السلام عليكم
ابفضفض عن نفسي احس نفسي بختنق
تصدقون اتمنى زوجي يطيح على منتدى حواء ويقرا كلامي
ابيه يحس فيني
تصدقون تجيني هواجيس ولا تقولين لا تهوجسين غصب عني اهوجس وربي تجيني افكار وكلام يدور في عقلي وربي اوقات اكره نفسي
احس نفسي مالي داعي بالحياه مالي معنى وبعض الاحيان احس نفسي غبية لاني ماقدرت اسعد نفسي ولا قدرت افهم اللي قدامي وهذا عيب فيني انا صدق اعجز اني افهم الناس وحتى عجزت افهم نفسي لو كنت صغيرة بعمري كان قلت مالي خبرة بالحياة
انا قبل لا اتزوج عشت حياه حلوة صح الدنيا ما تصفى لاحد بس عشت حياه فيها متعة بين امي وابوي واخواتي واخواني . انا كنت مدللـه وربي حتى ماكنت ادخل المطبخ اهم ماعندي دراستي وصديقاتي وكنت وربي دايم اضحك واحب امزح وكانو البنات ومدرساتي يحبوني لاني صاحبة نكته وجلستي ما تنمل وفي بيتنا تربينا على الصح والخطا يعني لنا حريتنا بس بحدود اقصد الحرية في الراي والتعبير وكل حرية ما تتعدى شرع الله .وكنت حيل حيل اجتمااااااعية وكنت احب ولا زلت احب الاطفاااااااااااال وربي اطفال اخواتي ينادوني ماما لاني حنونة عليهم وهذا اكر شي كان يرغبني بالزواج .
انا من تزوجت وحتى قبل زواجي بفترة تعلمت الطبخ واهتميت وحبيت اكون ربه بيت عن حقيقة وربي حتى شغاله ماعندي انا اقوم بكل شي رغم اني ماكنت المس شي عند اهلي .
بعد ما تزوجت كل حياتي انتكست ممكن صح زوجي فيه ايجابيات كثير وممكن بعد اكر ايجابياته ماكنت احلم فيها من كرم وهيبه ورجوله ووسامه ومال وغيره يعني ولله الحمد فيه ايجابيات ما حلمت فيها . بس تصدقون من لحظة ما جاء المملك وكتب العقد ما حسيت بفارق في حياتي . لقيت زوجي جسده معي وقلبه وفكره بعيد عني حتى بجسده يحاول يختفي عني . رجل فيه كل التناقض . انا اللي كنت احب اضحك وامزح لقيت رجل الابتسامه اشحدها منه وهو يوزعها على غيري . انا كنت اجتماعية لقيت رجل يحب جلسه البيت وله روتين يومي ما يغيره لو تجي امه وابوه وقبيلته كلهم . حبسني معه لين صرت انعزاليه مثله بس هو عادي متعود وانا احس نفسي بمرض وممكن يجيني اكتئاااب . انا كنت ولا زلت احب الاطفاااال لقيت رجل ما يبغى سيرة الاطفااال وكنت افكره عقيم لكن هو سليم بعد ما جننته لين سوينا تحااليل وكلنا سليمين بس هو من راسه ما يبي اطفاااااااال الا بعد خمس سنواااات .
انا كنت قبل لا اتزوج اتكلم دايم بعفوية لقيت رجل يحب يختبرني ويسحب مني الكلام لدرجة اني اقول لكم انه فهمي بس انا للاسف ما فهمته .
اتمنى اساله انت ليش عااايش
اتمنى اساله ليش تزوجت
هالرجال امي احسها تكرهه وابوي يمدح فيه
اخواتي اللي اكبر مني ازواجهم اقل من زوجي في اشياء كثيرة وانا ادري عن هالشي بس وربي انهم معيشين اخواتي براحة
حنا يالحريم وش نبغى من ازواجنا اللي نبغاه استقرار واطفال ونبي ازواجنا يهتمون فينا حنا حساسات .
انا احترت مع زوجي مرة اقول انه يحبني واستشهد بمواقف سواها بعدين اكتشف ان هذا الشي طبع فيه وممكن يسويه مع غيري الا بعضها سواها
يعني وقت ما نتزاعل يجي هو يتصرف بتصرف يحسسني انه يبغى يراضيني وانا اكون متجاوبة معاه الاقيه يصفني ولا فكر فيني لانه سوى هالتصرف بشكل تلقائي مو قصده يراضيني .
انا اتمنى اكون مثل قبل لا اتزوج لان نفسيتي تغيرت وحالتي تدهورت
تصدقون بعض الاحيان اقول هالرجال وراه سر ولازم اعرفه
مرة تناقشنا اني اشتغل في البيت وهو بالرضه بالعمل وكلام زي كذا . قالي كلام قهرني قال الدنيا تبادل مصالح . تصدقون حسسني اني لعبه يلعب فيها وقت ما يبي وبعد كذا يرميها وانتم اكيد فهمتوني وربي من بعدها صرت اكره هالشي واستصغر نفسي واحس نفسي قرف .
قبل شوي انا نزلت موضوع من اللي تعرف كم راتب زوجها ولقيت اغلبكم تعرف كم راتب زوجها .... انا ما اعرف وربي ما يهمني اعرف كم راتبه بس هذا شي من غموضه ...
كل كلامي هذا في قلبي . ابتفجر من الهم والغم والفراغ .
يلزم عليك تسجيل الدخول أولًا لكتابة تعليق.
"حراير"
•
باين عليك عروسة وجديدة على عالم الزوجية اقرئ كتاب الرجال من الزهرة والنساء من المريخ وبتفهمي زوجك مضبط
روحي صلي ركعتين وادعي مو كل من تزوجت ارتاحت بس الصبر الصبر والاستغفار واقري البقره كل يوم
اكييييييد انها فضفضه والفضفضه تطلع ومااتسمعين صداااهاااا
فضفضي يااقلبي وخذخ راحتك اهم شي لاا تشيلين بخااطرك
وهونيهاا وتهووون وماااااافيه شي بالحياااه هذه مو صعبه على الله سبحاانه
الله يشرح قلبك وينوره ياارب ويهدي حاالك يااكريم
فضفضي يااقلبي وخذخ راحتك اهم شي لاا تشيلين بخااطرك
وهونيهاا وتهووون وماااااافيه شي بالحياااه هذه مو صعبه على الله سبحاانه
الله يشرح قلبك وينوره ياارب ويهدي حاالك يااكريم
ام لولى
•
شوفي انا كنت مثلج والله اقعد ابكى بفراشي لين يصفي كل الى براسي وهو يعطيني ظهره ويطنش وينام يسبحانه الى غيره على وخله حنون يقوول والله ماكنت احس فيج والحين احس فيج من بعد ماجاو عيالى
الصفحة الأخيرة