكن طفشوا مني بس ظلم ارجع لزوجي وهو ماسال عني
40
77K

يلزم عليك تسجيل الدخول أولًا لكتابة تعليق.

تسجيل دخول

أم عبدالرحمن علي
انا مش شايفة اشي غير عادي في حياتك هاد ااشي طبيعي تكون الوحدة مستحية اول زواجها لكن من ضمن قصتك ما حكيت طريقتك في كسب زوجك ولا في التودد له ولا اي شي حاولي جاهدة تكوني انت اللي كان يحبها قبل الزواج وإلا لا قدر الله ممكن يقلب لانه ال حب اللي قبل الزواج بخلي المحبين يغمضو عينيهم عن كتير اخطاء فالان لما تزوجت لازم ت كوني له كل شي في حياته حتى يبقى الحب بينكما وانسي ماما وبابا خلص انت الان بصيري ام ولساتك بتفكري في ماما واخواتي بعدين اظن خواتك ما بدهم يسمعولك لانهم حاسين انك مش عارفة دبري حالك في بيتك وشكوايك كتيرة

توكلي على ربنا وتوددي لزوجك وانسي انك كننت في بيت اهلك الان انت عند زوج محتاج لاكل وشرب واهتمام وابداي انت وان شاء الله رح تجدي السعادة
ام مقبل ..
ام مقبل ..
الله يسهل عليك ولادتك ان شاء الله ويرجع لك زوجك

بس انتي ماذكرتي لنا ايش قصدك بقصه الحب اللي بينك وبين زوجك قبل الزواج ؟

يمكن هذا الشي هو اللي جاب له الشك

انا مااقدر احكم الحين بس اذا انتي تعرفين زوجك قبل الزواج قصه حب بينك وبينه بدون خطوبه او ملكه او زواج

فالشك اللي عنده طبيعي

اسفه اني اقولك هالكلام بس اغلبيه الرجال الشرقيين تفكيرهم كيذا

حبتني بتحب غيري
كلمتني بتكلم غيري
طلعت معي تطلعت مع غيري

وبدون زعل انتي عصبيه مره وكل شي تقولينه لاهلك وهالشي مضايقه منك عشان كيذا يدخل اهلك بكل موضوع لانك انتي اساسا مدخلتهم بكل صغيره وكبيره ببيتك

نصيحتي لك ارجعي لزوجك وحاولي تكملين حياتك بسعاده انتي وطفلك

هذا رايي وان شاء الله البنات يفيدونك اكثر مني
ftoon57
ftoon57
السلام عليكم ورحمة الله وبركاته
والله يا اختي سالفة اتقطع القلب......... والله ايعينج على بلواج..... والله تاثرت حيل..

حبيبتي ممكن زوجج فعلا يعالج وفيه نفسيه؟؟ انتي تاكدتي من هالشيء!!

نصيحتي لج... استغفري الله كثير ولا تقنطي من رحمة الله وادعي الله بسجودج ان يسخره لج ويحل مشكلتكم... ادعي ادعي ادعي ولا تياسين واتقولين الله ما استجاب يمكن هذا اختبار من ربج
وان الله اذا احب عبدا ابتلاه
الله يعينج..........
تعبت من الوله والشوق
ادري نفسيتك تعبانه ترى اللي تحمل على طول وتوها متزوجه يجيها اكثر من كذا .....وحم مع صدمه الزواج ضيقه صدر...لاتهممين امكوابوك بمشاكلك وانتبهي تطلقين حاولي بعد الولاده تفتحين صفحه جديده وكوني اكثر مرونه ولاتقولين توني عروس ماتهنيت مابتتهنين الى اذا فهمتي الرجال
اتمنى ماقسيت عليك بس والله انصحك كاخت
شيله مطرزه
شيله مطرزه
الله يقومك بالسلامه اختي نصيحتي اختي قدام زوجك انسي اهلك وشوفي انتي تدافعين عنهم وهم ما عبروك ولا احد اهتم الكل مشغول بنفسه ارجعي واضحي عشان طفلك واكثري الدعاء لزوجك بالهدايه وخصوصا في اخر الليل الله يهديه لك .