ما شاء الله سنعات والله شجعتوني أقوم انظف البيت .....جاري التنفيذ

نوم من بعد الغدا يعني لمتى ؟ معليش عجزت اتخيل نومك فرضاً 14 ساعه نوم ..


10 ساعات وش تسوين فيها ؟


ترتيب بيتك يحتاج له ساعه او ساعتين والباقي لعيالك لنومك لزوجك لجوالك لكككل شي تبينه


بيتك لازم ينظف ولازم يترتب كلنا عندنا عيال و نحب النوم بس نضغط على انفسنا للنظافه والراحه

ياا عمري لا تقولي عن نفسك كذا

اللي تحتاجينه تنظيم وقت ومهام فقط

شوفي بكتب لك جدول وحاولي تلتزمين فيه

اولاً: نبدي بالعيال الله يصلحهم خليك حازمه معاهم اللي يحوس يتعاقب طبعاً انا ضد الضرب على حسب عمرهم يعني تقدري ما تكلميه طول اليوم او كرسي العقاب زي كذا

ثانياً: النمل في بالسوبر ماركت دوا للنمل وانتبهي لحلويات الاطفال امكن يدبقون الارض ويتجمع النمل بعدين

ثالثاً: لما ترتبين غرفه مثلاً غرفه النوم نظفتيها وطلعتي الملابس وصففتيها حاولي ترجعين كل شي لمكانه اول بأول عشان ما تنحاس
وهالكلام لباقي البيت اي شي يرجع لمكانه اول بأول
وفي وحده من الاخوات قالت ابدي بمكان زوجك البي يقعد فيه حلوه الفكره رتبيه وبخريه وعطريه حتى يرتاح لمكانه


الحين نجي للشغل اليوم اول ماتصحين رتبي فراشك
وروحي عالمطبخ صلحي الفطور
اذا طلع زوجك قفلي عالعيال بغرفه وغسلي الحمامات ومسحي الارضيه ورتبي اللي مكركب (انا المكنسه استعملها يوم وترك للسجاد والبرادي بس طبعاً يعتمد على بيتك) شوفي التنظيف عشان اكون صادقه معاك انا ساعات سريع سريع وساعات لا بذمه وضمير
وبخري البيت وخلي عندك رشوش للبيت
طبعاٌ لا تنسين تغيري الشراشف ان طولت طولت اسبوع فقط

الغدا تطبخينه وقبل لا تنجبين الغدا غسلي المواعين وامسحي الارضيه اذا انكب شي
لا تنسين تفتحين للعيال
واطفالك شجعيهم يلا يا ماما رتب لعبك كذا مين الفايز اليوم كذا

وقبل لا يرجع زوجك عطري البيت مايمنع

غسيل الملابس ما ادراك ما غسيل الملابس هذا مافيه طب اخذي لك شغاله بالساعه تغسل وتكوي

عاااد الهمه نبي نشوف ردك تقولين لنا شصار معك

جزاكي الله خير
ونعم الرد ربي يكثر من امثالك