انا حامل وزوجي مو مبسوط

الله يابنات انا في ضيقه وماقدر احكي لاحد الا انتوا عشان تساعدوني
لاني ماحب احكي اموري الخاصه للي حوالي لانهم يفكرون اني مبسوطه بحياتي وانا عكس كذا تماما
ولاني ماحب ابين لهم ولايشيلون همي ولايشمت فيني احد

قصتي من البدايه انا لي متزوجه حوالي السنتين وطبعا زوجي كان يسمع عني واعجب فيني وخطبني وتم الزواج
مع وعوده لي بالسعاده والحب والاخلاص لي
مرت اول شهور حلوه والي بعدها كان يتخللها احيانا مرح ووناسه حسب مزاجه
هو يبيني دايم مبسووطه عشان ينبسط ولو زعلت من شغله مو مسموح لي اناقشه او اكلمه فيها
يعني هو يحق له يزعل ويبين لي اما انا لا المفروض اسكت واكتم وبس لين انفجر

احنا في منطقه واهله في منطقه تبعد عننا كم كيلو وكان دايم يودينا لهم كل اربعاء لين الجمعه
ويسهر هناك لين الفجر مع شلته وانا طبعا في بيت اهله حاطه يد على خد

ماكنت ساعتها اخطط للحمل لاني كنت احس اني مو مستقره ولا مستعده للحمل والاطفال
خاصه بعد مااحبطني زوجي اكثر من مره وقال انه مايحب الاطفال ولا ازعاجهم ولا يفكر انه يجيب
انا هنا انصطدمت وماعدت افكر فيه لاني بعد كلامه حسيت اني لو بحمل بيكلفني كامل المسؤليه لو الولد صاح او ازعجه وانا نفسيتي كذا بتتعب

بعد كذا تفاجئت انه يقول يبي عيال وان هذا الوقت المناسب سالته:انت تتكلم جد اكيد انت قد المسؤليه؟قالي ايه
اثاريه قالي كذا لان الناس بدت تسال زوجتك حامل؟؟متى بتجيب عيال؟؟وخاصه بعد ماسمع ان الي تزوجوا بعدنا خلااص مابقي شي ويجيبوا الا احنا

رحت حللت وطلعت حامل الحمد لله انا كنت مبسوطه اما هو لا
حسيت بعدها اني غلطت وتمنيته ماصار
زعل مني علة شغله بسيطه ووداني بيت اهلي اسبوعين تعبت فيها نفسيا وجسميا.جاني يعتذر وقبلت عذره بعد ماتأسف لي
صارلي بعدها نزيف ورحت المستشفى قالت لي الدكتوره انتي معرضه لاجهاض لانك اجهدتي نفسك ولازم الراحه التامه يعني مافيه حركه ابد
وقالت هالكلام لزوجي
زوجي ولا كنه يقدر ولا يهتم بصحتي وداني لاهلي لان كان عنده شغل واهلي في منطقه تبعد عننا مئات الكيلو مترات
تعبت بعد فيها ورجعت بعدها لشقتنا
بعدها ب3 ايام نزلني عند اهله مع تعبي الشديد وحاجتي للراحه
طلعوا اهل زوجي في زياره لاقاربهم وانا مارحت ظلت في البيت لحالي ..جاء زوجي وقالي يالله روحي لهم قلت انا تعبانه وابي انام ولاابي اشوف احد نفسيتي مره تعبانه
قالي انتي تجيبين لي النكد وماتبيني مبسوط وشلتي كلها طالعه الا انا؟قلت له انا مو ماسكتك عنهم روح لهم اما انا بجلس ارتاح

قالي لا ترتاحين ولا شي انا بوديك لبيت اهلك وخلهم ينفعونك

قبل مانوصل طلبت منه مبلغ بسيط انا كنت شايلته عنده؟غشان اصرف منه على نفسي؟قالي ماعنده رغم اني ادري انه معاه
وقالي روحي شحذي من اهلك الريال والعشره اما انا ماني معطيك
طبعا انا في بيت اهلي ولا اقدر اطلب منهم ولا يدرون بالي صار بيني وبينه وهو مستهون فيني لان ماعندي اخوان كبار انا اكبر وحده

وهو اكيد بيجي بعد كم يوم يطلب مني ارجع له مو لانه يحبني لا ..لانه يبي احد معاه بالشقه يسليه ولاننا على وشك ننقل لمنطقه ثانيه بسبب ظروف شغله فاكيد يبي يحدد هل اروح معه والا لا لان على هالاساس بياخذ شقه هناك لا اكثر ولا اقل

الحين نفسيتي تعبانه ولا افكر بسعادة في الحمل وافكر انفصل عنه بعد كل الاهانات الي تعرضت لها


ابي رايكم الله يعافيكم